JI’TE 6
Ke bo byap pô pye wap pfu a?
1. Tchoung pepoung ne ye tse pô pye wap pfu a be ge ke?
Tchwe ye Yéso le be demtcha’ a, be é ghe ta’ so é, Lazaro, é pe tchwe Bétanya beng Yérousalèm. Mou’ tyè’ so é bô pfu, Yéso neng ne kem be tyè’ pfue é da’ tchye. É le ghô beng tsesi Lazaro pou Marta ba Maria, mfe so é bô. Pômneng le woung do’gne do tsu’u. Te o fing ne na’ kwègne tchi pa’ Marta pou Maria le ŋwègne tchwe yé Yéso le yam Lazaro ne vu a le?—Ké Yohané 11:21-24, 38-44.
A le be Marta tsem jye tchoung pepoung ne ye tse pô pye wap pfu a. A le be é jye ge Jéova gô yam wap te wap ping tchwe demtcha’a.—Ké Job 14:14, 15.
2. Pô pye wap pfu a be m ge ke?
Si le ghôm bi Adam ge: “O be vôp neng bo gô sô’ pegne ne vôpe.”—GENÈSE 3:19.
A be pou le tcha’ bem momsoung. (Genèse 2:7; 3:19) Pe te be mjwégne be tchwe tchum bapne pe. Pe be pô, be pou fing ne yô neng tcho’ wôkpe. A thoute ge tchwe yé pe pfu a, sôm papne yôkpe te bvôk pe. Tchwe yé pe pfu a, ju’tse yôkpe pfu ye, mkwègne môkpe ba ne you’ ne yôkpe pfu yap. Dendeng po’o, pa’ pô pye wap pfu a te dje bo jye sôm ywe a pe, Lazaro late fing ne ghôm sôm ywe ne é ne tchwe ye a le be é pfu a.—Ké Psaume 146:4; Ecclésiaste 9:5, 6, 10.
Si de pô pye wap pfu a djô go’ tchum môk a? Pa’ Bible gôm a, pô pye wap pfu a te dje bo jye sôm ywe pe. Ji’te môk gwye be ta’ tchwanwe be tchap Si. Ba a da’ ne kwègne ne to pô tchum môk tchente djè é té’.—Ké Jérémie 7:31.
Yô vidéo Pô pye wap pfu a be m ge ke?
3. Pô pye wap pfu a fing ne ghôm nwe bi pe a?
Mpfe pô te gôm nwe pe, wap le neng be djou’ nwe. (Psaume 115:17) Da’ge, she m angélé tchwepoung be we, be de ne yap pa’ pô pye wap pfu a, ne gôm nwe bi pômneng. (2 Pètro 2:4) Jéova tcho’ ne tcheng ne ghôm nwe pou a mpfe pô.—Ké Deutéronome 18:10, 11.
4. We gô sô’ yam ne vu?
Mshou’shou’ pô be wap pfu gô sô’ yam ne vu demtcha’a. Ba she pô be wap late jye Si, be wap le neng gre potse tchwepoung, gô sô’ yam yap ne vu.—Ké Loukasi 23:43; Mfa’ 24:15.
Pô pye wap gô sô’ yam ne vu a gô ghe tam ne dagne nyenyô ne Si, neng la’te pintum ne Yéso, tchye ne ne you’gne é. (Apokalipse 20:11-13) Pou gô ti le vôk mama demtcha’ ne tchwô’ fa’ pô pye wap ghe potse pepoung a.—Ké Yohané 5:28, 29.
5. Yamvu dagne wôkpe ke ne Jéova?
Si be é le ghe ge yamvu pe we tchwe ye é le tchya mou é ge é sô’ pfu ne yôkpe tse a. Yamvu fing ne lagne wôkpe medou potse ne koungne ba gho’ Si. A gô ŋwègne bou ne ti djô kwa’ we tchwe yamvu?—Ké Yohané 3:16; Roma 6:23.
