Talinhaga 30:1-33
30 An importanteng mensahe na yaon sa mga tataramon ni Agur, na aki ni Jakeh, na isinabi niya ki Itiel asin Ucal.
2 Mas dai akong aram kisa sa kiisay pa man,+Asin mayo ako kan pakasabot na dapat igwa an sarong tawo.
3 Dai ako nakanuod nin kadunungan,Asin mayo ako kan kaaraman kan Kabanal-banaling Diyos.
4 Siisay an nagsakat sa kalangitan dangan nagbaba?+
Siisay an nagtipon kan duros sa mga palad kan duwang kamot niya?
Siisay an nagpatos kan katubigan sa bado niya?+
Siisay an nag-establisar* kan gabos na puro kan daga?+
Ano an pangaran niya asin an pangaran kan aki niya—kun aram mo?
5 Dalisay an lambang sinasabi nin Diyos.+
Kalasag siya sa mga nagpapaili sa saiya.+
6 Dai ka magdagdag sa mga tataramon niya,+Ta kun iyo, sasagwion ka niya,Asin mapapatunayan na putikon ka.
7 Duwang bagay an hinahagad ko sa saimo.
Dai mo ipanguri sa sako an mga iyan bago ako magadan.
8 Irayo mo sa sako an bakong totoo asin an mga kaputikan.+
Dai mo ako pagtawan nin kadukhaan ni kayamanan man.
Pabayaan mo lang akong ubuson an kakanon na sakuyang kahirasan,+
9 Tanganing dai ako mabasog asin nigaran taka saka sabihon ko, “Siisay man si Jehova?”+
Asin dai mo man ako pabayaan na magin tios asin manghabon saka matawan nin kasusupgan* an pangaran kan sakuyang Diyos.
10 Dai mo pagpakarauton sa saiyang kagurangnan an sarong lingkod,Ta kun iyo, mamaldisyunon ka niya asin huhusgaran kang may sála.+
11 Igwa nin henerasyon na nagmamaldisyon sa saindang amaAsin dai nagtataong onra* sa saindang ina.+
12 Igwa nin henerasyon na dalisay sa sadiri nindang mga mata+Pero dai pa nalilinigan sa karamugan* ninda.
13 Igwa nin henerasyon na an mga mata mapalangkaw na marhayAsin na an mga mata sobra kaarogante kun maghiling!+
14 Igwa nin henerasyon na an mga ngipon mga espadaAsin an mga panga mga kutsilyong pambuno;Sinisiba ninda an mga hamak na tawo sa dagaAsin an mga dukha hali sa katawuhan.+
15 An mga linta may duwang aking babayi na nagkukurahaw, “Tawi ako! Tawi ako!”
May tulong bagay na dai nakokontento,Apat na dai nuarin man nagsasabi, “Tama na ’yan!”
16 —An Lubungan*+ asin an baog na matris,An daga na dai nauuranan,Asin an kalayo na dai nuarin man nagsasabi, “Tama na ’yan!”
17 An mga matang nag-uulog-ulog sa ama asin ikinakabaldi an pagsunod sa ina+—Tutukaon iyan kan mga uwak sa kababan,*Asin kakakanon iyan kan mga siwo pang agila.+
18 May tulong bagay na dai ko maintindihan,*Asin apat na dai ko masabutan:
19 An dalan kan agila sa kalangitan,An dalan kan halas sa ibabaw kan gapo,An dalan kan barko sa katahawan kan dagat,Asin an dalan kan lalaki kun kaibanan niya an sarong hoben na babayi.
20 Ini an dalan nin sarong parapakisambay na babayi:
Nagkakakan siya, pinapahidan an nguso niya;Dangan sinasabi niya, “Mayo akong ginibong sala.”+
21 May tulong bagay na nagpapatakig sa dagaAsin apat na bagay na dai kaini matatagalan:
22 Pag mamahala bilang hadi an sarong uripon,+Pag sobra-sobra an pigkakakan* nin sarong lulong,
23 Pag an sarong ikinakaungis* na babayi mapangagom,Asin pag an sarong suruguon na daragita makua* an puwesto kan babaying amo niya.+
24 Apat na bagay sa daga an kabilang sa pinakasaradit,Pero natural na madudunong* an mga iyan:+
25 An mga tanga bakong makukusog na linalang,*Pero pag tig-init nag-aandam sinda nin pagkakan.+
26 An mga kuneho sa kagagapuan*+ bakong makukusog na linalang,*Pero naggigibo sinda kan saindang istaran sa mga dakulang gapo.+
27 An mga duron+ mayo nin hadi,Pero gabos sinda organisadong* minaabante.+
28 An tuko+ minaupot paagi kan mga bitis kaiyan,Asin minalaog iyan sa palasyo nin hadi.
29 May tulong bagay na an paglakad kahanga-hanga,Apat na kahanga-hanga pag minahiro sinda:
30 An leon, an pinakamakusog sa mga hayop,Na dai minaatras sa siisay man;+
31 An ayam na greyhound; an lalaking kanding;Asin an hadi na kaibanan an saiyang hukbo.
32 Kun ilinangkaw mo an saimong sadiri nin may kamangmangan+O kun nagpakana ka na gibuhon iyan,Takupan mo kan kamot mo an saimong nguso.+
33 Huling kun paanong an pagbati nin gatas nakakagibo nin mantikilya*Asin an pagpurupildit kan dungo nakakapaluwas nin dugo,An pagpukaw man sa kaanggutan nagbubunga nin mga iriwal.+
Mga Nota
^ Sa literal, “nagpatindog; nagpabutwa.”
^ O “saka lapastanganon.”
^ Sa literal, “dai nagbebendisyon.”
^ Sa literal, “udo.”
^ O “sulugan na kababan.”
^ O “na makangangalas na marhay sa sako.”
^ O “kakanon.”
^ O “dai namumutan.”
^ O “maagaw.”
^ O “madunong na marhay.”
^ Sa literal, “sarong bakong makusog na banwaan.”
^ Sa literal, “sarong bakong makusog na banwaan.”
^ Sa Ingles, rock badger, rock rabbit, o hyrax.
^ O “grupo-grupong.”
^ Sa Ingles, butter.
