Jisas i talem se: “Yufala i kasem we yufala i no pem, mo yufala i mas yusum, we oli no pem yufala from.” (Mt 10:8) Yumi kasem wan klia advaes we i talem se yumi no mas askem man blong i pem Baebol no wan buk blong yumi. (2Ko 2:17) Insaed long ol buk ya i gat ol sas trutok we oli kamaot long Baebol. Ol brata mo sista oli yusum paoa mo mane blong olgeta blong printim mo sanem ol buk i go long evri kongregesen long wol. Taswe, i gud yumi tekem ol buk nomo we yumi nidim.

Yumi mas waes taem yumi givimaot buk long man, mo antap moa taem yumi prij long ol pablik ples. (Mt 7:6) I gud yumi traem storian wetem ol man blong luk sipos oli intres no nogat, i bitim we yumi givimaot buk long eni man nomo. ?Olsem wanem? ?Yu yu save ansa yes long wan long ol kwestin long bokis ya? Sipos yu no sua se man i intres no nogat, i gud yu givim wan traket nomo long hem. Be sipos hem i askem wan magasin o wan narafala buk, i gud yu givim.—Pro 3:27, 28.