Thimo 9:1-18
9 Ũũgĩ wa ma nĩ wakĩte nyũmba yaguo;Nĩ wacũhĩtie* itugĩ ciaguo mũgwanja.
2 Nĩ ũhaarĩirie nyama ciaguo biũ;*Nĩ ũtukanĩtie ndibei yaguo;Ningĩ nĩ ũbangĩte metha yaguo.
3 Nĩ ũtũmĩte ndungata ciaguo cia airĩtuIgetane irĩ kũndũ gũtũũgĩru itũũra-inĩ ciuge:+
4 “Mũndũ wothe ũtarĩ na ũmenyeru nĩ atonye gũkũ.”
Eraga mũndũ ũrĩa ũtarĩ wĩcirio* atĩrĩ:
5 “Ũkai mũrĩe mũgate wakwaNa mũnyue ndibei ĩrĩa ndukanĩtie.
6 Tiganai na ũhoro ũcio wanyu wa kwaga ũmenyeru* nĩguo mũtũũre muoyo;+Thiĩi mũrũngĩrĩirie njĩra-inĩ ya ũtaũku.”+
7 Mũndũ ũrĩa ũtaaraga mũnyũrũrania egĩĩragĩra gĩconoko,+Na ũrĩa wothe ũrũngaga mũndũ mwaganu nĩ arĩonaga ũũru.
8 Ndũkanarũnge mũnyũrũrania, tondũ nĩ egũgũthũũra.+
Rũnga mũndũ mũũgĩ, nake nĩ egũkwenda.+
9 Taara mũndũ mũũgĩ, nake nĩ ekũũhĩga makĩria.+
Ruta mũndũ mũthingu, nake nĩ ekuongerera maũndũ marĩa erutĩte.
10 Gwĩtigĩra Jehova nĩkuo kĩambĩrĩria kĩa ũũgĩ,+Na kũmenya Ũrĩa Mũtheru Mũno+ nĩ ũtaũku.
11 Nĩ gũkorũo matukũ maku nĩ makaaingĩha nĩ ũndũ wakwa,+Na wongererũo mĩaka ũtũũro-inĩ waku.
12 Ũngĩtuĩka mũũgĩ, wee nĩwe ũkũgunĩka nĩ ũndũ wa ũũgĩ ũcio,No ũngĩkorũo ũrĩ mũnyũrũrania, nowe wiki ũgũcokererũo nĩ ũndũ ũcio.
13 Mũtumia mũkĩgu nĩ mũnegeni.+
Ndarĩ ũmenyo na gũtirĩ ũndũ oĩ.
14 Aikaraga thĩ mũromo-inĩ wa nyũmba yakeAgaikarĩra gĩtĩ kũndũ kũrĩa gũtũũgĩru itũũra-inĩ,+
15 Agetaga arĩa marahĩtũka,Arĩa marathiĩ marorete mbere njĩra-inĩ akameera ũũ:
16 “Mũndũ wothe ũtarĩ na ũmenyeru nĩ atonye gũkũ.”
Eraga mũndũ ũrĩa ũtarĩ wĩcirio* atĩrĩ:+
17 “Maĩ ma kũiya nĩ marĩ cama,Na irio cia kũrĩĩrũo hitho-inĩ nĩ njega.”+
18 No mũndũ ũcio ndamenyaga atĩ arĩa magithĩtio hinya nĩ gĩkuũ marĩ kũu,Atĩ ageni a mũtumia ũcio marĩ kũndũ kũrĩa kũriku thĩinĩ wa Mbĩrĩra.*+
Tũũhoro twa magũrũ-inĩ
^ Kana “ũrengete.”
^ Ũkk., “Nĩ athĩnjĩte thĩnjo yake.”
^ Kana “ũkoragwo na ngoro ĩtarĩ na ũtaũku.”
^ Kana “Tiganai na arĩa matarĩ ũmenyeru.”
^ Kana “ũkoragwo na ngoro ĩtarĩ na ũtaũku.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
