OMERIHONGERO WOMBEIBELA PU NOMUNDU NGU ME KU VATERE
Yorokera ehupo nga aruhe
Momerihongero wOmbeibela wotjari nga, ove mo yenene okumuna omaziriro komapuriro otja inga:
Hapo me yenene vi okukara nondjoroka mehupo?
Hapo ourunde nokumuna omauzeu mape avi yanda?
Hapo mape ya e kamuna ovasuverwa vandje mba ṱa rukwao?
Hapo Mukuru tjiri u rikendera ami?
Mbi sokukumba momuano uṋe kokutja mbi zuvirwe i Mukuru?
Otjari
Omerihongero ayehe wOmbeibela otjari, nu wina pu nembo ndi Yorokera ehupo nga aruhe nOmbeibela tji mo i hepa.
Otja pu mo yenene
Hakaena pu nomukuhonge amu ri pamwe poo morungovi, moiri na poruveze ndwa pu kove.
Ko nokuṋiṋikiziwa
Ove mo yenene okuisa okurihonga kangamwa oiri.
Omerihongero wetu wOmbeibela ye kayendisiwa vi?
Omundu ngu me ku hongo Ombeibela ma yenene okukuvatera okuzuva Ombeibela nawa, otja tji mamu rihongo okuza mehongwa arihe. Otja tji mo rihongo embo ndi Yorokera ehupo nga aruhe, ove kouṱiṱiṱiṱi mo rihongo ombuze yOmbeibela nomuano mu mai yenene okukuvatera. Tji mo vanga okutjiwa ovingi, tarera okavidio nga poo paha omaziriro komapuriro ovandu ovengi ngu ve pura ohunga nomerihongero nga.
Mo vanga okutjiwa omapu tjiva nge ri membo ndo?
Tara komahongwa omatenga womerihongero nga.
Hapo we rirongere okutara kutja ye ungurwa vi?
Nḓereka pombandi ndji ri kehi mba kokutja u kare nomerihongero woye omatenga wOmbeibela.