Thimo 25:1-28
25 Ici o nacio nĩ thimo cia Suleimani,+ iria ciakobirio na igĩcokanĩrĩrio nĩ andũ a Hezekia+ mũthamaki wa Juda:
2 Riri wa Ngai nĩ kũiga ũndũ ũrĩ hitho,+Naguo riri wa athamaki nĩ gũtuĩria ũndũ biũ.
3 O ta ũrĩa igũrũ rĩraihĩte na igũrũ, nayo thĩ ĩkarika,No taguo ngoro ya athamaki ĩtangĩtuĩrĩka.
4 Eheria gĩko kuuma harĩ betha,Nayo ĩkuuma ĩrĩ theru biũ.+
5 Eheria mũndũ ũrĩa mwaganu kuuma harĩ mũthamaki,Nakĩo gĩtĩ gĩake kĩa ũnene nĩ gĩkwĩhanda wega na njĩra ya ũthingu.+
6 Ndũgetũũgĩrie mbere ya mũthamaki,+Na ndũgaikare gatagatĩ-inĩ ka andũ arĩa marĩ igweta,+
7 Tondũ nĩ kaba we akwĩre atĩrĩ, “Ũka haha,”Gũkĩra agũconorithie mbere ya mũndũ ũrĩ igweta.+
8 Ndũkanahiũhe gũtwara ciira igooti-inĩ,Tondũ rĩrĩ, ũgeeka atĩa thutha-inĩ mũndũ ũcio ũngĩ angĩgũconorithia?+
9 Ciirai hamwe na mũndũ ũcio ũngĩ,+No ndũkaguũrie ũndũ ũrĩa werĩirũo hitho-inĩ,*+
10 Nĩguo mũndũ ũrĩa ũrathikĩrĩria ndagagũconorithieNa ũtheremie ũhoro mũũru* ũtangĩcoka kweherio.
11 O ta matunda ma thahabu marĩ mbakũri-inĩ cia bethaNo taguo kiugo kĩrĩa kĩarĩtio hĩndĩ ĩrĩa yagĩrĩire gĩtariĩ.+
12 O ta mindira ya thahabu na ithaga rĩa thahabu ĩrĩa njegaNo taguo mũtaarani mũũgĩ atariĩ harĩ gũtũ kũrĩa gwĩtĩkagĩra gũthikĩrĩria.+
13 O ta ũhehu wa mbarabu mũthenya wa magetha
No taguo mũtũmwo mwĩhokeku atariĩ harĩ arĩa mamũtũmĩte,Tondũ nĩ acanjamũraga mwathi wake.+
14 O ta matu na rũhuho iria itarehaga mburaNo taguo mũndũ ũrĩa wĩrahaga igũrũ rĩgiĩ kĩheo gĩtarĩ kĩheane* atariĩ.+
15 Wetereri no ũgucĩrĩrie mũtongoria etĩkĩre ũndũ,Na rũrĩmĩ ruororo* no ruune ihĩndĩ.+
16 Ũngĩona ũũkĩ-rĩ, rĩa o ũrĩa ũrabatara,Nĩ gũkorũo ũngĩrĩa mũingĩ mũno, no ũũtahĩke.+
17 Ndũgathiage kaingĩ mũciĩ kwa mũndũ ũrĩa ũngĩ,Nĩguo ndakanogio nĩwe na agũthũũre.
18 O ta njũgũma ya mbaara na rũhiũ rwa njora na mũguĩ mũũgĩNo taguo mũndũ ũrĩa ũrutaga ũira wa maheeni wĩgiĩ mũndũ ũngĩ atariĩ.+
19 O ta igego riunĩku kana kũgũrũ kũrathuaNo taguo kwĩhoka mũndũ ũtarĩ wa kwĩhokeka* hĩndĩ ya thĩna gũtariĩ.
20 O ta mũndũ ũrĩa ũrutaga nguo mũthenya wa hehoNa o ta thiki ĩitĩrĩirio igata-inĩNo taguo mũndũ ũrĩa ũinagĩra mũndũ ũrĩ na ngoro nditũ nyĩmbo atariĩ.+
21 Thũ yaku* ĩngĩkorũo ĩhũtiĩ, mĩhe mũgate ĩrĩe;Ĩngĩkorũo ĩnyotiĩ, mĩhe maĩ ĩnyue,+
22 Tondũ ũgũkorũo ũkĩmĩigĩrĩra makara marakana mũtwe,*+Nake Jehova nĩ egũkũrathima.
23 Rũhuho rwa mwena wa rũgongo rũrehaga mbura,Naruo rũrĩmĩ rwa njukũ rũrehaga marakara ũthiũ-inĩ.+
24 Nĩ kaba gũtũũra nyũmba igũrũ kona-inĩGũkĩra gũtũũra nyũmba ĩmwe na mũtumia wa ngũĩ.*+
25 O ta maĩ mahehu harĩ mũndũ* mũnoguNo taguo riboti njega kuuma bũrũri wa kũraya ĩtariĩ.+
26 O ta itherũkĩro rĩa maĩ rĩrĩ na ndoro na gĩthima gĩthũkangieNo taguo mũndũ mũthingu ũrĩa wĩrekagĩrĩria harĩ* mũndũ mwaganu atariĩ.
27 Ti wega kũrĩa ũũkĩ mũingĩ mũno,+O na ti ũndũ ũrĩ riri mũndũ gwĩcarĩria riri wake mwene.+
28 O ta itũũra rĩanangĩku, rĩtarĩ na rũthingo,Noguo mũndũ ũrĩa ũtangĩhota kũgirĩrĩria marakara make* atariĩ.+
Tũũhoro twa magũrũ-inĩ
^ Kana “hitho cia andũ angĩ.”
^ Kana “mũhuhu mũũru.”
^ Ũkk., “kĩheo kĩa maheeni.”
^ Kana “rũhooreri.”
^ Kana hihi, “mũkunyanĩri.”
^ Ũkk., “mũndũ ũrĩa ũgũthũire.”
^ Ũguo nĩ kuuga, gũtũma mũndũ ũcio ororoe na atige kũũmia ngoro.
^ Kana “wa mateta.”
^ Kĩhibirania, ne′phesh. Rora Ũthathaũri wa Ciugo.
^ Kana “ũiguithanagia na.” Ũkk., “ũtũgũgaga mbere ya.”
^ Kana “ũrĩa ũtangĩhota gwatha roho wake.”
