Thimo 15:1-33
15 Icokio ihooreru nĩ rĩeheragia mangʼũrĩ,+No kiugo gĩa gũtuurithia nĩ kĩarahũraga marakara.+
2 Rũrĩmĩ rwa andũ arĩa ogĩ rũhũthagĩra ũmenyo na njĩra njega,+No kanua ka arĩa akĩgu gaitũrũraga ũrimũ.
3 Maitho ma Jehova makoragwo kũndũ guothe,Makaroraga andũ arĩa oru o na arĩa ega.+
4 Rũrĩmĩ rũhooreru* nĩ mũtĩ wa muoyo,+No mĩario ĩtarĩ mĩrũngĩrĩru nĩ ĩrehaga kĩeha.*
5 Kĩrimũ gĩtitĩaga ũtaaro wa ithe,+No mũndũ mũũgĩ nĩ etĩkagĩra kũrũngwo.+
6 Nyũmba ya mũndũ mũthingu ĩkoragwo na mũthithũ mũnene,No uumithio wa* mũndũ mwaganu ũmũrehagĩra thĩna.+
7 Mĩromo ya andũ arĩa ogĩ ĩtheremagia ũmenyo,+No tiguo ngoro ya mũndũ mũkĩgu ĩkaga.+
8 Igongona rĩa andũ arĩa aganu nĩ kĩndũ kĩrĩ magigi harĩ Jehova,+No mahoya ma andũ arĩa arũngĩrĩru nĩ mamũkenagia.+
9 Jehova nĩ athũire njĩra ya mũndũ mwaganu,+No nĩ endete mũndũ ũrĩa ũthingataga ũthingu.+
10 Ũtaaro wonekaga ũrĩ mũũru* harĩ mũndũ ũrĩa ũrora njĩra,+No mũndũ wothe ũthũire kũrũngwo nĩ agaakua.+
11 Mbĩrĩra* na kũndũ kũrĩa kwa mwanangĩko* nĩ kuonagwo wega biũ nĩ Jehova.+
Githĩ ndakĩonaga o na makĩria ngoro cia andũ!+
12 Mũndũ wa kĩnyũrũri ndendete mũndũ ũrĩa ũramũrũnga.+
Ndacaragia ũtaaro kũrĩ andũ arĩa ogĩ.+
13 Ngoro ĩrĩ na gĩkeno nĩ ĩtũmaga gĩthiithi gĩcanjamũke,No ruo rwa ngoro nĩ rũhehenjaga roho.+
14 Ngoro ĩrĩ na ũtaũku nĩ ĩcaragia ũmenyo,+No kanua ka andũ arĩa akĩgu karĩaga* ũrimũ.+
15 Matukũ mothe ma mũndũ ũranyamarĩka nĩ moru,+No mũndũ ũrĩ na ngoro njanjamũku* akoragwo na ndĩa hĩndĩ ciothe.+
16 Kaba kĩndũ kĩnini hamwe na gwĩtigĩra Jehova+Gũkĩra ũtonga mũnene hamwe na mĩtangĩko.*+
17 Kaba kũrĩa nyeni harĩa harĩ na wendo+Gũkĩra kũrĩa ndegwa norie* harĩa harĩ na rũmena.+
18 Mũndũ wa kũrakara na ihenya atũmaga kũgĩe na ngũĩ,+No mũndũ ũtahiũhaga kũrakara nĩ ahooragĩria ngarari.+
19 Njĩra ya kĩgũũta ĩtariĩ ta rũgiri rwa mĩigua,+No njĩra ya andũ arĩa arũngĩrĩru nĩ ta barabara njaraganu.+
20 Mwana mũũgĩ nĩ atũmaga ithe akene,+No mũndũ mũkĩgu nĩ anyararaga nyina.+
21 Ũrimũ nĩ gĩkeno harĩ mũndũ ũtarĩ wĩcirio,*+No mũndũ ũrĩ na ũtaũku athiaga na mbere arũngĩrĩirie.+
22 Mĩbango nĩ ĩthararaga andũ mangĩaga kwaranĩria,No ataarani aingĩ nĩ matũmaga maũndũ magaacĩre.+
23 Mũndũ nĩ akenaga rĩrĩa aheana macokio marĩa magĩrĩire,*+Na kiugo kĩarĩtio ihinda rĩrĩa rĩagĩrĩire-rĩ, kaĩ nĩ kĩega-ĩ!+
24 Njĩra ya muoyo ĩthiaga yambatĩte harĩ mũndũ ũrĩa ũrĩ na ũtaũku,+Nĩguo ĩmũgirĩrĩrie gũikũrũka Mbĩrĩra-inĩ.*+
25 Jehova nĩ amomoraga nyũmba ya andũ arĩa etĩi,+No nĩ agitagĩra mũhaka wa mũtumia wa ndigwa.+
26 Jehova nĩ athũire njama cia mũndũ mwaganu,+No ciugo njega ikoragwo irĩ theru harĩ We.+
27 Mũndũ ũrĩa wonaga uumithio ũtarĩ wa kĩhooto arehagĩra nyũmba yake thĩna,*+No mũndũ ũrĩa ũthũire mahaki nĩ egũthiĩ na mbere gũtũũra muoyo.+
28 Ngoro ya mũndũ mũthingu nĩ ĩĩcũranagia ĩtanacokia,*+No kanua ka andũ arĩa aganu gaitũrũraga maũndũ moru.
29 Jehova akoragwo haraihu mũno na andũ arĩa aganu,No nĩ aiguaga mahoya ma andũ arĩa athingu.+
30 Maitho makengu nĩ matũmaga* ngoro ĩkene;Ũhoro mwega nĩ ũtũmaga mahĩndĩ magĩe hinya.*+
31 Mũndũ ũrĩa ũthikagĩrĩria ũtaaro ũrĩa ũrehaga muoyoAikaraga hamwe na andũ arĩa ogĩ.+
32 Mũndũ wothe ũregaga ũtaaro nĩ athũire muoyo wake,+No ũrĩa ũthikagĩrĩria akĩrũngwo nĩ agĩaga na ũtaũku.*+
33 Gwĩtigĩra Jehova nĩ kũrutaga mũndũ kũgĩa na ũũgĩ,+Na mbere ya kũgĩa riri nĩ gũkoragwo na wĩnyihia.+
Tũũhoro twa magũrũ-inĩ
^ Kana “Rũrĩmĩ rwa kũhonania.”
^ Ũkk., “ĩhehenjaga roho.”
^ Kana “maciaro ma.”
^ Kana “ũrĩ na ruo.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
^ Kana “na Abadoni.”
^ Kana “gathingataga.”
^ Kana “njega.”
^ Kana “gũtukanĩrũo.”
^ Ũkk., “ya gũtuĩrũo.”
^ Kana “ũkoragwo na ngoro ĩtarĩ na ũtaũku.”
^ Ũkk., “akenagio nĩ macokio ma kanua gake.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
^ Kana “gĩconoko.”
^ Kana “nĩ ĩĩciragia mũno ũrĩa ĩgũcokia; nĩ ĩĩciragia ĩtanaria.”
^ Ũkk., “nĩ ũnoragia mahĩndĩ.”
^ Kana “Gĩthiithi gĩkengu nĩ gĩtũmaga.”
^ Ũkk., “ngoro.”
