Talinhaga 29:1-27
29 An tawong pinapatagas an liog niya* pagkatapos nin kadakul na pagsagwi+Mababari nin bigla asin dai na mauumayan pa.+
2 Pag dakul an matanos, nag-uugma an banwaan,Pero pag an maraot an namamahala, nag-aagrangay an banwaan.+
3 An tawong namumuot sa kadunungan nagpapaugma sa saiyang ama,+Pero an saro na padagos na nakikiiba sa mga hostes inuubos an kayamanan niya.+
4 Paagi sa hustisya napapakusog nin sarong hadi an nasyon,+Pero ginagaba iyan nin sarong tawong naghahagad nin suhol.
5 An tawong binubuladas an saiyang kapwaNaglalatag nin hikot para sa mga bitis niya.+
6 An maraot na tawo nasisilo kan paglapas niya,+Pero an sarong matanos maugmang nagkukurahaw asin naggagaya-gaya.+
7 An sarong matanos may pagmalasakit sa legal na mga deretso kan mga pobre,+Pero an sarong maraot mayo nin arog kaiyan na pagmakulog.+
8 An mga tawong hambugon nagpapalaad sa sarong banwa,+Pero idtong mga madunong nakakapahupa nin kaanggutan.+
9 Pag an sarong madunong makidiskutir sa sarong mangmang,Magkakaigwa nin sirilyakan asin turuyaan, pero mayo siyang makukuang pakinabang.+
10 An mga tawong paha sa dugo nauungis sa siisay man na daing sála,*+Asin pinagmamaigutan nindang kuanon an buhay* kan mga matanos.*
11 Ilinuluwas nin mangmang na tawo an gabos niyang namamatian,*+Pero an sarong madunong kalmadong pinupugulan an mga iyan.+
12 Pag an tagapamahala nagtataong atensiyon sa mga kaputikan,An gabos niyang lingkod magigin maraot.+
13 Ini an pagkakapareho kan pobre asin kan nang-aapi:*
Pareho sindang tinatawan ni Jehova nin liwanag sa saindang mga mata.*
14 Pag an hadi naghuhusgar sa mga dukha nin daing ipinapaurog,+An saiyang trono pirming magigin marigon.+
15 An pamakol* asin pagsagwi nagtatao nin kadunungan,+Pero an aking pinapabayaan lang nagdadara sa saiyang ina nin kasusupgan.
16 Pag minadakul an mga maraot, minadakul man an paglapas,Pero mahihiling kan mga matanos an saindang pagbagsak.+
17 Disiplinahon mo an saimong aki asin dadarahan ka niya nin kapahingaluan;Asin tatawan ka niya* nin dakulang kaugmahan.+
18 Kun mayo nin bisyon,* an mga tawo nagigin dai mapugulan,+Pero maugma idtong mga nagsusunod kan katugunan.+
19 An sarong suruguon dai magpapatanos paagi sa tataramon,Huling dawa nasasabutan niya, dai siya nagsusunod.+
20 Nakahiling ka na nin tawong pabigla-bigla sa mga sinasabi niya?+
Mas may paglaom pa an mangmang kisa saiya.+
21 Kun an gabos na gusto nin sarong suruguon pigpaparasunod puon sa pagkaaki kaini,Magigin ining daing utang na buot sa bandang huri.
22 An madaling maanggot na tawo minapukaw* nin iriwal;+An siisay man na arangguton nakakakomiter nin dakul na paglapas.+
23 An sarong tawo papakumbabaon kan saiya mismong kapalangkawan,+Pero an siisay man na may mapakumbabang espiritu magkakamit nin kamurawayan.+
24 An tawong kakumplot nin sarong parahabon nauungis sa sadiri* niya.
Madangog man niya an pangapudan na magtestigo,* dai siya mataram.+
25 An pagtakig* sa mga tawo sarong* siod,+Pero an saro na nagtitiwala ki Jehova poprotektaran.+
26 Dakul an gustong makaatubang an* sarong tagapamahala,Pero ki Jehova nakakakua nin hustisya an sarong tawo.+
27 An tawong bakong makatanusan makababaldi sa mga matanos,+Pero an saro na tanos an dalan makababaldi sa saro na maraot.+
Mga Nota
^ O “matagas pa man giraray an payo.”
^ O “daing katuyawan.”
^ O “kalag.”
^ O posibleng “Pero hinihinguwa kan matanos na protektaran an buhay niya.”
^ Sa literal, “espiritu.”
^ Sa literal, “Nagsabatan an pobre asin an nang-aapi.”
^ An buot sabihon, tinatawan Niya sinda nin buhay.
^ O “disiplina; padusa.”
^ O “tatawan niya an kalag mo.”
^ O “bisyon na nagpopropesiya; kapahayagan.”
^ “minapagrabe.”
^ O “sadiring kalag.”
^ O “an pagsumpa na may kalabot na maldisyon.”
^ O “pagkatakot.”
^ O “nagtatáon nin; nagtataan nin.”
^ O posibleng “an naghihinguwang makua an pabor nin.” Sa literal, “an naghahanap kan lalawgon nin.”
