Kombunda 4026 K.O.Z.

“Onyoka” ya pirukira ousemba waJehova womananeno nomuano we wokuhonapara. Jehova wa kwizika okupendura ‘orukwato’ ndu maru kanyainya onyoka, oyo ndji ri Satan. (Genesis 3:1-5, 15) Posi yokutja, Jehova wa yandja oruveze kovandu okurihonaparera oveni kehi youvara waSatan.

1943 K.O.Z.

Jehova wa raera Abraham kutja ‘ozondekurona’ poo orukwato orukwizikwa maru kaza mu umwe wozondekurona ze.—Genesis 22:18.

Kombunda 1070 K.O.Z.

Jehova wa kwizikira Ombara David nu kombunda a kwizikire omuatje we Salomo kutja ‘ozondekurona’ poo orukwato orukwizikwa maru zu momuhoko wawo.—2 Samuel 7:12, 16; 1 Ozombara 9:3-5; Jesaja 9:6, 7.

29 O.Z.

Jehova wa raisa kutja Jesus ongu ri “ondekurona” poo orukwato orukwizikwa ndu maru pingene ouvara waDavid.—Ovagalate 3:16; Lukas 1:31-33; 3:21, 22.

 33 O.Z.

Onyoka ndji Satan, ya ngundiparisa ‘orukwato’ orukwizikwa okaruveze okasupi mokutjita kutja Jesus ma zepewe. Jehova wa pendura Jesus kutja ma kahupe meyuru na yakura onḓengu yomuinyo waJesus ohomonena. Kunao Jesus wa yandja otjisuta tjonguturiro youvi kutja ozondekurona zaAdam ze yenene okumuna omuinyo waaruhe.—Genesis 3:15; Oviungura 2:32-36; 1 Ovakorinte 15:21, 22.

Ape 1914 O.Z.

Jesus wa nakaurira onyoka, Satan, kombanda yehi, nu u mu ṱizira ngo oure wokaruveze okasupi.—Omavandururiro 12:7-9, 12.

Oruyaveze

Jesus ma twa Satan mondeko oure wozombura 1 000 okuzambo me mu nyainya otjiuru okumuyandeka. Ondando yaJehova okuza kombutiro ohunga nehi novandu mai yenenisiwa, eṋi nda ri kena re mari isakewa nu ousemba we wokuhonapara mau raisiwa kutja ombu ri ousemba.—Omavandururiro 20:1-3, 10; 21:3, 4.