21 УРОК
Сӱӱнчилӱ јар бастыра јердиҥ ӱстине канайып јарлалат?
Удабас Иегова бойыныҥ Каандыгыныҥ болужыла бастыра улустыҥ уур-кӱчтериниҥ аайына чыгып салар. Мындый сӱреен јакшы солунды улуска канайып куучындабас! Иисус Христос бойыныҥ ӱренчиктерин кажы ла кижиге бу солунды куучындазын деп јакарган! (Матфей 28:19, 20). Иегованыҥ Керечилери Иисустыҥ берген јакылтазын канайып бӱдӱрет?
1. Матфей 24:14 сӧстӧр бӱгӱнги кӱнде канайып бӱдет?
Иисус судурлап айткан: «Каандык керегинде сӱӱнчилӱ јар јер-ӱстине јарлалар» (Матфей 24:14). Иегованыҥ Керечилери бу ишти акту кӱӱнинеҥ бӱдӱрет. Олор бу јарды бастыра јердиҥ ӱстинде 1000 ажыра тилге јарлайт. Мындый јаан ишти бӱдӱрерге сӱреен кӧп ийде-кӱч ле ойгор башкарту керек болор эмей. Иегованыҥ болужы јогынаҥ бу ишти бӱдӱрер арга јок.
2. Бис канайып јарлайдыс?
Бис кайда ла јарлайдыс. Баштапкы чактыҥ христиандары чылап, бис «айылдар сайын» барадыс (Апостолдордыҥ ижи 5:42). Айылдар сайын јарлайтан эп-арганаҥ улам, кажы ла јыл миллиондор тоолу улус сӱӱнчилӱ јарды угат. Кезикте улус айылдарында болбой јат, оныҥ учун бис кӧп улус јуулып турган јерлерде јарлайдыс. Улуска Иегова керегинде ле ол келер ӧйгӧ сӱреен јакшы јӱрӱм белетеп салган деп куучындаар кандый ла арганы божотпоско албаданадыс.
3. Кем јарлаар учурлу?
Кудайдыҥ Каандыгы керегинде сӱӱнчилӱ јарды бойын христиан деп аданып турган кажы ла кижи јарлаар учурлу. Бу ишти бис јазап бӱдӱрерге албаданадыс. Бис ийде-кӱчисти кысканбай јадыс, нениҥ учун дезе бу јарды уккан кажы ла кижиге јажын-чакка јӱретен арга ачылат. (1 Тимофейге 4:16 кычырыгар.) Анайда ок бу иш учун акча албай јадыс. Нениҥ учун дезе Агару Бичикте айдылганыла: «Тегинге алганыгар, тегинге беригер» (Матфей 10:7, 8). Је кезик улус бу сӱӱнчилӱ јарды укпай јат. Андый да болзо, бис тӱҥей ле јарлайдыс. Нениҥ учун дезе јарлаары — Кудайга бажырарыныҥ база бир бӧлӱги. Кудай бисти бу ишти бӱдӱрип салзын деп кӱӱнзейт.
ТЕРЕҤЖИДЕ КӦРӰГЕР
Иегованыҥ Керечилери Агару Бичиктеги јарды бастыра улус уксын деп нени эдип турганын ла Иегова олорго канайып болужып турганын билип алыгар.
Бастыра јердиҥ ӱстинде јарлайдыс: А) Коста-Рика, Б) США, В) Бенин, Г) Таиланд, Д) Яп, Е) Швеция
4. Сӱӱнчилӱ јарды кажы ла кижи уксын деп кӧп иштенедис
Иегованыҥ Керечилери јердиҥ ӱстинде кайда ла јарлаарга кӧп ийде-кӱчин берет. ВИДЕОНЫ кӧрӱп, суракты шӱӱжип ийигер:
-
Иегованыҥ Керечилериниҥ канайып јарлап турганыныҥ слерди нези кайкадат?
Матфей 22:39 ла Римдегилерге 10:13—15 кычырып, сурактарды шӱӱжип ийигер:
-
Бис јуугысты сӱӱп турганыс деп, јарлаар ижистеҥ канайып кӧрӱнет?
-
Агару Бичиктеги сӱӱнчилӱ јарды јарлап турган улуска Иегова кандый кӧрӱмдӱ? (15 ӱлгерди кӧрӱгер.)
5. Бис Кудайла кожо иштенедис
Иегова јарлаар ишти башкарып турган деп кӧп учуралдардаҥ кӧрӱнет. Темдектезе, Јаҥы Зеландияда Пол деп ака айылдар сайын јарлап јӱреле, бир ӱй кижиге туштаган. Кӧрӧр болзо, бу ӱй кижи ол ло кӱн эртен тура Кудайга Иегова деп баштанып, кемди-кемди ийзин деп мӱргӱген эмтир. «Ӱч сааттаҥ мен оныҥ эжигинде тургам» — деп, Пол куучындайт.
1 Коринфтегилерге 3:9 кычырып, суракты шӱӱжип ийигер:
-
Ӧрӧги учуралдаҥ јарлаар ишле Иегова башкарып турган деп канайып кӧрӱнет?
Апостолдордыҥ ижи 1:8 кычырыгар, суракты шӱӱжип ийигер:
-
Иегованыҥ болужы јогынаҥ бис нениҥ учун бу јакылтаны бӱдӱрип болбос эдис?
Слер билереер бе?
Кажы ла неделениҥ иштеер кӱндеринде ӧдӱп турган јуунныҥ туштажуларында бис јарлаарга ӱренедис. Слер андый туштажуда болгоноор бо? Андагы ӱредӱ керегинде слер нени айдар эдеер?
6. Кудайдыҥ јакылтазын бӱдӱредис
Баштапкы чакта кезик улус јарлаар ишти токтодорго албаданган. Је ол ӧйдиҥ христиандары јарлайтан јаҥы учун тартышкан (Филиппыдагыларга 1:7). Бӱгӱнги кӱнде Иегованыҥ Керечилери анайып ла эдет a.
Апостолдордыҥ ижи 5:27—42 кычырып, суракты шӱӱжип ийигер:
-
Бис јарлаар ишти нениҥ учун токтотпозыс? (29, 38 ле 39 ӱлгерлерди кӧрӱгер.)
КЕЗИК УЛУС СУРААР БОЛОР: «Иегованыҥ Керечилери нениҥ учун айылдар сайын базат?»
-
Слер нени айдар эдеер?
ТӦС ШӰӰЛТЕЗИ
Иисус бойыныҥ ӱренчиктерине бастыра албатыларга сӱӱнчилӱ јарды јарлазын деп јакарган. Иегова биске бу ишти бӱдӱрерге болужат.
Нени билип алдыгар?
-
Сӱӱнчилӱ јар бастыра јердиҥ ӱстинде канайып јарлалат?
-
Бис јуугысты сӱӱп турганыс деп, јарлаар иштеҥ канайып кӧрӱнет?
-
Слер канайып сананадаар, јарлаар иш сӱӱнчи экелип турган ба? Нениҥ учун анайып сананадаар?
ШИҤДЕЙТЕН МАТЕРИАЛ
Иегованыҥ Керечилери јаан калаларда канайып јарлап турганын билип алыгар.
«Парижтиҥ кӧп улус јуулып турган јерлеринде јарлайтан аҥылу программа» (5:11)
Иегованыҥ Керечилери тӧрӧл јеринеҥ качкан улуска канайып болужат?
«Тӧрӧл јеринеҥ качкан улуска кӧгӱс јанынаҥ болужадыс» (5:59)
Бастыра јӱрӱмин јарлаар ишке бергенинеҥ јаан сӱӱнчи алган ӱй кижиниҥ интервьюзин угугар.
Иегованыҥ Керечилериниҥ кезик юридический јаан јеҥӱлеринеҥ улам јарлаарга јеҥил боло бергени керегинде билип алыгар.
«Каандыктыҥ јарчылары јаргыларга баштанат» («Кудайдыҥ Каандыгы башкарып јат!», 13 бажалык)
a Агару Бичиктеги сӱӱнчилӱ јарды јарлайтан јаҥды Иегова керечилерине бойы берген. Оныҥ учун бис улустаҥ јараду сурабай јадыс.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
