“Nawe, Bethilehemu Efiratha, . . . kuuma harĩ wee nĩ gũkooimĩra ũrĩa ũgaathana thĩinĩ wa Isiraeli nĩ ũndũ wakwa.”

Mika 5:2

“Thutha wa Jesu gũciarĩrũo Bethilehemu ya Judea matukũ-inĩ ma mũthamaki Herode, atuĩria a njata kuuma mwena wa Irathĩro magĩũka Jerusalemu.”

Mathayo 2:1

“Magayanaga nguo ciakwa, na magacukĩra nguo yakwa mĩtĩ.”

Thaburi 22:18

“Hĩndĩ ĩrĩa thigari ciamũhũũrĩrĩire mũtĩ-inĩ na mĩcumarĩ, ikĩoya nguo ciake cia igũrũ na igĩcigayania maita mana . . . No nguo ĩyo ya thĩinĩ ndĩarĩ na rũtumo, yarĩ gĩtambaya kĩmwe kuuma igũrũ nginya thĩ. Kwoguo thigari ikĩĩrana atĩrĩ: ‘Tũtikamĩtinangie, no rekei tũmĩcukĩre mĩtĩ nĩguo tũmenye ĩgũtuĩka ya ũ.’”

Johana 19:23, 24

“Nĩ agitagĩra mahĩndĩ make mothe; gũtirĩ o na rĩmwe riunĩtwo.”

Thaburi 34:20

“Rĩrĩa ciakinyire harĩ Jesu, ikĩona atĩ nĩ akuĩte, kwoguo itiamunire magũrũ.”

Johana 19:33

“Aathecirũo nĩ ũndũ wa mehia maitũ.”

Isaia 53:5

“Mũthigari ũmwe akĩmũtheca mbaru-inĩ na itimũ, na o rĩo thakame na maĩ ikiuma.”

Johana 19:34

“Makĩndĩha mũcara wakwa, icunjĩ 30 cia betha.”

Zekaria 11:​12, 13

“Thutha ũcio ũmwe wa arĩa Ikũmi na Erĩ, ũrĩa wetagwo Judasi Mũisikariota, agĩthiĩ kũrĩ anene a athĩnjĩri-Ngai akĩmoria: ‘Mũkũhe kĩĩ nĩguo ndĩmũkunyanĩre harĩ inyuĩ?’ Nao makĩmwĩrĩra icunjĩ 30 cia betha.”

Mathayo 26:14, 15; 27:5