ယဟိဝၤပှၤအုၣ်အသးတဖၣ် တြီဝဲတၢ်ကွၢ်တၢ်ဂီၤမူ, တၢ်ဖးလံာ်, တၢ်ဒိကနၣ် တၢ်သးဝံၣ် တနီၤဧါ
ပတတြီဘၣ်. ပတၢ်ကရၢကရိ တပဲာ်ထံနီၤဖးလီၤတံၢ်လီၤဆဲးဝဲ တၢ်ဂီၤမူ, လံာ်လဲၢ်, ဒီးတၢ်သးဝံၣ် မနုၤလၢ တၢ်အိၣ်ဖှိၣ်ဖိတဖၣ် ကြၢးဟးဆှဲးဝဲဘၣ်. လၢမနုၤအဃိလဲၣ်.
လံာ်စီဆှံဟ့ၣ်ဂံၢ်ဟ့ၣ်ဘါ ပှၤတဂၤစုာ်စုာ်လၢ ကသိၣ်လိအ ‘တၢ်ပဲာ်ဖးနီၤဖး’ လၢကထံၣ်သ့ၣ်ညါဝဲ တၢ်အဘၣ်ဒီးတၢ်အကမၣ်န့ၣ်လီၤ.—ဧ့ၤဘြံၤ ၅:၁၄.
လံာ်စီဆှံပာ်ဖျါဝဲ တၢ်သိၣ်တၢ်သီအခီၣ်ထံးလၢ ခရံာ်ဖိတဖၣ် တယာ်ဆိကမိၣ်တၢ်ကသ့ဖဲ ဃုထၢတၢ်မၤမုာ်မၤဖှံသး အခါန့ၣ်လီၤ. a လၢတၢ်အိၣ်မူ ကိးသနၢၣ်ဒဲးအပူၤ, ပတၢ်ပညိၣ်န့ၣ် မ့ၢ်တၢ် “ဂုာ်ဃုသ့ၣ်ညါ တၢ်လၢအဘၣ်ကစၢ်အသး” လီၤ.—အ့းဖ့းစူး ၅:၁၀.
လံာ်စီဆှံသိၣ်လိဝဲလၢ ဟံၣ်ခိၣ်တဖၣ်န့ၣ် အိၣ်ဒီးတၢ်န့ၢ်စိန့ၢ်ကမီၤဖဲအကြၢးလီၤ. လၢတၢ်န့ၣ်အဃိ အဝဲသ့ၣ်ဃုထၢဝဲလၢ ကတြီတၢ်မၤမုာ်မၤဖှံသးတနီၤလၢ အဟံၣ်ဖိဃီဖိအဂီၢ်သ့လီၤ. (၁ ကရံၣ်သူး ၁၁:၃; အ့းဖ့းစူး ၆:၁-၄) ဘၣ်ဆၣ်, မ့တမ့ၢ်အပှၤဟံၣ်ဖိန့ၣ်, ပှၤတဂၤလၢ်လၢ် တအိၣ်ဒီးတၢ်န့ၢ်စိန့ၢ်ကမီၤလၢကတြီ တၢ်ဂီၤမူ, တၢ်သးဝံၣ်, ဒီးလံာ်လဲၢ် ဒ်သိးတၢ်လၢ တၢ်အိၣ်ဖှိၣ်ဖိတဖၣ် တူၢ်လိာ်တသ့န့ၣ်ဘၣ်.—ကလၤတံ ၆:၅.
a အဒိ, လံာ်စီဆှံဒုၣ်ဒွဲၣ်စံးအၢဝဲ တၢ်ကိးမံၤဒဲးလၢ အမၤဆူၣ်ထီၣ် တၢ်စုဆူၣ်ခီၣ်တကး, တၢ်ဟိၣ်တၢ်ယီ, မ့တမ့ၢ် တၢ်ကလုာ်ကလိၤတဖၣ်လီၤ.—၅ မိၤၡ့ ၁၈:၁၀–၁၃; အ့းဖ့းစူး ၅:၃; ကလီးစဲ ၃:၈.
You May Also Like
ကးတိလၢ လၢၢ်ဘ့ၣ်ဘၣ်ဝါအလိၤ
ဝံၣ်ဒံၣ်အိၣ်က့(မ်)– နမၤနၢၤတၢ်အနီၢ်ကီၢ်ဧါ
ဝံၣ်ဒံၣ်အိၣ်က့(မ်) တဖၣ်မၤသးခုနၤသ့, ဘၣ်ဆၣ် တၢ်ဘၣ်ယိၣ်အလီၢ်အိၣ်စ့ၢ်ကီး. နဟးဆှဲး တၢ်ဘၣ်ယိၣ်အလီၢ် ဒီးနကဲထီၣ် ပှၤမၤနၢၤတၢ်နီၢ်နီၢ်ကသ့ဒ်လဲၣ်.
လံာ်စီဆှံ အတၢ်သိၣ်လိတဖၣ်
မၤလိကွၢ် လံာ်စီဆှံဒီးပှၤ
မၤလိသကိး တၢ်မၤလိလံာ်စီဆှံ လၢတလိၣ်ဟ့ၣ်စ့ဘၣ်ဒီး ပှၤလၢအကမၤလိနၤ လံာ်စီဆှံတဂၤ.