Oupupu okurietera omauzeu mehupo mena roviṋa ovingi mbi tu riwongera. Tu hepa omasa noruveze okuranda oviṋa, okuvisuta, okuviungurisa, okuviṱiza mongaro osemba nokuvitjevera kutja avi ha vakwa. Jesus wa ri nehupo ndi hari noviṋa ovingi kutja ape ha kara otjiṋa tji matji mu isako ombango kotjiungura tjokuzuvarisa.—Mat 8:20.

Ove mo yenene vi okukara nehupo ndi hi noviṋa ovingi kutja u yenene okuungura ovingi motjiungura tjokuzuvarisa? Tji mwa tjiti omarundurukiro, pe nomundu meṱunḓu reṋu ngu ma yenene okuuta okuungura otjomukandjira omukarere? Tjinangara nai u ungurira Jehova oruveze aruhe, hapo ove wa yandjera kutja omauini ye ete ouzeu mehupo roye kouṱiṱiṱiṱi? Okukara nehupo ndi hi noviṋa ovingi ngunda amo ungurire Jehova ku ku pa ondjoroka nu u kowa mu imbi mbi u na vyo.—1Tim 6:7-9.

Tjanga oviṋa tjiva mbi mo vanga okukumbira.