Jonas 3:1-10
3 Orduan, Jehobak mezu hau eman zion Jonasi bigarren aldiz:
2 «Altxa eta zoaz Ninibera, hiri handira, eta emaiozu esango dizudan mezua».
3 Beraz, Jonasek Jehoba obeditu zuen eta Ninibera joan zen. Ninibe hiria izugarri handia* zen; izan ere, hiru egun behar ziren oinez alde batetik bestera zeharkatzeko.
4 Orduan, Jonas hirian sartu eta, egun bateko distantzia oinez egin zuen bitartean, mezu hau aritu zen zabaltzen: «40 egun barru, Ninibe suntsitua izango da!».
5 Eta ninibetarrek Jainkoarengan fedea jarri zuten. Barau egitea erabaki zuten eta denak, txikienetik handienera, zakuz jantzi ziren.
6 Ninibeko erregeak mezua entzun zuenean, bere tronutik altxatu, errege jantziak kendu, zakuz jantzi eta errautsetan eseri zen.
7 Gainera, Ninibe osoan dekretu hau zabaltzeko agindu zuen:«Erregearen eta nobleen aginduz: inork, ez gizakirik, ez animaliarik, ez behirik, ez ardirik, ez du ezertxo ere jan behar. Ez dute ezer jan behar, ezta urik edan behar ere.
8 Jantzi daitezela zakuz, bai gizakiak, bai animaliak. Barkamena erregutu diezaiotela Jainkoari indar guztiz, eta utzi ditzatela euren jokabide gaiztoak eta praktika biolentoak.
9 Nork daki? Agian benetako Jainkoak bere erabakia aldatuko* du eta bere haserre bizia baretu egingo da eta, horrela, ez gara hilko».
10 Ikusi zuen benetako Jainkoak ninibetarren erreakzioa, hau da, jokabide gaiztoa utzi zutela. Orduan, Jainkoak bere erabakia aldatu* eta bidaltzera zihoan zoritxarra ez bidaltzea erabaki zuen.
