ပမၤပိာ်ထွဲ လံာ်စီဆှံ အတၢ်ဟ့ၣ်ကူၣ်လၢ အဘၣ်ဃးဒီး တၢ်ဆီဟံၣ်ဆီဃီဒီး တၢ်မၤကတၢၢ်ကွံာ် တၢ်ဆီဟံၣ်ဆီဃီန့ၣ်လီၤ. ယွၤဒုးအိၣ်ထီၣ် တၢ်ဆီဟံၣ်ဆီဃီန့ၣ် ဒ်သိးပိာ်မုၣ်ဒီး ပိာ်ခွါ ကအိၣ်ဒ်သိးသိး တစိၤသးအဂီၢ်လီၤ. ဘၣ်ဆၣ် တၢ်မၤကတၢၢ်ကွံာ် တၢ်ဆီဟံၣ်ဆီဃီ (divorce) န့ၣ် သ့ဒၣ်ထဲလၢ တၢ်မၤကမၣ်မုၣ်ကမၣ်ခွါအဃိလီၤ.—မၤသဲ ၁၉:၅, ၆, ၉.

 မ့ၢ်, မၤစၢၤဝဲလၢ ကျဲအါဘိလီၤ–

•   လံာ်လဲၢ်တဖၣ်. တၢ်ကီတၢ်ခဲမ့ၢ်အိၣ်ထီၣ်လၢ နီၢ်ဒီမါဝၤခံဂၤအဘၢၣ်စၢၤ တုၤဒၣ်လဲာ်ဖျါလၢ အဝဲသ့ၣ်မၤဘၣ်လိာ်က့ၤဝဲ တညီလၢၤဘၣ်န့ၣ် လံာ်လဲၢ်တဖၣ်အံၤ မၤစၢၤအီၤသ့လီၤ. အဒိ, ကွၢ်တၢ်ဂ့ၢ်ဒ်သိးဒီး “Maintaining Commitment in Your Marriage,” “How to Forgive,” and “Rebuilding Trust in a Marriage” လီၤ.

•   တၢ်အိၣ်ဖှိၣ်ရိဖှိၣ်တဖၣ်. တၢ်အိၣ်ဖှိၣ်ရိဖှိၣ်, ကဝီၤတၢ်အိၣ်ဖှိၣ် ဒီးတၢ်အိၣ်ဖှိၣ်ဖးဒိၣ်အပူၤန့ၣ် ပဒိးန့ၢ်ဘၣ် လံာ်စီဆှံ တၢ်ဟ့ၣ်ကူၣ်လၢ ပှၤနီၢ်ဒီမါဝၤတဖၣ်အဂီၢ်လီၤ.

•   တၢ်အိၣ်ဖှိၣ်သးပှၢ်တဖၣ်. တၢ်အိၣ်ဖှိၣ်သးပှၢ်တဖၣ် သူဝဲလံာ်စီဆှံ အတၢ်ဟံးစုနဲၣ်ကျဲ ဒ်သိးဒီး အ့းဖ့းစူး ၅:၂၂-၂၅ လၢကမၤစၢၤ ပှၤနီၢ်ဒီမါဝၤတဖၣ် အဂီၢ်လီၤ.

 တလိၣ်ဘၣ်. ပှၤနီၢ်ဒီမါဝၤ မ့ၢ်ဟဲဃ့တၢ်မၤစၢၤလၢ တၢ်အိၣ်ဖှိၣ်သးပှၢ်အအိၣ်န့ၣ် တၢ်အိၣ်ဖှိၣ်သးပှၢ်တဖၣ် ဟ့ၣ်ကူၣ်ဟ့ၣ်ဖးဝဲလၢ လံာ်စီဆှံအပူၤလီၤ. အဝဲသ့ၣ် တအိၣ်ဒီး တၢ်ခွဲးတၢ်ယာ်လၢ ကတဲဝဲပှၤနီၢ်ဒီမါဝၤ ခံဂၤအံၤလၢ ကဘၣ်မၤဒ်အံၤ ဒ်နုၤဘၣ်. (ကလၤတံ ၆:၅) ဘၣ်ဆၣ်, ပှၤတနီၤနီၤ မ့ၢ်ဆၢတဲာ်လီၤအသးလၢ ကမၤကတၢၢ်ကွံာ် အတၢ်ဆီဟံၣ်ဆီဃီ ဒီးမ့တမ့ၢ်လၢ တၢ်မၤကမၣ်မုၣ်ကမၣ်ခွါအဃိဘၣ်န့ၣ် ဒ်လံာ်စီဆှံတၢ်သိၣ်တၢ်သီအိၣ်ဝဲအသိး အဝဲတအိၣ်ဒီး တၢ်ခွဲးတၢ်ယာ်လၢ ကဆီဟံၣ်ဆီဃီလၢ အသီဘၣ်.—၁ တံၤမသ့း ၃:​၁, ၅, ၁၂.

 လံာ်စီဆှံဟ့ၣ်ဂံၢ်ဟ့ၣ်ဘါဝဲ ပှၤနီၢ်ဒီမါဝၤတဖၣ်လၢ မ့ၢ်ကီသနာ်က့ ကဘၣ်အိၣ်ဒ်သိးသိးလီၤ. (၁ ကရံၣ်သူး ၇:၁၀-၁၆) တၢ်ကီတၢ်ခဲအါဒၣ်တက့ၤန့ၣ် နမၤဘၣ်ဂီၢ်က့ၢ်အီၤသ့ ခီဖျိ တၢ်ဃ့ဘါထုကဖၣ်လၢ တၢ်သူၣ်ဆူၣ်သးဆူၣ်, မၤထွဲလံာ်စီဆှံတၢ်သိၣ်တၢ်သီ ဒီးပာ်ဖျါထီၣ်တၢ်အဲၣ်တၢ်ကွံလီၤ.—၁ ကရံၣ်သူး ၁၃:၄-၈; ကလၤတံ ၅:၂၂.

 ဘၣ်ဆၣ် ခရံာ်ဖိတနီၤနီၤ ဆၢတဲာ်လီၤအသးလၢကအိၣ်လီၤဖးဒီး အသးသမူတံၤသကိး မ့ၢ်လၢ အကွၢ်ဆၢၣ်မဲာ်ဘၣ်တၢ်အိၣ်သး ကီကီခဲခဲ ဒ်လၢလာ်အံၤအသိးလီၤ-

•   အသးသမူတံၤသကိး တအဲၣ်ဒိးလုၢ်အီၣ်လုၢ်အီ အဟံၣ်ဖိဃီဖိနီတစဲးဘၣ်—၁ တံၤမသ့း ၅:၈.

•   အသးသမူတံၤသကိး မၤဒၢၣ်မၤဆါအီၤနးနးကလဲာ်—၁ မိၤၡ့ ၆:၁၃.

•   အသးသမူတံၤသကိး တြီအီၤတုၤဒၣ်လဲာ်ဘူၣ်ထီၣ်ဘါထီၣ် ယဟိဝၤယွၤ တန့ၢ်ဘၣ်. အဒိ, အသးသမူတံၤသကိး မ့ၢ်မၢဆူၣ်အီၤလၢ ကမၤကမၣ် ယွၤအတၢ်သိၣ်တၢ်သီလၢ ကျဲတဘိဘိ ဒီးမၤပျံၤမၤဖုးအီၤဒီး ပှၤလၢအဘၣ်တၢ်မၤပျံၤမၤဖုး အီၤတဂၤက ‘စူၢ်ယွၤ အါန့ၢ်ကစူၢ်ပှၤကညီ’ အဂီၢ်ကျဲအဂၤမ့ၢ်တအိၣ်ဘၣ်န့ၣ် အဝဲမ့ၢ်အဲၣ်ဒိး ဆၢတဲာ်လီၤအသးလၢ ကအိၣ်လီၤဖးန့ၣ်သ့ဝဲလီၤ.—မၤတၢ် ၅:၂၉.