Thimo 13:1-25
13 Mwana mũũgĩ nĩ etĩkĩraga ũtaaro wa ithe,+No mũndũ wa kĩnyũrũri ndathikagĩrĩria akĩrũngwo.+
2 Mũndũ nĩ arĩrĩaga kĩndũ kĩrĩa kĩega kiumanĩte na maciaro ma kanua gake,*+No andũ arĩa makunyanagĩra meriragĩria maũndũ ma ũhinya.
3 Mũndũ ũrĩa ũmenyagĩrĩra kanua gake* nĩ muoyo wake agitagĩra,+No mũndũ ũrĩa ũtumũraga mĩromo yake biũ nĩ akaanangĩka.+
4 Kĩgũũta nĩ gĩkoragwo na merirĩria makĩo, no gĩtikoragwo na kĩndũ,+No mũndũ ũrĩa ũrĩ kĩyo nĩ arĩhingagĩrio biũ maũndũ marĩa eriragĩria.*+
5 Mũndũ ũrĩa mũthingu nĩ athũire maheeni,+No ciĩko cia andũ arĩa aganu irehaga thoni na gĩconoko.
6 Ũthingu nĩ ũgitagĩra mũndũ ũrĩa njĩra yake ĩtarĩ ũcuke,+No waganu nĩ ũgũithagia mũndũ ũrĩa mwĩhia.
7 Nĩ kũrĩ mũndũ wĩtuaga gĩtonga, no ndakoragwo na kĩndũ;+Nĩ kũrĩ ũngĩ wĩtuaga mũthĩni, no akoragwo na ũtonga mũingĩ.
8 Ũtonga nĩguo ũkũũri wa muoyo wa mũndũ,+No andũ arĩa athĩni o na matiĩhĩtagĩrũo.*+
9 Ũtheri wa andũ arĩa athingu nĩ ũcangararaga mũno,*+No tawa wa andũ arĩa aganu nĩ ũkaahorio.+
10 Mwĩĩkĩrĩro ũrehaga o ngũĩ,+No ũũgĩ ũkoragwo na andũ arĩa macaragia ũtaaro.*+
11 Ũtonga ũrĩa wonekaga na ihenya* nĩ ũkaanyiha,+No ũtonga wa mũndũ ũrĩa ũcokanagĩrĩria tũnini tũnini* nĩ ũkaaingĩha.
12 Ũndũ ũrĩa wĩrĩgĩrĩirũo ũngĩtĩrio nĩ ũtũmaga ngoro ĩrware,+No ũndũ ũrĩa wĩrirĩirio ũngĩkinyanĩra nĩ mũtĩ wa muoyo.+
13 Mũndũ o wothe ũnyararaga ũrutani* ndagaakorũo na moimĩrĩro mega,+No mũndũ ũrĩa ũtĩĩte rĩathani nĩ akaaheo kĩheo.+
14 Ũrutani* wa mũndũ ũrĩa mũũgĩ nĩ kĩhumo kĩa muoyo,+Nĩ ũgarũraga mũndũ kuuma mĩtego-inĩ ya gĩkuũ.
15 Ũtaũku mũnene nĩ ũtũmaga mũndũ etĩkĩrĩke,No njĩra ya andũ arĩa makunyanagĩra ĩrĩ moritũ maingĩ.
16 Mũndũ ũrĩa mũũgĩ ekaga maũndũ na ũmenyo,+No kĩrimũ nĩ kũguũria kĩguũragia ũrimũ wakĩo.+
17 Mũtũmwo mwaganu aingĩraga thĩna-inĩ,+No mũtũmwo mwĩhokeku arehaga kĩhonia.+
18 Mũndũ o wothe ũtatindanagĩra na ũtaaro nĩ athĩnaga na akanyitwo nĩ gĩconoko,No mũndũ ũrĩa wĩtĩkagĩra kũrũngwo nĩ arĩtũũgagĩrio.+
19 Ũndũ ũrĩa ũrerirĩrio wakinyanĩra nĩ ũkoragwo na cama harĩ mũndũ,+No andũ arĩa akĩgu nĩ mathũire gũtigana na maũndũ moru.+
20 Mũndũ ũrĩa ũtwaranaga na andũ arĩa ogĩ nĩ arĩũhĩgaga,+No mũndũ ũrĩa ũthiaga thiritũ na irimũ nĩ arĩonaga ũũru.+
21 Mathĩna mathingataga andũ arĩa ehia,+No kũgaacĩra nĩ kũheaga arĩa athingu kĩheo.+
22 Mũndũ ũrĩa mwega nĩ atigagĩra ciana cia ciana ciake igai,No ũtonga wa mũndũ ũrĩa mwĩhia ũigagĩrũo mũndũ ũrĩa mũthingu.+
23 Mũgũnda ũrĩa mũrĩme wa mũthĩni nĩ ũrutaga irio nyingĩ,Ĩndĩ no ũhaatwo weherio* nĩ wagi wa kĩhooto.
24 Ũrĩa wothe ũgiragĩrĩria rũthanju rwake* nĩ athũire mũrũ wake,+No ũrĩa ũmwendete nĩ amũrũngaga na kĩyo.*+
25 Mũndũ ũrĩa mũthingu arĩaga na akaniina mĩĩto yake ya kũrĩa,+No nda ya mũndũ ũrĩa mwaganu ndĩkoragwo na kĩndũ.+
Tũũhoro twa magũrũ-inĩ
^ Kana “mĩario yake.”
^ Kana “maũndũ marĩa aroiga.”
^ Ũkk., “nĩ arĩnoragio.”
^ Ũkk., “matiguaga ciugo cia kũmakũũma.”
^ Ũkk., “ũkenaga.”
^ Kana “arĩa maciiraga marĩ hamwe.”
^ Kana “Ũtonga ũrĩa uumanĩte na maũndũ ma tũhũ.”
^ Ũkk., “ũcokanagĩrĩria na guoko.”
^ Kana “kiugo.”
^ Kana “Watho.”
^ Kana “ahaatwo eherio.”
^ Kana “ũtaaro wake; iherithia rĩake.”
^ Kana hihi, “o hĩndĩ ĩyo.”
