လံာ်စီဆှံတဲဝဲဒ်လဲၣ်
မ့ၢ်ကစၢ်ယွၤ ဒိကနၣ်ပှၤတၢ်ထုဖၣ်ခဲလၢာ်ဧါ.
မ့ၢ်နကစံးဆၢလၢ ကစၢ်ယွၤစံးဆၢ ပှၤတၢ်ထုကဖၣ် . . .
ခဲလၢာ်ဧါ
တနီၤနီၤဧါ
နီတဂၤဘၣ်ဧါ
လံာ်စီဆှံတဲဝဲဒ်လဲၣ်
“ကယဲၢ်ပှၤလၢအကိးထီၣ်ယွၤ, . . . ယွၤအိၣ်ဘူးဒီးအီၤလီၤ.” —စံးထီၣ်ပတြၢၤ ၁၄၅:၁၈.
ပမၤလိအါထီၣ်တၢ်ဂ့ၢ်အဂၤ လၢလံာ်စီဆှံအပူၤကသ့ဒံးဧါ
ကစၢ်ယွၤတဒိကနၣ် ပှၤလၢအထီဒါအီၤတဖၣ် အတၢ်ထုကဖၣ်ဘၣ်.(ယၡါယၤ ၁:၁၅) ဘၣ်ဆၣ် အဝဲသ့ၣ်တဖၣ်မ့ၢ် “မၤဘၣ်” လိာ်က့ၤ အတၢ်အိၣ်မူဒီးယွၤအတၢ်ဘၣ်သးန့ၣ် ယွၤကဒိကနၣ်အတၢ်ထုကဖၣ်လီၤ.—ယၡါယၤ ၁:၁၈, ခ့ခါစှီၤကျိာ်.
ဒ်သိးကစၢ်ယွၤကဒိကနၣ် ပတၢ်ထုကဖၣ်အဂီၢ် ပကဘၣ်ဃ့တၢ်လၢအလီၤပလိာ်လိာ်အသးဒီး ယွၤအတၢ်ဘၣ်သးလၢ လံာ်စီဆှံပူၤန့ၣ်လီၤ.—၁ ယိၤဟၣ် ၅:၁၄.
ဖဲပဃ့ဘါထုကဖၣ်အခါ ပကဘၣ်အိၣ်ဒ်လဲၣ်.
ပှၤတနီၤနီၤနာ်ဝဲလၢ ဖဲအဃ့ဘါထုကဖၣ်တၢ်အခါ ကဘၣ်ချံးလီၤအခီၣ်, ကဘၣ်ဆှိလီၤခိၣ် မ့တမ့ၢ် ပကဘၣ်ပာ်ဖှိၣ်စုခံခီလၢာ်လီၤ. မ့ၢ်နဆိကမိၣ်ဒ်လဲၣ်.
လံာ်စီဆှံတဲဝဲဒ်လဲၣ်
ဖဲပဃ့ဘါထုကဖၣ်တၢ်အခါ ပှၤမ့ၢ် “ဆ့ၣ်နီၤ” မ့ၢ်ဂ့ၤ, “ဆၢထၢၣ်” မ့ၢ်ဂ့ၤ, “တီၤလီၤကဒွံကျိာ်” မ့ၢ်ဂ့ၤ မ့တမ့ၢ် “ချံးလီၤအခီၣ်” မ့ၢ်ဂ့ၤ ကစၢ်ယွၤတူၢ်လိာ်ဝဲလီၤ. (၁ ကွဲးနီၣ်တၢ် ၁၇:၁၆; ၂ ကွဲးနီၣ်တၢ် ၃၀:၂၇; ဧ့စြၤ ၁၀:၁; မၤတၢ် ၉:၄၀)ဖဲပဃ့ဘါထုကဖၣ်တၢ်အခါန့ၣ် ကစၢ်ယွၤတမၢပှၤလၢ ပကဘၣ်အိၣ်ဒ်အံၤဒ်နုၤဘၣ်.
ပမၤလိအါထီၣ်တၢ်ဂ့ၢ်အဂၤ လၢလံာ်စီဆှံအပူၤကသ့ဒံးဧါ
ပှၤလၢအဆီၣ်လီၤအသးတဖၣ် အတၢ်ထုကဖၣ်န့ၣ် ကစၢ်ယွၤ ဒိကနၣ်ဝဲလီၤ.—စံးထီၣ်ပတြၢၤ ၁၃၈:၆.
ဖဲနဃ့ဘါထုကဖၣ်တၢ်အခါ နဃ့လၢကျိာ်တခါဂ့ၤတခါဂ့ၤသ့ဝဲလီၤ. တကးဒံးဘၣ် နဃ့လၢနသးပူၤသ့စ့ၢ်ကီးလီၤ.—ကွဲးနီၣ်တၢ် ၆:၃၂, ၃၃; နဃ့မယၤ ၂:၁-၆.