Thimo 16:1-33
16 Mũndũ nĩwe ũhaaragĩria meciria ma ngoro yake,*No macokio marĩa aheanaga* moimaga kũrĩ Jehova.+
2 Njĩra ciothe cia mũndũ cionekaga irĩ njagĩrĩru* harĩ we,+No Jehova nĩ athuthuragia mĩoroto.*+
3 Rekagĩrĩria Jehova ũndũ o wothe ũrĩkaga,*+Na mĩbango yaku nĩ ĩrĩgaacagĩra.
4 Jehova nĩ atũmaga indo ciothe ihingie muoroto wake,O na andũ arĩa aganu nĩ ũndũ wa mũthenya ũrĩa wa ũũru.+
5 Mũndũ wothe ũrĩ ngoro ya mwĩtĩo nĩ kĩndũ kĩrĩ magigi harĩ Jehova.+
Gĩa na ma atĩ* ndakaaga kũherithio.
6 Kũgerera wendo* o na wĩhokeku, mahĩtia nĩ mahumbagĩrũo,+Na nĩ ũndũ wa gwĩtigĩra Jehova, mũndũ nĩ agarũrũkaga agatigana na maũndũ moru.+
7 Rĩrĩa Jehova akenio nĩ njĩra cia mũndũ,Nĩ atũmaga nginya thũ cia mũndũ ũcio ikorũo na thayũ hamwe nake.+
8 Kaba gũkorũo na indo nini hamwe na ũthingu+Gũkĩra uumithio mũnene hatarĩ kĩhooto.+
9 Mũndũ no athugunde njĩra yake ngoro-inĩ yake,No Jehova nĩwe ũtongoragia makinya make.+
10 Matua matongoretio nĩ roho* nĩmo magĩrĩire gũkorũo mĩromo-inĩ ya mũthamaki;+Ndagĩrĩirũo kuogomia kĩhooto o na rĩ.+
11 Ithimi na ratiri cia kĩhooto ciumaga kũrĩ Jehova;Ithimi ciothe iria irĩ thĩinĩ wa mũhuko nĩ wĩra wake.+
12 Mĩtugo ya waganu nĩ kĩndũ kĩrĩ magigi harĩ mũthamaki,+Nĩ gũkorũo gĩtĩ kĩa ũnene gĩikaraga kĩrũmĩte nĩ ũndũ wa ũthingu.+
13 Mĩario ya ũthingu nĩ ĩkenagia athamaki.
Nĩ mendete mũndũ ũrĩa waragia na wĩhokeku.+
14 Mangʼũrĩ ma mũthamaki matariĩ ta mũtũmwo wa gĩkuũ,+No mũndũ ũrĩa mũũgĩ nĩ amahooragĩria.*+
15 Ũtheri wa ũthiũ wa mũthamaki nĩ ũrehaga muoyo;Gwĩtĩkĩrĩka nĩwe nĩ ta itu rĩa mbura ĩrĩa ĩkũragia irio.+
16 Kũgĩa na ũũgĩ nĩ kwega gũkĩra kũgĩa na thahabu!+
Kaba gũthuura kũgĩa na ũtaũku gũkĩra kũgĩa na betha.+
17 Barabara ya andũ arĩa athingu nĩ ĩĩthemaga maũndũ marĩa moru.
Mũndũ wothe ũmenyagĩrĩra njĩra yake nĩ muoyo wake agitagĩra.+
18 Mwĩtĩo ũũkaga mbere ya kũgwa,Na roho wa mwĩtũũgĩrio ũgoka mbere ya kũhĩngwo.+
19 Kaba gũkorũo ũrĩ mwĩnyihia* gatagatĩ-inĩ ka andũ arĩa ahooreri+Gũkĩra kũgayana indo cia gũtahwo cia andũ arĩa etĩi.
20 Mũndũ ũrĩa wonanagia ũtaũku ũndũ-inĩ mũna nĩ arĩgaacagĩra,*Na gũkena nĩ mũndũ ũrĩa wĩhokaga Jehova.
21 Mũndũ ũrĩa mũũgĩ ngoro-inĩ arĩĩragwo arĩ na ũtaũku,+Na ũrĩa waragia mĩario ya ũtugi nĩ ahotaga* kũgucĩrĩria.+
22 Ũtaũku nĩ itherũkĩro rĩa muoyo harĩ arĩa makoragwo naguo,No irimũ iherithagio nĩ ũrimũ wacio.
23 Ngoro ya mũndũ mũũgĩ nĩ ĩheaga kanua gake ũtaũku+Na ĩgatũma mĩario yake ĩkorũo ĩrĩ ya kũgucĩrĩria.
24 Ciugo njega nĩ ta magua ma ũũkĩ,Irĩ cama harĩ muoyo* na nĩ ihonagia mahĩndĩ.+
25 Kũrĩ njĩra yonekaga ĩrĩ njagĩrĩru harĩ mũndũ,No marigĩrĩrio-inĩ ĩtongoragia gĩkuũ-inĩ.+
26 Mĩĩto ya kũrĩa ya mũruti wĩra nĩ ĩtũmaga arute wĩra na kĩyoNĩ gũkorũo ngʼaragu yake nĩ ĩmũtindĩkagĩrĩria* gũthiĩ na mbere.+
27 Mũndũ ũtarĩ kĩene enjagĩra ũndũ ũrĩa mũũru;+Mĩario yake ĩkoragwo ĩtariĩ ta mwaki wa gũcina.+
28 Mũndũ wa thogothogo* nĩ atũmaga kũgĩe nyamũkano,+Na mũcambania nĩ atigithũkanagia arata a hakuhĩ.+
29 Mũndũ ũrĩa wĩkaga maũndũ ma ũhinya aheenagĩrĩria ũrĩa ũngĩNa akamũtongoria njĩra-inĩ ĩrĩa ĩtagĩrĩire.
30 Oinaga riitho akĩbanga maũndũ moru.
Anyitithanagia mĩromo yake agĩka ũũru.
31 Mbuĩ nĩ thũmbĩ ya ũthaka*+Rĩrĩa cioneka njĩra-inĩ ya ũthingu.+
32 Nĩ kaba mũndũ ũrĩa ũtahiũhaga kũrakara+ gũkĩra mũndũ ũrĩ hinya,Na nĩ kaba mũndũ ũrĩa ũgiragĩrĩria marakara make* gũkĩra mũndũ ũrĩa wĩgwatagĩra itũũra.+
33 Mũtĩ ũcukagĩrũo kĩero-inĩ,+No itua o rĩothe rĩaguo riumaga kũrĩ Jehova.+
Tũũhoro twa magũrũ-inĩ
^ Kana “macokio marĩa magĩrĩire.” Ũkk., “macokio ma rũrĩmĩ.”
^ Ũkk., “Mĩbango ya ngoro nĩ ya mũndũ.”
^ Ũkk., “theru.”
^ Ũkk., “maroho.”
^ Ũkk., “Garagarĩria Jehova mawĩra maku.”
^ Kana “O na guoko kũngĩnyitana na guoko.”
^ Kana “wendo mwĩhokeku.”
^ Kana “moimĩte kũrĩ Ngai.”
^ Kana “amethemaga.”
^ Ũkk., “mwĩnyihia roho-inĩ.”
^ Kana “arĩonaga maũndũ mega.”
^ Kana “Na cama wa mĩromo nĩ ũhotaga.”
^ Kĩhibirania, ne′phesh. Rora Ũthathaũri wa Ciugo.
^ Ũkk., “kanua gake nĩ kamũtindĩkagĩrĩria.”
^ Kana “Ũrĩa ũthugundaga maũndũ moru.”
^ Kana “riri.”
^ Ũkk., “ũrĩa wathaga roho wake.”
