Хԝәде мәрийа һ′әз дькә. Әԝи дьне у һ′әму тьшт сәва ԝе йәке ә′фьранд, ԝәки мәрьв ль сәр ә′рде дь бәхтәԝарийеда бьжин. Зутьрәке Хԝәде ԝе һ′але мә р′аст кә у ахьрийа мә ԝе баш бә. Әԝ ԝе һ′әму мә′нийед бебәхтийа мә, бьдә һьлдане. Бьхунә Йерәмйа 29:11.

Т′ӧ сәрк′артийе нькарьбуйә зӧлмийе, нәхԝәшийе у мьрьне бьдә һьлдане. Ле мьзгинийа Хԝәде әԝ ә, кӧ зутьрәке әԝ ԝе дәԝса һ′әму сәрк′артийед дьнйайе, сәрк′артийа хԝә к′ьфш кә. Бьн п′адшатийа ԝи, мәрьв ԝе ләзәте бьбиньн, ԝе сьһ′әт-ԛәԝат бьн у дь ә′дьлайийеда бьжин. Бьхунә Ишайа 25:8; 33:24; Данийел 2:44.

Һ′әму кӧл-дәрдед мә т′әне ԝи чахи ԝе хьлаз бьн, чахе Хԝәде ә′рде жь мәрийед хьраб т′әмьз кә (Сефанийа 2:3). Ле әв йәк ԝе к′әнге бьԛәԝьмә? Дәрһәԛа һ′але дьнйа иройин, дь К′ьтеба Пирозда пешда һатьбу п′ехәмбәрти кьрьне. Әв тьштед хьраб кӧ иро дьԛәԝьмьн избат дькьн, кӧ зутьрәке Хԝәде ԝе һ′әму кӧл-дәрда бьдә һьлдане. Бьхунә 2 Тимот′ейо 3:1-5.

Әм гәрәке пебьһ′әсьн дәрһәԛа Хԝәде жь Хәбәра ԝи, демәк К′ьтеба Пироз. К′ьтеба Пироз мина нә′мәке йә, йа кӧ бав бь һ′әзкьрьне зар′ед хԝәр′а шандийә. К′ьтеба Пироз мә һин дькә, ча бькьн ԝәки ирода бь ә′мьрәки баш бьжин у дь ахьрийеда жи ль сәр ә′рде һ′әта-һ′әтайе бьжин. Бь р′астийе ԝе һьнәка хԝәш нәйе, ԝәки тӧ алик′арийе дьстини, сәва кӧ р′ьнд К′ьтеба Пироз фә′м бьки. Әм гәрәке изьне нәдьнә т′ӧ кәси р′ийа мә бьгьрьн, сәва һе зедә пебьһ′әсьн дәрһәԛа Хԝәде, чьмки созед Хԝәде әԝ ьн, кӧ әме ахьрикә баш бьстиньн. Бьхунә Мәт′әлок 29:25; Ә′йанти 14:6, 7.