50 УРОК
Билениҥ ырызы недеҥ камаанду? (2-чи бӧлӱги)
Балдар — Иегованыҥ сыйы. Оныҥ учун Кудай ада-энелерди бу сыйды чеберлеп јӱрзин деп кӱӱнзейт. Кудай ада-энелерге балдарын канайып кичеери керегинде јӧптӧр берет. Анайда ок балдар да билениҥ ырызына јӧмӧжип турзын деп, олорго база јӧптӧр берет.
1. Иегова ада-энелерге кандый јӧп берет?
Иегова ада-энелерге балдарын сӱӱп, олорло кӧп ӧй ӧткӱрип турзын деп кӱӱнзейт. Анайда ок олор балдарын јӱзӱн-јӱӱр јеткерлӱ немелердеҥ корулап, олорды библиялык принциптерле таскатсын деп јакарат (Укаа сӧстӧр 1:8). Иегова ада-энелерди канайып ӱреткен ле јакыган эди, балдарын анайып ла чыдатсын деп кӱӱнзедет. (Эфестегилерге 6:4 кычырыгар.) Иегова ада-энелерге балдар таскадар јанынаҥ сурактарда балдарын Кудайдыҥ башкартузыла ӱредип, бу молјуны ӧскӧ улуска салбазын деп јакарат.
2. Иегова балдарга кандый јӧп берет?
Иегова балдарга: «Ада-энегерге јаантайын сӧсуккур болугар» — деп јӧп берет. (Колоссыдагыларга 3:20 кычырыгар.) Балдар ада-энезин тооп, олордыҥ сӧзин угуп турза, Иегова да, ада-энелер де сӱӱнеер (Укаа сӧстӧр 23:22—25). Балдарга јакшы темди Иисус кӧргӱскен. Оныҥ ада-энези толо кемдӱ эмес, тегин улус та болгон болзо, ол олорго сӧсуккур болуп, олорды тооп јӱрген (Лука 2:51, 52).
3. Слердиҥ билегер Кудайга канайып јуук болор?
Слерде балдар бар болзо, олор слер ле чилеп Кудайды тыҥ сӱӱзин деп кӱӱнзеп јадаар дезеер? Бу амадуга канайып јединер? Агару Бичикте айдылат: «Олорды [Иегованыҥ сӧзин] балдарыҥа ӱрет... айылыҥда да отурзаҥ, јолдо до болзоҥ» (Јаҥды такыганы 6:7). Балдараар та нени де сананып алзын деп турган болзогор, олорго канча катап айдар керек деп, ајаруга алган болбойоор. Оныҥ учун такып-такып айдары — ӱредӱниҥ јаан учурлу бӧлӱги болуп јат. Бу ӱлгерле болзо, слерге балдараарга Иегова керегинде куучындап турарга келишкедий эптӱ ӧйди табып турар керек. Оныҥ учун кажы ла неделеде билелик бажырыш ӧткӱрерге, ӧскӧртӧ айтса, ончо билегерле кожо Кудайдыҥ Сӧзин шиҥдеп ӱренерге, ӧй табып туругар. Је слерде балдар јок болзо, эш-нӧкӧригерле кожо кажы ла неделеде Кудайдыҥ Сӧзин шиҥдеп ӱрензеер, бу слерге јаан тузазын јетирер.
ТЕРЕҤЖИДЕ КӦРӰГЕР
Билениҥ кажы ла кижизине бойын ырысту ла коруда деп сезерге кандый библиялык принциптер болужарын билип алыгар.
4. Балдараарды сӱӱштӱ таскадыгар
Балдар таскадары јеҥил иш эмес. Бу јанынаҥ Агару Бичик канайып болужар аргалу? Иаков 1:19, 20 кычырып, сурактарды шӱӱжип ийигер:
-
Ада-энелер балдарыла куучындажып тура, олорго сӱӱжин канайып кӧргӱзер аргалу?
-
Нениҥ учун ада-энелерге ачынып калган тушта балдарын кату каруузына тургузарга јарабас? a
5. Балдараарды корулагар
Балдараарды корулаарга, олордыҥ кажызы ла секс керегинде теманы, слерге эби јок то болзо, куучындажыгар. ВИДЕОНЫ кӧрӱп, сурактарды шӱӱжип ийигер:
-
Кезик ада-энелерге балдарыла секс јанынаҥ куучындажарга нениҥ учун эби јок болот?
-
Кезик ада-энелер балдарыла секс керегинде теманы канайып куучындажат?
Агару Бичикте судурлалганыла, бу телекейдиҥ улузы там ла казырланып, оноҥ јаман, јескинчилӱ керектер эдер. 2 Тимофейге 3:1, 13 кычырып, суракты шӱӱжип ийигер:
-
13-чи ӱлгерде айдылган улуска балдарды албадап, базынып турган улус база кирет. Айдарда, ада-энелерге балдарыла нениҥ учун секс керегинде теманы куучындажып, јаман улустаҥ бойлорын канайып корулаарын јартаар керек?
Слер билереер бе?
Иегованыҥ Керечилери ада-энелерге балдарыла секс керегинде теманы шӱӱжерге ле сексуальный базыныштаҥ олорды корулаарга болужатан кӧп материалдар чыгарган. Темдектезе:
-
«Балдараарды корулагар» (видео);
-
«Балага секс јанынаҥ теманы канайып јартаар?» («Ойгоныгар!», № 5 2016).
6. Ада-энегерди тооп јӱрӱгер
Кичинек те, јаанап келген де балдар ада-энезиле тоомјылу куучындажар учурлу. ВИДЕОНЫ кӧрӱп, сурактарды шӱӱжип ийигер.
-
Ада-энегерле нениҥ учун тоомјылу куучындажар керек?
-
Ада-энегисле куучындажып тура, тоомјыбысты канайып кӧргӱзерис?
Укаа сӧстӧр 1:8 кычырып, суракты шӱӱжип ийигер:
-
Бала ада-энезиниҥ јӧбин канайып алынар учурлу?
7. Иеговага бастыра билегерле бажырыгар
Иегованыҥ Керечилериниҥ билелери кажы ла неделеде билелик бажырыш ӧткӱрет. Бу бажырыштыҥ ӧйинде нени шӱӱжерге јараар? ВИДЕОНЫ кӧрӱп, сурактарды шӱӱжип ийигер:
-
Билелик бажырышты јаантайын ӧткӱрерге не болужар?
-
Билелик бажырыш тузалу ла јилбилӱ болзын деп, ада-энелер нени эдер аргалу? (Уроктыҥ бажындагы јурукты кӧрӱгер.)
-
Агару Бичикти билегерле кожо шиҥдеп ӱренерге, слерде кандый буудактар болордоҥ айабас?
Иегова јебрен Израильде билелерди Агару Бичимелдердиҥ шӱӱлтелерин јаантайын кожо шӱӱжип турзын деп кӱӱнзеген. Јаҥды такыганы 6:6, 7 кычырып, суракты шӱӱжип ийигер:
-
Слер бу принципти билегерде канайып тузаланар аргалу?
Билелик бажырышта нени эдерге јараар:
-
Кожо јуунныҥ туштажуларына белетенигер.
-
Бастыра билеге јилбилӱ болгодый Агару Бичиктиҥ учуралын эмезе ӱзӱгин кожо кычырып шӱӱжигер.
-
Слерде кичинек балдар бар болзо, jw.org сайттаҥ балдарга белетелген јакылталарды чыгарып алыгар.
-
Слердиҥ билегерде јаанап калган балдар бар болзо, jw.org сайттаҥ јииттерге учурлалган статьяны кожо шӱӱжигер.
-
Агару Бичиктеги кандый бир учуралды балдараарла кожо сценка эдип ойногор.
-
jw.org сайттаҥ кожо видеолор кӧрӱп, шӱӱжигер.
КЕЗИК УЛУС АЙДАТ: «Балдарга Агару Бичикти оҥдоорго коркышту кӱч».
-
Слер нени айдар эдеер?
ТӦС ШӰӰЛТЕЗИ
Иегова ада-энелерди балдарын сӱӱзин, ӱретсин ле корулазын деп кӱӱнзейт; балдары ада-энезин тооп, олорго сӧсуккур болзын, анайда ок ада-энези балдарыла кожо Кудайга бажырзын деп кӱӱнзейт.
Нени билип алдыгар?
-
Ада-энелер балдарын канайып ӱредер ле корулаар аргалу?
-
Балдар ада-энезин тооп турганын канайып кӧргӱзер?
-
Билелик бажырышты нениҥ учун кажы ла неделе ӧткӱрер керек?
ШИҤДЕЙТЕН МАТЕРИАЛ
Балдарды јӱрӱмге канайып белетеер?
«Шесть качеств, необходимых ребёнку» («Ойгоныгар!», № 2 2019)
Јажы јаанап калган ада-энезин кичееп турган улуска Агару Бичик кандый јӧптӧр берет?
«Јажы јаанаган ада-энезин канайып кичеери јанынаҥ Агару Бичикте не айдылат?» (веб-статья)
Балдар чыдадатан ченемел јок бир эр кижи канайып сӱреен јакшы ада болуп калганын билип алыгар.
Адазына уулыла јакшы куучындажарга нени эдер керек деп билип алыгар.
«Адаларга уулдарыла јуук болорго нени эдер керек?» («Каруулчы шибее», 2011 јыл, кӱчӱрген ай 1)
a Агару Бичикле болзо, таскадарына — ӱредери, јакарары ла кату каруузына тургузары кирет. Је бого базынары ла кату-казыр баштанары кирбей јат (Укаа сӧстӧр 4:1).
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
