33 УРОК
Кудайдыҥ Каандыгы нени эдер?
Кудайдыҥ Каандыгы башкарып јат! Бу Каандык удабас бастыра јердиҥ ӱстинде јаан-јаан солынталар эдер. Кандый солынталар болор ло слердиҥ јӱрӱмеер канайып солынарын кӧрӱп ийектер.
1. Кудайдыҥ Каандыгы бастыра јердиҥ ӱстинде јаманды канайып јоголтор?
Кудайдыҥ Каандыгыныҥ Кааны Иисус калју улусты ла улустыҥ башкаруларын Армагеддондо јоголтып салар (Ачылта 16:14, 16). Ол ӧйдӧ Агару Бичикте: «Удабас ла, јаман керектер эдип турган улус јоголып калар» — деп бичилген сӧстӧр бӱдер (Сарын 37:10). Кудайдыҥ Каандыгы башкарза, бастыра јердиҥ ӱстинде амыр болор. Кандый да јаман керектер болбос. (Исайя 11:4 кычырыгар.)
2. Кудайдыҥ табы јерде бӱдӱп калза, јӱрӱм кандый болор?
Кудайдыҥ Каандыгы башкарза, «чындык улус јерди энчиленип, анда јажын-чакка јадар» (Сарын 37:29). Сананып ийзеер де, бастыра јердиҥ ӱстинде јӱк ле јакшы, јалакай улус јадар. Бастыра улус Иегованы ла бой-бойын сӱӱп турган болор! Кем де оорубас, јӱрӱм јажын-чакка улалар.
3. Кудайдыҥ Каандыгы калју улусты јоголтып салза, јӱрӱм канайып солынар?
Иисус калју улусты јоголткон кийнинеҥ, бир муҥ јыл Каан болуп отурар. Ол, анайда ок оныла кожо башкаратан 144 000 кижи улуска кинчектеҥ јайымдалып, толо кемине једерге болужар. Бу ӧйдиҥ учында јер јараш рай болуп калар. Бастыра улус Иегованыҥ јасактарыла јӱрер, оныҥ учун ырысту болор. Мыныҥ кийнинде, Иисус башкарар јаҥды Адазына берип ийер. Анайып Кудайдыҥ ады бастыра јердиҥ ӱстине макталар! (Матфей 6:9, 10). Бу ончо немедеҥ Иегова — эҥ ле јакшы башкараачы, ол бойыныҥ јайаандарын кичееп турган Кудай деп јарт кӧрӱнер. Иегова Сатананы, оныҥ кӧрмӧстӧрин, анайда ок оныҥ јанын талдап алган улусты јоголтып салар (Ачылта 20:7—10). Јӱк ле Кудайдыҥ Каандыгы башкарза, јерде сӱреен јакшы јӱрӱм јажын-чакка улалар!
ТЕРЕҤЖИДЕ КӦРӰГЕР
Кудай Каандыгыныҥ болужыла Агару Бичикте берген сӧзин бӱдӱрип салар деп кӧргӱзип турган керелерди кӧрӱгер.
4. Кудайдыҥ Каандыгы улустыҥ башкарузын јоголтып салар
Агару Бичикте: «Кижи кижиле башкарганда, ого каршу јетирет» — деп айдылат (Экклезиаст 8:9). Иегова Каандыгыныҥ болужыла кажы ла кижиниҥ јылыйтузын орныктырар ла справедливость тургузар.
Даниил 2:44 лӧ 2 Фессалоникадагыларга 1:6—8 кычырып, сурактарды шӱӱжип ийигер:
-
Улустыҥ башкаруларын ла олорго јӧмӧжип тургандарды не сакып јат?
-
Иегова ла Иисус справедливый башчылар болор деп, слерди не бӱдӱмјиледи?
5. Иисус — эҥ ле јакшы башкараачы
Кудайдыҥ Каандыгыныҥ Кааны Иисус бойыныҥ албатызына кӧп алкыштар берер. Бу ВИДЕОНОҤ Иисус улуска болужарга тыҥ кӱӱнзеп турганын ла оныҥ ийде-кӱчин кӧрӱп аларыгар.
Иисус јерде эткен кайкалдарла келер ӧйдӧ Кудайдыҥ Каандыгыныҥ Кааны болуп калза нени эдерин кӧргӱскен. Тӧмӧнги тоололгон алкыштардаҥ слер кажызын эҥ ле тыҥ сакыйдаар? Мында берилген ӱлгерлерди кычырып алыгар.
|
ИИСУС ЈЕРДЕ БОЛОРДО: |
ТЕҤЕРИДЕҤ БАШКАРЗА: |
|---|---|
|
|
|
|
|
|
|
|
6. Кудайдыҥ Каандыгы улуска ырысту јӱрӱм сыйлаар
Иегова озодоҥ ло бери амадаган амадузын Каандыгыныҥ болужыла бӱдӱрер. Улус јерде, райда, јажын-чакка јадар. ВИДЕОНЫ кӧрӱп, Иегова Иисус ажыра бойыныҥ амадузын канайып бӱдӱрерин билип алыгар.
Сарын 145:16 кычырып, суракты шӱӱжип ийигер:
-
Иегова «кажы ла тирӱ јайаанныҥ кӱӱнин» бӱдӱрип салар деп билеле, слерде кандый сезимдер болот?
КЕЗИК УЛУС АЙДАТ: «Улус бириксе, бастыра телекейдиҥ курч сурактарыныҥ аайына чыгып салар».
-
Улустыҥ башкарулары кандый кӱчтердиҥ аайына качан да чыгып болбос? Ол кӱчтердиҥ аайына нениҥ учун јӱк ле Кудайдыҥ Каандыгы чыгар?
ТӦС ШӰӰЛТЕЗИ
Кудайдыҥ Каандыгы бойыныҥ амадузын бӱдӱрип салар: бастыра јер рай болор, јердиҥ ӱстинде јӱк ле јакшы улус јадар, олор Иеговага јажын-чакка бажырар.
Нени билип алдыгар?
-
Кудайдыҥ Каандыгы Иегованыҥ адын канайып агарулаар?
-
Кудайдыҥ Каандыгы Агару Бичиктеги судурларды бӱдӱрип салар деп, кандый керелер бар?
-
Слер кандый алкышты эҥ ле тыҥ сакыйдаар?
ШИҤДЕЙТЕН МАТЕРИАЛ
Армагеддон ол не деп билип алыгар.
Христостыҥ бир муҥ јыл башкарган ӧйинде ле оныҥ кийнинде не болорын билип алыгар.
«Јаргыныҥ кӱнинде не болор?» («Каруулчы шибее», 2012 јыл, сыгын ай 1)
Јаан да улус, кичинек те балдар бойын јердеги райда деп сананып турганын кӧрӱп алыгар.
«Менде кӧп сурактар болгон» деп биографиянаҥ политикага удурлашкан бир эр кижи Агару Бичик ӱренип, канайып солынганын кычырып алыгар.
«Агару Бичик јӱрӱмди солыйт» («Каруулчы шибее», 2012 јыл, чаган ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
