SALA

Gintuga sang Dios ang aton una nga ginikanan nga si Adan kag si Eva, suno sa larawan niya. (Genesis 1:27) Gani, mapakita nila ang mga kinaiya sang Dios pareho sang paghidait kag gugma. (1 Corinto 14:33; 1 Juan 4:8) Pero, wala gintuman ni Adan kag ni Eva ang Dios amo nga nakasala sila. Bilang resulta, napanubli naton tanan ang sala kag kamatayon. (Roma 5:12) Bangod sini, pirme kita makapamensar sang indi maayo nga mga butang asta nga makahimo na gid kita sang malain.​—Genesis 6:5; Marcos 7:​21, 22.

GOBIERNO SANG TAWO

Wala kita gintuga sang Dios para gamhan ang aton kaugalingon. Ang Biblia nagasiling: “Wala sing ikasarang ang tawo sa pagtuytoy sang iya tikang.” (Jeremias 10:23) Amo ini ang rason kon ngaa indi masarangan sang gobierno sang tawo nga dulaon ang tanan nga inaway kag kinagamo.

SI SATANAS KAG ANG IYA MGA DEMONYO

Ginasugid sang Biblia nga “ang bug-os nga kalibutan yara sa gahom sang isa nga malauton.” (1 Juan 5:19) Ang “isa nga malauton” amo si Satanas nga Yawa, kag manugpatay sia. (Juan 8:44) Ginaimpluwensiahan niya kag sang iya mga demonyo ang mga tawo nga makig-away kag mangin mapintas.​—Bugna 12:​9, 12.