Ginibo an JW Library app a para mas ma-enjoy mo an pagbasa mo nin Bibliya saka magrarom pa an saimong personal study. Mag-download nin mga publikasyon, video, saka audio program para ma-access mo an mga ini, yaon ka man sain asin ano man na oras.

Iba-ibang Traduksiyon nin Bibliya

• Basahon an Tataramon nin Diyos saka ikumparar an mga teksto sa manlain-lain na traduksiyon nin Bibliya na available sa ginatos na lengguwahe.

Mga Publikasyon

• Mag-download nin mga libro, brosyur, saka artikulo sa labing 1,000 lengguwahe, pati na sa labing 100 na sign language.

Mga Video saka Audio Program

• Maghiling nin manlain-lain na programa, arog nin mga video manungod sa mga katukduan sa Bibliya, mga pahayag na basado sa Bibliya, mga drama, saka mga animated na serye nin video.

Musika

• Magdangog nin iba-ibang orihinal na musika, arog nin vocal, orchestral, saka instrumental na mga recording.

Teksto sa Aroaldaw

• Punan an saimong aldaw paagi sa pagbasa nin sarong teksto sa Bibliya saka nin nakakapakusog na mga komento.

Mga Pagtiripon

• I-access an mga gagamiton para sa pagtiripon sa tahaw kan semana saka sa katapusan kan semana.

Search

• Hanapon an espesipikong mga teksto sa Bibliya, artikulo, saka tema.

Personal Study

• Mag-highlight nin mga tataramon, maggibo nin personal na mga nota, saka maglaag nin mga tag.

Mga Playlist

• Maggibo nin mga playlist kan mga musika, video, audio program, saka ritrato.