တၢ်ဂ့ၢ်ဘၣ်ဃး နီၢ်ကစၢ်တၢ်ဂ့ၢ်တၢ်ဘျၢ တစဲး

•  တၢ်ပာ်ကဲ နတၢ်ဂ့ၢ်ခူသူၣ်

•  တၢ်ပာ်ဖှိၣ်တၢ်ဂ့ၢ်တၢ်ကျိၤ

•  တၢ်မၤဘံၣ်မၤဘၢ တၢ်ဂ့ၢ်တၢ်ကျိၤ

•  ပှၤလၢအနံၣ်တပှဲၤဘၣ်

•  Third-Party

•  တၢ်ဒုးသ့ၣ်ညါပှၤဂၤလၢ တၢ်ဆီတလဲ ဘၣ်ဃးဒီးတၢ်ဘျၢအံၤ

•  Active Scripting or JavaScript

ကွၢ်စ့ၢ်ကီး

• ယဟိဝၤပှၤအုၣ်အသးတဖၣ် ဟီၣ်ခိၣ်ဒီဘ့ၣ်တၢ်ဘျၢ ဘၣ်ဃးဒီးတၢ်ဒီသဒၢ တၢ်ဂ့ၢ်တၢ်ကျိၤ

• ဟီၣ်ခိၣ်ဒီဘ့ၣ်တၢ်ဘျၢ လၢတၢ်သူနီၢ်ကစၢ်တၢ်ဂ့ၢ်တၢ်ကျိၤ

• ဟီၣ်ခိၣ်ဒီဘ့ၣ်တၢ်ဘျၢလၢ တၢ်သူ Cookies ဒီးတၢ်လၢအလီၤဂာ်ဒီးအီၤတဖၣ်

 ပပာ်လီၤပသးလၢ ပကဒီသဒၢဒီး ပာ်ကဲနတၢ်ဂ့ၢ်ခူသူၣ်တဖၣ်လီၤ. တၢ်ဘျၢအဝဲအံၤ ကပာ်ဖျါထီၣ်ဝဲ ဆၢကတီၢ်ဖဲ ပကသူနနီၢ်ကစၢ် အတၢ်ဂ့ၢ်တၢ်ကျိၤ လၢပမၤန့ၢ်အီၤတဖၣ်​ မ့တမ့ၢ် လၢနဟ့ၣ်လီၤပှၤ လၢပပှာ်ယဲၤသန့ ဒီးအဲး (APPS) ခဲလၢာ်လၢ WATCHTOWER BIBLE AND TRACT SOCIETY OF NEW YORK, INC (“Watchtower”) ထုးထီၣ်ဝဲအပူၤ. ဖဲနနုာ်လီၤကွၢ်လၢ ပပှာ်ယဲၤသန့အပူၤအခါ ပပာ်ဃာ်တၢ်ဂ့ၢ်တနီၤ ဒီးပသ့ၣ်ညါလၢ အရ့ဒိၣ်ဒိၣ်မးလၢ ပကဒီသဒၢတၢ်ဂ့ၢ်သ့ၣ်တဖၣ်အံၤ ဒီးပကသူတၢ်ဂ့ၢ်တဖၣ်အံၤ ဒ်လဲၣ်ဒ်လဲၣ်န့ၣ်​ အရ့ဒိၣ်လၢ ပဒုးသ့ၣ်ညါနၤစ့ၢ်ကီးလီၤ. ဘၣ်သ့ၣ်သ့ၣ်​ နကဟ့ၣ်လီၤပှၤ နနီၢ်ကစၢ်တၢ်ဂ့ၢ်တၢ်ကျိၤတနီၤလီၤ. လၢတၢ်ဘျၢအံၤအပူၤ တၢ်ကတိၤလၢအမ့ၢ် “နီၢ်ကစၢ်အတၢ်ဂ့ၢ်တၢ်ကျိၤ” န့ၣ်အဲၣ်ဒိးတဲဝဲ တၢ်ဂ့ၢ်တၢ်ကျိၤဒ်သိးဒီး နမံၤ, နအံမ့, နဟံၣ်နီၣ်ဂံၢ်, နလီတဲစိနီၣ်ဂံၢ် မ့တမ့ၢ် တၢ်ဂ့ၢ်အဂၤလၢ ပှၤသူအီၤဒ်သိး ကသ့ၣ်ညါနီၤဖးနၤအဂီၢ်လီၤ. တၢ်ကတိၤလၢအမ့ၢ် “ပှာ်ယဲၤသန့” န့ၣ်အဲၣ်ဒိးတဲဝဲ ပှာ်ယဲၤသန့အံၤ တကးဒံးဘၣ်​ ပှာ်ယဲၤသန့လၢ အဘၣ်ထွဲလိာ်သးဒီးအီၤတဖၣ်​ ဒ်သိးဒီး apps.jw.org, tv.jw.org, stream.jw.org, ဒီး wol.jw.org န့ၣ်လီၤ.

 ပပှာ်ယဲၤသန့တခါအံၤ ဒီးအဲး (APPS) ခဲလၢာ်လၢ WATCHTOWER BIBLE AND TRACT SOCIETY OF NEW YORK, INC (“Watchtower”) ထုးထီၣ်ဝဲန့ၣ် မ့ၢ်ဝဲ New York not-for-profit corporation တၢ်ကရၢကရိအံၤ ဆီၣ်ထွဲဝဲယဟိဝၤပှၤအုၣ်သးတဖၣ်​ အတၢ်ဖံးတၢ်မၤ ဒီးလံာ်စီဆှံအတၢ်သိၣ်လိလီၤ. နမ့ၢ်တ့ထီၣ်​ account, ဟ့ၣ်လီၤတၢ်မၤဘူၣ်, ဃ့လၢပှၤကမၤလိလံာ်စီဆှံဒီးနၤ မ့တမ့ၢ် တီၣ်ထီၣ်တၢ်အဂၤတမံၤမံၤလၢ နကဘၣ်ဟ့ၣ်လီၤ နနီၢ်ကစၢ်အတၢ်ဂ့ၢ်တၢ်ကျိၤန့ၣ်​ အခီပညီမ့ၢ်ဝဲလၢ နတူၢ်လိာ်တၢ်ဘျၢတခါအံၤလီၤ. တကးဒံးဘၣ်​ နတူၢ်လိာ်လၢ ပှၤကပာ်ဖှိၣ်ဃာ် နနီၢ်ကစၢ်အတၢ်ဂ့ၢ်တၢ်ကျိၤလၢ ခီၣ်ဖၠူထၢၣ်ခိၣ်ကျၢၢ်တနီၤလၢ ပသူလၢပှာ်ယဲၤသန့အဂီၢ်လၢ အိၣ်လၢကီၢ်အမဲရကၤအပူၤလီၤ. ဒီးဒ်သိးတၢးထီခိးတၢ် ဒီးတၢ်ကရၢကရိတဖၣ်လၢ အဆီၣ်ထွဲဝဲ ယဟိဝၤပှၤအုၣ်အသးတဖၣ်​ လၢထံကီၢ်အါဘ့ၣ်အပူၤန့ၣ်​ ကမၤလၢပှဲၤထီၣ် တၢ်လၢနဃ့ထီၣ်တဖၣ်အဂီၢ် နတူၢ်လိာ်လၢ အဝဲသ့ၣ်ကမၤန့ၢ်, သူ, ဆှၢ ဒီးပာ်ဖှိၣ်နနီၢ်ကစၢ်အတၢ်ဂ့ၢ်တၢ်ကျိၤန့ၣ်လီၤ. တၢ်ဘူၣ်တၢ်ဘါ တၢ်ကရၢကရိအဝဲအံၤ အတၢ်မၤအိၣ်လၢ ဟီၣ်ခိၣ်ဒီဘ့ၣ်​ ဒီးမၤတၢ်ခီဖျိလၢ လီၢ်ကဝီၤအတၢ်ကရၢကရိတဖၣ်လီၤ. တၢ်သ့ၣ်တဖၣ်အံၤ ပၣ်ဃုာ်ဒီး လီၢ်ကဝီၤအတၢ်အိၣ်ဖှိၣ်တဖၣ်, ဝဲၤတြၢ်တဖၣ်​ ဒီးတၢ်ကရၢကရိအဂၤတဖၣ်လၢ အမၤသကိးတၢ်ဒီး ယဟိဝၤပှၤအုၣ်အသးတဖၣ်လီၤ.

နနီၢ်ကစၢ်အတၢ်ဂ့ၢ်တၢ်ကျိၤလၢ ဘၣ်တၢ်ပာ်ဖှိၣ်အီၤန့ၣ်​ ဒိးသန့ၤထီၣ်အသးလၢ နသူပှာ်ယဲၤသန့အံၤအဖီခိၣ်န့ၣ်လီၤ. အဒိ နမ့ၢ်ပာ်လီၤနသးလၢ နကဟ့ၣ်လီၤတၢ်မၤဘူၣ်လၢ ထံကီၢ်တဘ့ၣ်ဘ့ၣ်န့ၣ်​ တၢ်ကဟ့ၣ်လီၤနမံၤနသၣ်​ ဒီးနတၢ်ဆဲးကျိးအဂ့ၢ်အကျိၤ လၢထံကီၢ်တဘ့ၣ်န့ၣ်အပူၤ ဒ်သိးကရဲၣ်ကျဲၤဝဲဘၣ်ဃး ဒီးတၢ်ဟ့ၣ်လီၤတၢ်မၤဘူၣ်အကျိၤအကျဲအဂီၢ်လီၤ. ဒီးနမ့ၢ်ဃ့တၢ်မၤစၢၤလၢ တၢ်မၤလိလံာ်စီဆှံအဂီၢ်န့ၣ်​ နမံၤဒီးနတၢ်ဆဲးကျိးအဂ့ၢ်အကျိၤန့ၣ်​ ကဘၣ်တၢ်ဟ့ၣ်လီၤအီၤဆူ ယဟိဝၤပှၤအုၣ်သးတဖၣ်​ အဝဲၤတြၢ် မ့တမ့ၢ် တၢ်အိၣ်ဖှိၣ်တဖုဖုလၢ လီၢ်ကဝီၤပူၤလီၤ.

ထံကီၢ်လၢ နအိၣ်ဝဲဆိးဝဲလၢအပူၤတဘ့ၣ်​ မ့ၢ်အိၣ်ဒီးနီၢ်ကစၢ်တၢ်ဂ့ၢ်တၢ်ကျိၤ တၢ်သိၣ်တၢ်သီတဖၣ်န့ၣ်​ နဃုထံၣ်န့ၢ်အီၤသ့လၢ တၢ်ဆဲးကျိးဘၣ်ဃးဒီး တၢ်ဒီသဒၢ နီၢ်ကစၢ်တၢ်ဂ့ၢ်တၢ်ကျိၤအလံာ်ပူၤလီၤ.

 ဘၣ်ဃးဒီးနနီၢ်ကစၢ်အတၢ်ဂ့ၢ်တၢ်ကျိၤန့ၣ်​ ပပာ်အီၤဘံၣ်ဘံၣ်ဘၢဘၢလီၤ. ဒ်သိးပှၤသုတမၤန့ၢ်, သူကမၣ်​ မ့တမ့ၢ် ဆီတလဲ နနီၢ်ကစၢ်အတၢ်ဂ့ၢ်တၢ်ကျိၤတဂ့ၤအဂီၢ် ပသူတၢ်ဘံၣ်တၢ်ဘၢအကျိၤအကျဲလၢ ချုးပစိၤခဲအံၤ ဒ်သိးကဒီသဒၢ နနီၢ်ကစၢ်အတၢ်ဂ့ၢ်တၢ်ကျိၤအဂီၢ်လီၤ. ပှၤလၢအသူဝဲ နနီၢ်ကစၢ်အတၢ်ဂ့ၢ်တၢ်ကျိၤ ဃုာ်ဒီး third parties ခဲလၢာ်န့ၣ်​ အိၣ်ဒီးမူဒါလၢ ကပာ်နတၢ်ဂ့ၢ်တၢ်ကျိၤ ဘံၣ်ဘံၣ်ဘၢဘၢလီၤ. ပပာ်ဃာ် နနီၢ်ကစၢ်တၢ်ဂ့ၢ်တၢ်ကျိၤ တုၤလၢပမၤလၢပှဲၤ တၢ်တိာ်ပာ်လၢ ပဟံးန့ၢ်နနီၢ်ကစၢ်အတၢ်ဂ့ၢ်တၢ်ကျိၤအဂီၢ် မ့တမ့ၢ် တုၤလၢပတီၣ်ဖျါထီၣ်​ တၢ်ဂ့ၢ်တၢ်ကျိၤဒ် ပဒိၣ်အတၢ်သိၣ်တၢ်သီအိၣ်ဝဲအသိးလီၤ.

ဖဲပဆှၢနနီၢ်ကစၢ်အတၢ်ဂ့ၢ်တၢ်ကျိၤလၢတၢ်လီၢ်အဂၤအခါ ပသူဝဲ encryption ဒ်သိးဒီး Transport Layer Security (TLS) လီၤ. ပသူခီၣ်ဖၠူထၢၣ်အကျိၤအကျဲ ဒ်သိးပှၤဂၤဟဲနုာ်လီၤဟုၣ်တၢ်ဂ့ၢ်တၢ်ကျိၤလၢ တၢ်သူၣ်ထီၣ်အကိပူၤသုတန့ၢ်တဂ့ၤအဂီၢ်, တကးဒံးဘၣ်​ ပသူစ့ၢ်ကီးတၢ်ဒီသဒၢ ဒ်သိးပှၤနုာ်လီၤဟုၣ်ဝဲ တၢ်ဂ့ၢ်တၢ်ကျိၤလၢခီၣ်ဖၠူထၢၣ်ပူၤသုတန့ၢ်အဂီၢ်လီၤ. ဒီးပသူစ့ၢ်ကီးခီၣ်ဖၠူထၢၣ်အကျိၤအကျဲ ဒ်သိးကဒီသဒၢဝဲတၢ်ဂ့ၢ်တၢ်ကျိၤ ဖဲပဆှၢလီၤလၢတၢ်လီၢ်အဂၤအခါ မ့တမ့ၢ် ဖဲပဒိးန့ၢ်ဘၣ်တၢ်ဂ့ၢ်တၢ်ကျိၤအခါန့ၣ်လီၤ.

 နမ့မ့ၢ်ပှၤလၢ အနံၣ်တပှဲၤဘၣ်တဂၤန့ၣ်​ နဟ့ၣ်လီၤနနီၢ်ကစၢ်အတၢ်ဂ့ၢ်တၢ်ကျိၤလၢ ပပှာ်ယဲၤသန့အံၤအပူၤ သ့ထဲလၢနမိနပါ မ့တမ့ၢ် ပှၤလၢအကွၢ်ထွဲနၤတဂၤ မ့ၢ်ဟ့ၣ်နၤအခွဲးန့ၣ်လီၤ. နမ့မ့ၢ်မိၢ်ပၢ် မ့တမ့ၢ် ပှၤလၢအကွၢ်ထွဲတၢ်တဂၤ ဒီးနမ့ၢ်ဟ့ၣ်အခွဲးလၢ ပှၤလၢအသးနံၣ်တပှဲၤဘၣ်တဂၤ ကဟ့ၣ်လီၤ အနီၢ်ကစၢ်တၢ်ဂ့ၢ်တၢ်ကျိၤန့ၣ်​ အခီပညီမ့ၢ်ဝဲဒၣ်​ နတူၢ်လိာ်တၢ်ဘျၢအံၤလၢ ပှၤလၢအနံၣ်တပှဲၤဘၣ်တဂၤအံၤအလီၢ်လီၤ.

 တဘျီတခီၣ်န့ၣ်​ ပှာ်ယဲၤသန့အံၤ ဒီးအဲးလၢအဘၣ်ထွဲဒီး ပှာ်ယဲၤသန့အံၤန့ၣ် ဘျးစဲလိာ်အသးဒီး third-party အပှာ်ယဲၤသန့ ဒ်သိးအဝဲသ့ၣ်​ ကမၤန့ၢ်တၢ်လၢ ပပှာ်ယဲၤသန့အဂီၢ် (အဒိ တၢ်မၤပှဲၤထီၣ် လံာ်ပတံထီၣ်လၢ online ပူၤ). ဖဲနစံၢ်လီၤ third-party အပှာ်ယဲၤသန့န့ၣ်​ နကထံၣ်ဘၣ်လၢအ browser အတၢ်အိၣ်ဖျါန့ၣ် ကလီၤဆီလိာ်အသးလီၤ. တကးဒံးဘၣ် ဖဲနဃ့ထီၣ် တၢ်ဂ့ၢ်တၢ်ကျိၤ တမံၤမံၤအခါ နကဒိးန့ၢ်ဘၣ် အံမ့ မ့တမ့ၢ် မဲးစ့း ဒီးတၢ်ဒုးသ့ၣ်ညါ တမံၤမံၤ လၢ third-party အအိၣ်. ဖဲနစံၢ်လီၤ third-party အခါ တၢ်ဂ့ၢ်တၢ်ကျိၤလၢ အလဲၤနုာ်လီၤလၢ third-party ဒ်သိးဒီး တၢ်ဂ့ၢ်ခူသူၣ်မ့ၢ်ဂ့ၤ data protection policies မ့ၢ်ဂ့ၤ ပကမၤလီၤတံၢ်အီၤ ဒ်သိး အကလီၤပလိာ်လိာ်သးဒီး ပတၢ်ဘျၢအဂီၢ်. ဘၣ်ဆၣ် apps ဒီး services လၢ third-party သူဝဲ ဒီးအ programming, terms of use, နီၢ်ကစၢ်တၢ်ဂ့ၢ်တၢ်ဘျၢ ဒီး general conditions တဖၣ်န့ၣ် တအိၣ်လၢ ပစုပူၤဘၣ်. အဃိ ဖဲနသူ third-party အ apps ဒီး website အခါ နကဘၣ်လူၤပိာ်ထွဲ အဝဲသ့ၣ် အတၢ်သိၣ်တၢ်သီ. ဒီး third-party ပှာ်ယဲၤသန့ အတၢ်ဂ့ၢ်အသီ မ့ၢ်ဟဲအိၣ်ထီၣ်န့ၣ် ပတဒုးသ့ၣ်ညါသုဘၣ်အဃိ တချုးလၢ နသူအီၤဒံးဘၣ်န့ၣ် နကဘၣ် ဃုသ့ၣ်ညါ တၢ်ဂ့ၢ်တၢ်ကျိၤ လၢနနီၢ်ကစၢ်. နမ့ၢ်အိၣ်ဒီး တၢ်သံကွၢ် ဘၣ်ဃးဒီး third-party အတၢ်သိၣ်တၢ်သီန့ၣ် နဃုထံၣ်န့ၢ်အီၤသ့လၢ အဝဲသ့ၣ် အပှာ်ယဲၤသန့ပူၤ.

နမ့ၢ်သူ Google Maps လၢ third-party အပှာ်ယဲၤသန့ပူၤန့ၣ် နကဘၣ်လူၤပိာ်ထွဲ Google Privacy Policy. Google နာ်က့ အကဲစ့ၢ်ကီး third-party vendor အဃိ အ apps, programming ဒီး Terms of Service န့ၣ်တအိၣ်လၢပစုပူၤဘၣ်. အဃိ နမ့ၢ်သူ Google Maps လၢ third-party အပှာ်ယဲၤသန့ပူၤန့ၣ် နကဘၣ်လူၤပိာ်ထွဲ Google Maps/Google Earth Additional Terms of Service အတၢ်သိၣ်တၢ်သီ. ဒီး Google Maps အတၢ်ဂ့ၢ်တၢ်ကျိၤ အသီမ့ၢ်အိၣ်ထီၣ်န့ၣ် ပတဒုးသ့ၣ်ညါသုဘၣ် အဃိ တချုးလၢ နသူအီၤဒံးဘၣ်န့ၣ် နကဘၣ်ဃုကွၢ် Google Maps အတၢ်သိၣ်တၢ်သီ လၢနနီၢ်ကစၢ်. နမ့ၢ်တတူၢ်လိာ် တၢ်သိၣ်တၢ်သီဘၣ်န့ၣ် တဘၣ်သူ Google Maps တဂ့ၤ.

 ထီဘိန့ၣ်​ ပမၤဂ့ၤထီၣ်​ ပပှာ်ယဲၤသန့အံၤ ဒီးအဲးလၢအဘၣ်ထွဲဒီးအီၤတဖၣ် ဒီးမၤအါထီၣ်​ ပှာ်ယဲၤသန့ ဒီးအဲးလၢအဘၣ်ထွဲဒီးအီၤတဖၣ် အကျိၤအကျဲသ့ၣ်တဖၣ်လီၤ. ခီဖျိလၢ ပဆီတလဲ ပပှာ်ယဲၤသန့ ဒ်အံၤထီဘိဒီး ပဒိၣ်အတၢ်သိၣ်တၢ်သီ ဒီးစဲးဖီကဟၣ်​ အတၢ်ဆီတလဲတဖၣ်အဃိ ပကသူနီၢ်ကစၢ်အတၢ်ဂ့ၢ်တၢ်ကျိၤ ဒ်လဲၣ်ဒ်လဲၣ်န့ၣ်​ တဘျီတခီၣ်​ ကဆီတလဲဝဲလီၤ. အလီၢ်မ့ၢ်အိၣ်လၢပဘၣ်ဆီတလဲ ပတၢ်ဘျၢန့ၣ်​ ပကပာ်ဖျါထီၣ်အီၤလၢ ပပှာ်ယဲၤသန့အံၤအပူၤ ဒ်သိးဖဲနနုာ်လီၤကွၢ် ပပှာ်ယဲၤသန့အဝဲအံၤအခါ နကသ့ၣ်ညါလၢ မ့ၢ်ပကဟံးန့ၢ် နတၢ်ဂ့ၢ်တၢ်ကျိၤမနုၤတဖၣ်လဲၣ်​ ဒီးပသူက့ၤအီၤလၢ ကျဲဒ်လဲၣ်န့ၣ်လီၤ.

 Scripting န့ၣ်ဘၣ်တၢ်သူအီၤဒ်သိး ပှာ်ယဲၤသန့ အကျိၤအကျဲ အတၢ်မၤတဖၣ်​ ဒီးအဲးလၢအဘၣ်ထွဲဒီး ပပှာ်ယဲၤသန့န့ၣ် ကဂ့ၤအါထီၣ်ဝဲအဂီၢ်လီၤ. တၢ်သူ scripting စဲးဖီကဟၣ်ပီညါ (technology) ကဲထီၣ်တၢ်မၤစၢၤလၢ ပှာ်ယဲၤသန့အဂီၢ် ဒ်သိးတၢ်ဆှၢကဒါက့ၤတၢ်ဂ့ၢ်တၢ်ကျိၤ ဆူနအိၣ်လၢအချ့သ့ဝဲလီၤ. ပပှာ်ယဲၤသန့ ဒီးအဲးလၢအဘၣ်ထွဲဒီး ပပှာ်ယဲၤသန့န့ၣ် တသူ Scripting ​ လၢကထၢနုာ်လီၤ software လၢနခီၣ်ဖၠူထၢၣ်အပူၤ မ့တမ့ၢ် တဟံးန့ၢ်တၢ်ဂ့ၢ်တၢ်ကျိၤလၢ နတဟ့ၣ်အခွဲးဘၣ်တဖၣ်န့ၣ် နီတဘျီဘၣ်.

ဒ်သိး browser လၢပှာ်ယဲၤသန့အပူၤတနီၤ ကမၤတၢ်ဂ့ၤဂ့ၤဘၣ်ဘၣ်အဂီၢ်န့ၣ်​ လိၣ်ဘၣ်ဝဲ Active Scripting မ့တမ့ၢ် JavaScript န့ၣ်လီၤ. ဒီး browsers အါတက့ၢ်န့ၣ်​ ဟ့ၣ်နၤအခွဲးလၢနကပံးဃာ်ဝဲ မ့တမ့ၢ် အိးထီၣ်ဝဲ Active Scripting မ့တမ့ၢ် JavaScript န့ၣ်လီၤ. နမ့ၢ်ဃုသ့ၣ်ညါအါထီၣ် browser အတၢ်ဂ့ၢ်တၢ်ကျိၤဂ့ၤဂ့ၤန့ၣ်​ ဖဲနသူ scripting လၢပှာ်ယဲၤသန့ပူၤအခါ နသူအီၤကသ့ဂ့ၤဂ့ၤလီၤ.