Pai sa dagba agu apai yo ni naafu bakere ngbarago fu arogotise nga ho i avunga wiriyo ni. Wa vura duhe nga avungu gu gude re ima kpinyemu ru, i aidanga u nye ni kina fogo ru kindi te. Nirengo, i ima rengba kadu na bakere bakabangirise ka si dunga gu wiriyo re asonanga te. Wakina gure a, wa vura duhe nga Yekova na ngbarago ho ani atona wirikapai ni tipa ko, ko aidanga ani nye kaa wirika kina pai sa te. (1 Kor. 3:1) Kuba gure, ko naida ani “dú ni sosono aboro” watadu agu aKristano niima nyaka rogo toro yo. Rogo Baibiri yo, gu pa-Giriki i asaha nga “sosono aboro” ima rengba kadu nga “kuru aboro.” (1 Kor. 2:6) Sidu, kina wai tooni gude ninaasona daho ni nika da ni nikuru boro, ani a ima rengba kaa sonakumbatayo rogo gaani pagume na Yekova. Rogo gu gene re, ani ki da ni agu aKristano niima nyaka rogo toro yo. Rengo ngaha nga, zavura tingbafuo ani nyaki rogo toro yo, si aidanga ani mbu sonakumbatayo te.—1 Tim. 4:15. w24.04 2 ¶1, 3

Ka boro sana ro ki ya, ‘Da nga Yekova foro?’ Ginipai rengbe mo ka pehe funi? Mo ima rengba ka karagapai nga, ‘Yekova nga Buba, gi Mbori, na Bakureami.’ Mo ima rengba a ka mangasunge na kura afugo ka sakapai tipa Yekova na ni. Ono ya mo mo rengbe ka berãpa ‘Yekova ni gu boro ka di ro ni gino ku kpuni?’ Bakindo Davide aringbisi pa gu pabakure du dagba Yekova na ruru airisoko kuti gu pabakure du dagba gu boro nadia agino kugume na gaani agino. Ko asanahe nga: “Ako Yekova, da ka sungu rogo ga bamburoko? Da ka anye ri ga kparakpara ziazia bagangara?” (Tam. 15:1) Rogo gi veresi re, ani nawirika gupai nga ani ima rengba kadu ni agino rogo gako bamburoko du rogoyo nga kadu—ni abakureako. Mbata fu Yekova kusi ahe, ko adu nisako. Ono tingbafuo gure, ko akusi bambata Wiriko. Yekova adu wa gu boro nadia aboro kugume nga gu boro yambu gako bambata gino kutii gako bamburoko yo na ko adu na ngbarago ka manga gipai re. Baibiri nape gupai nga “rago angba ti ko mbiko” Wiriko. Na gako bambata gino, “ki ningi na auru bara bangiri [Yekova].”—Snz. 8:30. w24.06 2 ¶1-3

Mo moingo kpia gipai re kuriro yo. Bange aboro niima susa 340,000 dunguratiyo ka maa Davide ni bakindo kurii aYisaraere dunduko. Tipa aˈuru biata, agu aboro re sungu rogo gu ringara abaagangara du mbembedi na Eburone. I nafura, na kini bi abia ngbarago nga ga sambuohe fu Yekova. (1 Peka 12:39) Paranga gu du dagba gu dungu aboro re du rimoko nga Sadoka. Dungu aboro arengbanga ka bi ko te. Ono tie, Yekova aima bi Sadoka na ko kini idi gupai nga ani ini gupai nga ko adu kina yo. (1 Peka 12:​22, 26-28) Sadoka angia boromotumo namangisunge mbembedi na gu Gbiamotumo nangia Abiatara. Mbori afu bakere tatamana a fu Sadoka na gu tandu nga ga rugatiko na gupai Ko akpinyemuhe. (2 Sam. 15:27) Ko angia gu kumba naadu na wingbaduse. Rogo gi yangara arame re, Satana namanga bakere asadatise susi gu nidu mbata tipa ka gbarasa gaani idapase kuti Yekova. (1 Pet. 5:8) Si naida ani du na wingbaduse daho Yekova nika dia Satana ni kusayo na gako gbegberẽ sino mangaapai. (Tam. 31:24) Ka ani mangihe wo, ani nika wirika ga Sadoka wingbaduse. w24.07 2 ¶1-3

Ho Yekova akusi bambata kumba ni na dee, ko aida i du na ngbarago. Ko afu bawene kporo fuyo, gu gamahe nga ga rogatise, na bawene sunge. Si aaida i hiisi kpotosende dunduko na awiriyo, na ki saha ni paradizo wakina ati Edene. Ko afu taata ndiko fuyo gbua sa. Na ki fu zahe fuyo nga, ka i sia ka basasangba gu gako ndiko re, i nika kpi akpi. Ani ima ino gupai namangi. Gbegberẽ maraika nga guko naakpingo nyemu aboro watadu Mbori ya, aˈasadi aAdamu na Eva tipa i basasangba Mbori. Adamu na Eva amangi gupai gu gbegberẽ maraika nga Satana re aaidaha. I aakidongo kuti gu Bayo nayugu bakere nyemuse fuyo te, kuba gure, i abasasangba ko. A wa ani nainihe, gupai Yekova apehe re aima manga. Mbiko gayo basasangba, aAdamu na Eva arungo rogo gayo raka yo naabaha dunduko. I atona ka gbinza na ni yangaraha i ki kpiki.—Bam. P. 1:​28, 29; 2:​8, 9, 16-18; 3:​1-6, 17-19, 24. w24.08 3 ¶3

Yekova na bangisa Wiriko naida ani du na ngbarago. Atambuahe 119:2 naya: “Aboro maku nga agu yo naka kuti gako adezirepai, ninagbata ko na kpotoyo yo dũ.” Yesu akidohe nga: ‘Aboro maku nga agu yo ti gure, nagia ga Mbori pai, ki nika kuti ni!” (Rk. 11:28) Ni ga Yekova amoyambu, ani nadu na ngbarago ho ani ageda Fugo Mbori ni dedede na kini mangi ome ka manga gupai ani awirikaha. (Yak. 1:​22-25) Gere nga gu nyanyakipa diandue nasa ngbarago ti Yekova. (Batu. 12:13) Na berewe a, ho ani amangapai kuti agu arugute du rogo Fugo Mbori yo gako toro adu kugii pa kehe, ani nambakada gaani pagume dagbarani na gaani aborokporo, na agu awirinarani aidipase du rogo dungurati. Kurigure, ani agbianga tirani na gu dungu akpakarapai gu kura aboro agbiatiyo na ni nga aguyo amanganga pai kuti ga Yekova arugute ya te. Si wa kina gupai Bakindo Davide apehe. Tingbafuo ko fura tipa rugute, ndiko, na agu asapangbanga nga ga Yekova rogo gako bia yo, ko adigisihe na agu afugo nga: “Bakere mosoro du tipa ka kuti ni.”—Tam. 19:​7-11. w24.09 2 ¶1-3

Ginihe Yekova abihe ho ko abi gako amoyambu ni ku auru kpotosende? Ko ima inopa gaani ngbarago na gberãrago. (Tam. 37:18) Ho ko abi gupai ni nga ani namanga gupai rengbe na omerani tipa ka irisoko zavura ho du ani ni na gberãrago, ko na bakere ngbarago na ani! Gu kii akio berewe gbe nga, ko na bakere nyemu ka undo rani na ka fu wasa furani. Atambuahe 147:3 nape gupai nga, Yekova ‘navoda gu aoro’ nga ga gu boro du na kpotoni yo na rungo. Gi veresi re nafura tipa wai Yekova angerafuo agu aboro du na gberãrago. Ginipai si aida ani mangihe ka ani aaida ka gbia undo ti wai Yekova angerafuo rani? Ani bingo kpiapai. Gu munganga du na bakere inohe ima rengba ka manga dungu apai tipa ka undo gu boro du na oro ti ni tipa si wi. Ono tipa gu boro du na kpakarapai ti ni re gbia undo, si naida ni pekefuo agu arugute dunduko nga ga munganga na rubangirise. Wakina gure a, si naida ani pekefuo ga Yekova arugapai apeka tipa ka hu berãrani yo. Vurube fugo Yekova yo, ko nafura fu agu aboro du na fuda nga ga berãseyo na kini fu gu rugute fuyo nga ga nyemuse. w24.10 6 1-2

Rogo agu agarã nasusi kusayo, gaani awaraga aima sakapai tipa gupai nika manga tipa agu aboro Yekova nasaringbanga yo nga i nga iraira aboro. Ani ape gupai nga tipa ngbatunga agu aboro re maabangirise ho tipa yo kumbatayo tipa zingabekpio te. Dungu apangbanga du rogo Ziazia Kekeapai yo nasakapai tipa ga Yekova sapangbanga kuti iraira aboro, wa gu du tipa gu dungu aboro boro ainongo bangeyo ya nakpi ti regbo Ime Akangbii watadu gu rikaaboro naadu saba rogo Ringara Mokido nga aguyo Yekova afu zinahe fu gako aboro i gbarasi yo watadu gu ga Asuro abanzengere naadu 185,000 maraika anyasiriipa yo rogo yuru sa. (Pa Rug. 7:​1-3; Yes. 37:​36, 37) Rogo agi apai re yo dunduko, ya mo Baibiri pe agu apai furani dunduko nga gu narengbe ka sa Yekova ko saringbanga agi aboro re kuti nyenye gbarasahe zanga maabangirise tipa zingabekpio? Oó, si apenga ha te. Ani ainongo wai Yekova asaringbanga agi aboro re te; na ani ainongo ho singia agu aboro i aimi yo re adu na mamu beyo tipa ka wirikapai tipa Yekova na ki saberã yo te. w24.05 3 ¶5-7

Yesu agumba kpiapai du tipa gu dekurugbo naasana basapungbanga kindi tipa undo mbiko boro aamanga ri ngba gbegberẽ gene. Ga Yesu abawiriki aima rengba ka rugatiyo na wai gu dee du pari rogo gu pangbanga re adu bambiko badungu aboro ti gu regbo re i anaamanga yo gbegberẽ. (Rk. 18:​1-5) Ani ima rengba a ka rugatirani na wai ri adu bambiko ani dunduko ninaagbia tirani agbia na iraira sarangbanga ti kura aregbo. Dungu aboro rogo zegino areme, nasoga kura aboro, i na weneringise te, na i na ngbaduse. Mbiko gipai re, ani ima ino gupai nga i ima rengba ka manga fu rani gbegberẽ. (Batu. 5:8) Ono ani ima rengba kadu na bakere gberãrago ho wirina namangi rani ni gbegberẽ. Nirengo, anga awirinarani wa agu aboro narungosi rani watadu nasoga rani te, i aidanga ka manga rani ngba gbegberẽ gene te. I gbua nga aboro zangarengba. Ani ima rengba ka wirikapai ni bakerehe ti wai Yesu amangipai kuti gu iraira mangaapai nangia ga gu gbegberẽ aboro naabisirapa ko. Ka singia ani ima rengba kadu na zerangbaduse fu agu asogorani namanga rani gbegberẽ, nairiwo wai tie si aida ani du na zerangbaduse fu akuarani aidipase! w24.11 2 ¶1-2

Kpakuto angia nyanyakipa riahe fu agu aboro naaraka ti gu regbo i aake Baibiri ti ni. (Bam. P. 14:18; Rk. 4:4) Si aima du na nyanyakipaha kisusi si du Baibiri ni naayamba “kpokuta” ti ni ti kura aregbo nga riahe. (Mt. 6:11 Amo. 20:7) Kpakuto a angia papara nyanyakipa gu ga Yesu iiriwo mangapai ue aboro niima inopai tipaha. (Mt. 16:​9, 10) Ani ima rengba ka gedapai tipa gu iiriwo mangaapai re sa rogo Yoane kapita 6. Yesu na gako amokedi adu na bakere mbugo tingbafuo i ndu ka tungusapai rogo kura rago na i kini idi ka ongoda. Sidu, i abiti ku rogo kurungba na Yesu na kini ndu rii Baime Gariraya. (Mk. 6:​7, 30-32; Rk. 9:10) I ada rogo zezeredi ba nangia Betesaida. Ono aboro agi gupai nga Yesu adu yo, na akutu aboro ki ye nibasa ka biko. Yesu aambunga yo te. Ko adi regbo ka yugopai fuyo tipa ga Mbori Kindo na ki husi akaza. Mbiko gupai nga regbo aandu ni kerehe, abawiriki atona ka bakabangiriyo tipa wai agu aboro dunduko re nika gbia he tipa ka rihe. Si rengbe kadu nga kina bete riahe gbua naadu be bete agu aboro re, ono si aaida dunguyo ndu ku rogo agbaria ka ngbe riahe—Mt. 14:15. w24.12 2 ¶1-2

Agu atitarani ani aenge tiyo nga aAdamu na Eva angia rengberengbe aboro na i araki rogo bawene paradizo. (Bam. P. 1:27; 2:​7-9) I adu na gu momu nga ga raka bawene raka nyeanye kindi. Ono tie, apai aˈariatihe dunduko, aAdamu na Eva amangi ingapai. I azanga gu kpuyo nangia Paradizo re na gu momu nga ga raka nyeanye kindi. Ginihe i ambuhe fu awiriyo? Baibiri nape gupai furani nga: “Gbegberẽpai akuru ku zegino mbiko boro sa [Adamu], kpio ki du mbiko gbegberẽpai; si du kpio andu andu ti ni sa aboro dũ, bambiko i aingi ainga dũ.” (Rom. 5:12) Ani adi ingapai ti Adamu si ki sa gupai nga ani naakpi. Gi ingapai ani adihe re wakina bakere bape nga gu ka boro dagbarani atumongo ho ya. (Tam. 49:8) Yesu aringbisi ingapai kuti “bape.” (Mt. 6:12; Rk. 11:4) Ho ani aingapai ni, si wa ka i ya ani nadia bape be Yekova. Yekova ima rengba ka ida ani gasi gu bape nga ga ingapai re. Ka ani atumo nga gi bape re ya, i rengbe ka diaha sa kusayo rirani kinaho ani nika kpi ni.—Rom. 6:7. w25.02 2-3 ¶2-3

Si nipa irisa furani ka pepa ga Mbori Kindo fu kura aboro! Anga aboro dunduko du na gi momu re te. Ni kpiapai, ho Yesu adu auru kpotosende, ko ambunga gene fu gbegberẽ atoro i tungusipai tipa ko te. (Rk. 4:41) Areme, tipa boro tona kaa tungusapai na aDezire Yekova, si naida ni naaraka ngba gu gene nasa ngbarago ti Yekova. Ani nayugo pa wai du ani na tambuahe tipa gu momu du ani na ni ni tungusa ani pa ga Mbori Kindo rogo ai ba na ti ai gu regbo rengbe ani ka mangaha ti ni. Ani naida kadu wa Yesu, sidu, ani namanga ome ka tungusapai fu kura aboro na kini yugu rengo fuyo. (Mt. 13:​3, 23; 1 Kor. 3:6) Ga Yekova riigbu nawirika ga Yesu kpiapai ni manga ha gupai rengbe he ka mangaha tipa ka undo kura aboro i ye ka ino rimo Mbori. Gene sa riigbu namangi gipai re ngbaha nga vurube gu Baibiri nga New World Translation of the Holy Scriptures, gi sasa fugo Baibiri re karaga rimo Mbori kurogo gu ba nga gu si adu rogoyo rogoho rogo agu afugo yo nga gu i ake Baibiri rogoho. Baibiri ima du awere nabaha watadu paparaha rogo afugo nga 270. w24.04 9 ¶8-9

Gu kura awirina nga akumba du na bakere ngbarago rogo gayo rogatise yo nasaha ni sino yo kaa mangapai rogo aˈuru dunduko ka yugo bakio wai fu adiayo i akpinyemu yo. (1 Yo. 3:18) Kumbakudee ima rengba ka yugo gupai nga ko nakpinyemu diako ni manga ko taata apai wa gu nga ka zada beri watadu ka dungo ri. Ko ima rengba ka keda kekeapai furi ka pe gupai nga, “Mi nazingo tipa ro” watadu ki sana ri nga, “Gamo uru wai?” Ko ima rengba ka ke waraga furi ka yugo bakio wai ko akpinyemu ri watadu ka ngbehe furi. Ho kumbakudee amanga agi apai re ni, ni nayugoho nga ni nairisa diani airisa na si nanyakasa gayo rogatise. Gu kumbakudee nairisa diani nasa ri ri ini ndu gupai du ri ti ni na nyanyaki pa ri na ki sa ri ri du na wene bipai tipa tiri. Gene sa ko amanga gipai re ngbaha nga ka tambua ri tipa agu apai dunduko ri amangaha tipa ka undo ko. (Koro. 3:15) Ho kumbakudee atambua diani ni kina boro ngbaduni yo, si nasa ngbarago asa tiri. Ri nika bi tiri nibandabanda ri, ni gu boro i akpinyemu ni akpi, na i airisa ni airisa. w25.01 11 ¶15; 13 ¶16

Atambuahe 15 nadigo na gu kidohe nga: “Gu ni namanga agi apai re i awó nga ti ni wa sa te.” Gu bake papara atambuahe re nasakapai ane tipa ndu gupai Yekova aida ani mangi agu apai ti ni i nafura tipaha rogo gi papara atambuahe re. Yekova naida ani du na ngbarago. Sidu, ho ani amanga gupai ni Mbori aida ani amangihe, gaani raka nadu ni bawenehe na ko nikaa banda rani. Ga Yekova agino ima rengba kadu na maabangirise tipa bawene raka kumbatayo. Ruru mbembedi aKristano nika ga ku ngbangbaturũ yo ku rogo gu “dungu banye du yo” Yesu nambakadihe tipa yo. (Yo. 14:2) Agu aboro du na gu maabangirise nga ga raka auru kpotosende nangera kumbatayo tipa gupai Yugoti 21:3 akidohe tipaha. Si ni bakerepa momu ka ino gupai nga Yekova nayamba rani ani du ni agino tii gako bamburoko yo nyeanye kindi!—Tam. 15:​1-5. w24.06 13 ¶19-20

Ginihe nga taarimo? Rogo Baibiri yo, gu fugo nga “taarimo” ima rengba kadu tipa ai gupai nasa boro ni ngba bangiri kura aboro. Fuo bete aˈuru gbua tifuo Yekova kusi gu rikaaboro nangia aYisaraere Ezipeta yo, ko ayugu gako taarimo fuyo. Oni berẽnga kurii gipai re: Amirioni aYisaraere nadungura tiyo kurii Bagangara Sinai yo tipa ka gia gupai si adu nga Mbori nika pehe fuyo. Nibasa, nduundu dubo kini kisi rii bagangara yo. Ni tunguotunguoho, ngime kidu rogo aba dunduko pati bagangara. Sende ki tona ka zigizo tihe ni kerehe, imarago na gumba kidu gbiati bakere woro mbanya. (Gate 19:​16-18; 24:17; Tam. 68:8) Ho Yekova amangi agi apai re ni, si nawiraha wa ngba aYisaraere aima zera ka bi gu bakere ome du tiko. Areme, ani nafu taarimo fu Yekova ni pe ani pa gako bakere ome na wene asino fu kura aboro na ho ani ape gupai ni nga ko du nafu ome furani tipa agu apai ani amangaha.—Yes. 26:12. w25.01 2 ¶2-3

Ti gu regbo aYisaraere aandu nunguro kurogo Ringara Mokido, agu akumba naadu na asunge beyo aidanga kuti gu ngbembatayo na gu sunge Yekova afuhe fu Moize te. I aya: “ Rimbasa aboro [angianga kina Moize ya] ni kparakpara yo ziazia dunduko, i ni ba sa sa dunduko, Yekova du dagba yo.” (Geda 16:​1-3) Wa vura duhe nga, kina rengo du nangiaha nga bangiri Mbori “rimbasa aboro” dunduko adu ziazia, Yekova asia Moize tipa ko naangbembatayo fu Gako aboro. Ho agu abasamungu re abisira Moize ni, gure adu nzunzu nga i aabisira kina boro Yekova. I aamaanga berãyo tipa gupai Yekova aida na ni te; i amoi berãyo tipa gupai i aida na ni—bakere pagbia na worimo. Mbori aimi agu aboro naangbembatayo rogo gu samungu re, gbiati gu dungu kutu aboro nangbe na yo. (Geda 16:​30-35, 41, 49) Areme, ani ima rengba kadu na gu kido nga Yekova aidanga na agu aboro du na zanga irisa tipa agu aboro nangbembatayo rogo gako riigbu te. w24.07 11 ¶11

Ani naraka ti gu regbo aboro aidanga kuti gupai nga digido gi sino raka re ima mbeda ya, na zavura i nasawia rani asawia tipa ida ani kuti gipai re. (2 Pet. 3:​3, 4) Wa vura duhe nga badungu apai kinaho ani ata inongo ho ya, si naida ani du na nyanyaki idapase nga Yekova ima diaberã tipa gu regbo digido gi sino raka re nika ye ti ni na si naida ani du na gu kido nga ko nika ngera angerafuo rani ti gu regbo re. Si naida ani nyakasi gaani idapase a kuti gupai nga Yekova namangasunge na ‘ruru kangara moyambu’ kaa ngbe furani kumbatayo areme. (Mt. 24:45) Ho bakere gberãngbi nika tona ni, ani ima rengba ka gbia arugapai nga gu nika batasa ungarani. Awere nga regbo tipa ani nyakasi gaani kido kuti agu arugapai ani agbiaha rogo ga Yekova riigbu vurube agu aboro nangbe kumbatayo. Ka ani adu nga na kido na kini mangipai kuti agu arugapai i afuhe awere ya, si nika du ni kpakarakpakaraha ka mangapai kuti agu arugapai ani ka gbiaha ti regbo bakere gberãngbi. w24.09 11 ¶11-12

Awironi adu nga na idapase kuti Mbori mbiko gupai gbua nga oni na idapase te. Sidu, wiro ima rengba ka fu asanahe wa: ‘Waigu mi aino gupai nga Mbori kina ti ni? Ya mo mi rengbe ka ida nzunzu kuti gupai Baibiri apehe?’ Baibiri nape gupai nga si ni wenepai ka mangasunge na ‘gaani mangapai’ watadu gaani ome nga ga berãkuriipai na ani ki “ásadi apai dunduko.” (Rom. 12:1; 1 Tesa. 5:21) Ono wai tie gu rengbe mo ka undo wiro tipa ni nyakasi gani idapase? Mo ngarasi wiro tipa ni bi gu gopai nayugoho nga gupai Baibiri apehe nga rengo. Ho wiro afu asanahe ni, mo mangisunge na gu momu re ka yugo wai fu ni rengbe ni ka gbia akaragapai ni manga ni sunge na aũ-wetekapai, wa gu nga Watch Tower Publications Index na Research Guide for Jehovah’s Witnesses. Ni kpiapai, mo ima rengba ka ngarasa ni tipa ni gbata gu kekeapai na avidio nga gu nayugo gu gopai nga anga Baibiri gbua nga kungbo gu buku aboro akehe te. Kuba gure, si nga “ga Mbori pai.”—1 Tesa. 2:13. w24.12 14-15 ¶4-5

Waigu rengbe abaakumba ka wirika Yesu? Si naida i raba agu awirina nga akumba, zavura aguyo du ni parangayo, tipa i mangi bakere asunge rogo dungurati. Abaakumba ima rugatiyo na gupai nga si naida agi awirina re wiriki dungu apai awirika. Si naida gupai nga i naafu rugute fu gi paranga awirina nga akumba re rogo nyemuse yo tipa gupai nga i wiriki kadu na umbasitise, kadu ni agu aboro aboro akido akido kutiyo, na i du na nyemu undo kura aboro. (1 Tim. 3:1; 1 Pet. 5:5)Yesu afu gu sunge fu gako abawiriki nga ga tungusa wene pangbanga fu aboro na kini saki rogo Ziazia Kekeapai yo fuyo. Si nawira gupai nga abawiriki aima rengba ka ka berã gupai nga i aarengbanga ka manga gu sunge Yesu asana yo i mangihe te. Ono tie, Yesu aima du na gu kido nga i aima rengba ka manga gi sunge re. Ko aima du na kido si du ko aya ti ni fuyo: “Wa kedi Buba re kina wo mi akeda roni.”—Yo. 20:21. w24.10 16 ¶15; 17 ¶17

Davide angia bakindo fu ga Yekova aboro na ko adu ni ruruko fu Mbori. Ko adu a ni batabia, bakeapai, bakere basovura, na ni nebi. Ko aima gbiatiko na dungu aasada. Tipa dungu agarã, si aaida ko gbu mbiko Bakindo Saura aˈasada ka imo ko.Tingbafuo Davide da ni bakindo, si aidi ko gbu berewe mbiko wiriko nangia Abisaroma aaida ka da ni bakindo na ki asadi ka imo ko. Wa si avura du vurũ nga Davide agbiatiko na agi akpakarapai re na zavura ki mangi kere aingahe, ko anye ni ruruko fu Mbori daho ko akpi ni. Yekova nasakapai tipa ko nga ko angia gu kumba “du kpotoko yo wa gu [Ko] akpi nyemu he.” Ni rengo, si naida aida ani degeturani kuti ga Davide arugute nga ga tatamana!1 Aba. 15:5. Oni bingo gu rugute Davide afuhe fu wiriko nangia Soromo nga gu ko si adu nga ko nika da ni bakindo nga ga aYisaraere ko fuo Davide. Yekova asia Soromo tipa ko me yekaru nga gu ba aboro arengbe ka iriso Yekova rogoho. (1 Peka 22:5) Si aakoda bakere sunge na ko aaida na ga Yekova undo tipa ka ngbe kumbatayo fu gu rikaaboro nangia aYisaraere. Ginipai Davide arengbe ka pehe fuko?Davide ape gupai fu wiriko nga ka ko gi sangba Yekova, ko nika u rogo gako raka yo. —1 Aba 2:​2, 3. w24.11 10 ¶9-11.

Si naida gu kumbakudee naimisa diani rogo mangapai watadu rogo fugoyo mangi dungu apai tipa ka mbakada gu pagume ni nagberesi paha na Yekova gbiati diani re. Bambatapai nga, si naida ni rugutini na gupai nga ni na kere kpakarapai. Pai ho du ni oko okoho ti bangiri Yekova te. (Tam. 44:21; Batu. 12:14; Eb. 4:13) Ue pai nga, si naida ni mbu manga diani ngba gbegberẽ gene na ki mangi aˈariapai ti asino ni. (Snz. 28:13) Biata pai nga, si naida ni hõmbupai be diani na be Yekova ki gbata gayo mbupai. (Amo. 3:19) Si naida ni zungodi Yekova ko undo ni tipa nidu na nyemu ka manga ariapai na ni du na rengba ka berã, ka fura, na ka mangapai ngba gu gene Yekova aida ni mangipai ngbaha. (Tam. 51:​10-12; 2 Kor. 10:5; Frp. 2:13; Tam. 97:10) Biama pai nga, ni namangapai na ngbanya kuti gani akparakpee ni wirika ni ka soga ngbatunga azuũ dunduko gbiati gbegberẽ afugo. (Tam. 97:10) Bisue pai nga, ni nagbata undo nibasa be agu ababanda akandoro du na nyemuse rogo dungurati. (Yak. 5:​14-16) Sita pai nga, ni namanga mbakadapai nga gu nika undo ni ni ne ngbatunga gu mangaapai re dunduko kumbatayo. w25.01 11 ¶14

Ya mo nakpinyemu Yekova, nga gu boro niima fu wene agamahe foro, kodihe na unga nitihe? Ya mo mo naida ka yugo gamo nyemuse fuko? Gu bawene gene rengbe mo ka mangaha ngbaha nga, ni kpara mo tiro fuko na ki yugu gamo kparatise ni zio mo bapatiza rogo ime. Ho mo amangaha ni wo, mo nada ni papara ga Yekova aborokporo. Ni sangbanaha, Bamo na ni Bakureamo nika ngbe foro kumbatayo bambiko wa mo nika du ni gako boro. (Tam. 73:24; Yes. 43:​1, 2) Berewe a, ho mo akpara gamo raka ni fu Mbori na ki zi bapatiza, mo nadu na gu maabangirise nga ga raka nyeanye kindi na ngbarago. (1 Pet. 3:21) Ya mo pai ho naká na mo ti zio bapatiza? Kangia wo duhe, mo nisaro te. Mbata foro, dungu amirioni aboro kinaho si aaida i mangi aˈariapai ti gayo mangapai na gayo aberã tipa ka rẽ tipa bapatiza. I nairiso Yekova awere na ngbarago zaaza. w25.03 2 ¶1-2

Rogo Baibiri yo, i naaringbisa aingapai dedede kuti rõrõi tindiro. Bakindo Davide apepa gako aingapai ngba gi gene re: “Gimi irairapai fu ri re; wa rõrõi tindiro si rõi susi omere.” (Tam. 38:4) Ono Yekova navu kina agu aingapai nga ga agu aboro sa gayo berã. (Tam. 25:18; 32:5) Gu pa-Ebere i asaha nga ‘vu boro,’ rogo yo nga “ka tumba” watadu “ka dia he kusayo.” Sidu, ho Yekova ambupai ni ti gaani aingapai, ko nadia gu rõrõi tindiro re kusayo. Si nadu wa ka i ya rõrõihe du pago rani na i kini tumbaha kusayo. Baibiri mangisunge na gu kura kpiapai tipa ka yugo gupai nga Yekova nadia gaani aingapai ki baha tuturũ kusayo tirani. Atambuahe 103:12 nape gupai furani nga: ‘Wa turũ ku uroyo na dioyo, wo ko naturũsa gaani tiandika ti rani a.’ Uroyo ima turo ni kerehe ti ku dioyo. Agi aba du ue re, ka si gbianga tihe te. Gipai re nayugo gupai nga, Yekova nadia gaani aingapai ki baha tuturũ gbe kusayo tirani. Gipai re nafu gu kido furani nga Yekova nambupai furani ti gaani aingapai dunduko! w25.02 9 ¶5-6

Petero aima wirikapai ti ga Yesu umbasitise. Tifuo Yesu ga ku ngbangbaturũ yo, gu mokedi Petero amangi iiriwopai ni husa ko gu kumba i avunguko ni gbarĩgbarĩ ko. (Amo. 1:​8, 9; 3:​2, 6-8) Bakere rimbasa aboro abi gi iiriwopai re na ki dungura tiyo kupati Petero. (Amo. 3:11) Ono Petero aaidanga ka gbeberã aboro kuti tiko te, wa vura duhe nga i asonosi ko rogo gu dagbarago aboro anaabi pa agu aboro nadu na worimo na nyanyakipa yo. Kuba gure, ko adu na umbasitise na ki pe gupai fuyo nga i tambua Yekova na Yesu ho ko ape gupai ni nga: “Mbiko ida pa rimo Yesu, gi kumba anyaki ti ni re, gu ko bi oni ko re ki ini ko.” (Amo. 3:​12-16) 5:5) Ani ima rengba ka wirika Petero na ki nye kaa wirika du na umbasitise kindi. Ani namanga weneapai fu kura aboro mbiko ani ima kpinyemu Yekova na ani ima kpinyemu aboro, angianga mbiko ani naida kura aboro ni tambua rani ya. Ani nayugo gupai nirengo nga ani na umbasitise, ka si du nga ani namangasunge fu Yekova na ngbarago gbiati awirinarani ka si vura du vurũ nga kura aboro abingo gupai ani amangaha te.—Mt. 6:​1-4. w25.03 10-11 ¶11-12

Ani ima rengba ka kiiso gaani nyemu tungusapai ni gbe ani berãrani kuti gaani nyemuse tipa Yekova na tipa gaani amurakporo. (Mt. 22:​37-39) Oni bingo gu ngbarago du Yekova na ni ho ko abi rani ni ani nimangi gi sunge re na wai du aboro na ngbarago ho i atona wirika Baibiri ni! Mo tingidi gupai a nga, agu aboro na degatuyo kuti gaani pangbanga na ki diberã ka iriso Yekova, ima rengba ka raka nyeanye kindi. (Yo. 6:40) Ya mo ndupai ho nadingiso ro ti guari mo kporo ka mera? Kangia wo duhe, mo gbeberã ro kuti wai rengbe mo ka yugo gamo nyemuse tipa Yekova na gamo amurakporo. Ti regbo gu ririkaza nga Korona, Samuel na Dania aadunga na rengba ka guari kporo te. Ti gu kpakarakpakara aregbo re dunduko, i anaatungusapai dedede rogo terefuni, kini keke awaraga, na kini wirikipai na abawiriki Baibiri kina rogo Zoom. Wa si avura dunga aSamuel na Dania aarengbanga ka manga gupai i anaamangaha mbata te, i amangi gupai narengbe na ome yo na i ki gbia ngbarago ni sangbanaha. w24.04 18 ¶15-16

Wa vura duhe nga si aidanga boro mangi kina rogatise mbata ni nika du na ngbarago  te, dungu agu aKristano ata manganga rogatise ya singia paranga yo watadu sosono yo, nangera angera kumbatayo tipa kadu na badiarogatise. Ono tie, mbata fu boro tona mbakadapa rogatise, si naida ni du na nyanyaki pagume dagba ni na Yekova, ni ini tini wenengai, na ni kidu na rengba ka mangapai kuti agu atindiro nga ga marã nga gu naye mbiko manga rogatise. (1 Kor. 7:36) Si a ni wenepai tipa mo ini gini ngbatunga asino mo aidaha rogo gu boro yo mo aida ni du ni gamo badiarogatise mbata fu mo tona mbakadapa rogatise. Ka si adunga wo ya, mo ima rengba ka zanga bi gu boro rengbe kadu ni wene badiarogatise watadu mo ima rengba ka tona mbakadapa rogatise na gu boro angianga wene badiarogatise foro ya. Rengo ngaha nga, si naida ai gu boro mo aida ka manga rogatise na ni ngia gu Kristano niima zio bapatiza. (1 Kor. 7:39) Ono anga ai gu boro niima zio bapatiza nika ngia wene badiarogatise foro te. Sidu, mo ima rengba ka sana tiro nga: ‘Gimi asasa nga gine rogo raka yo? Gini asino mi abihe na nyanyakipaha rogo badiarogatise yo? Ya mo agu apai mi amaabangire tipaha ruaru?’ w24.05 20 ¶1; 21 ¶3

Wa oni ka mbakadapa rogotise, waigu rengbe oni ka mangapai kuti akpakarapai na zangagiatise nakura dagbaroni dedede? Ya mo gere nayugo gupai nga oni arẽnga dagbaroni te? Anga wo duhe nzunzu te; arogotise dunduko ni naaidanga kuti bangisapai sa te. Gu rogatise du ni nyanyakihe nakoda aboro ue nga aguyo rengbe ka mangapai wa sa tipa ka diabe gayo azanga giatise. Sidu, wai oni amangapai kuti akpakarapai awere ima rengba ka yugoho singia gaoni rogatise adu na diabese. Wangia oni agu aboro nambakada pa rogatise, oni sananga tironi nga: ‘Ya mo ani rengbe ka fura tipa kpakarapai zezeredi na rogo irisa yo? Ya mo ani ninaaida gaani aingahe na kini asadi ka manga ariapai? Ya mo si taata furani ani idi na ga gu kura boro bipai, ki hõmbupai, na ki mbupai?’ (Ef. 4:31) Kurigure, ka si dunga oni nadu na zangagiatise dedede watadu kaa papaya dedede ti regbo mbakadapa rogatise, si nawiraha wa agu apai du tipa roni angbanga tifuo rogatise te. Ka mo bihe nga gu kura boro re arengbanga kadu ni wene badiarogatise foro te, digiso gu mbakadapa rogatise re ima rengba kadu ni bawene diaberã furoni dunduko ue. w24.05 29 ¶12

Mo naamanga gupai ti aregbo dũ Yekova aya si du ni ruruhe. Ani rengbe kadu na wene maapai kurii kura aboro ka ani ru nyanyaki tipa gupai du ni ruruhe na ka ani mangi adiaberã ringbisihe kuti agu arugute nga ga Baibiri. Ho ani ageda Fugo Mbori ni na kini nyakasi gaani idapase kuti Yekova, ani nadu ni rururani fuko gbiati gako arugute. Ani nika ino ziree ayugopai, gbiati agu aberãpai nga gu adunga kuti ga Yekova berãpai ya na kura aboro adunga na maapai kurirani te. (Ef. 4:14; Yak. 1:​6-8) Ani nadu na rengba a ka undo agu aboro rengbe kaa gbiatiyo na aˈasada. (1 Tesa. 3:​2, 3) Si naida abaakumba zogo tiyo ni zera, kidu ni bayee yo, kini inipai fu aboro, na kidu na weneringise. Agi akumba re naundo kura aboro i du zezeredi na kidu na nyanyaki idapase kuti Yekova ‘nika kuti rengo pai.’ (Tito 1:9; 1 Tim. 3:​1-3) Gu kpiapai abaakumba amaaha na kini ngarasi awirina, si naundo abatungusipai i naaye tipa adunguratise dedede, sunge tungusapai, na kini mangi wisigopai nisase. Ho awirinarani agbiatiyo ni na akpakarapai nga gu nasa yo i du na bakabangirise, abaakumba natingida yo na gupai nga si naida i moiberã yo kuti gako akidohe. w24.06 31 ¶16-18

Ho Yesu adu ni auru kpotosende, ko ayugupai fu aboro tipa wai du Bako na bakere nyemu ka mbupai furani ho ani amanga ingapai ni. Oni bingo gu pangbanga du tipa bagude na wiriko. Gu paranga re adiberã ka guari kporo ki ndu ku rogo kura ba na kini mangi kere gbegberẽ apai. Ono tifuo bete regbo, “ko amakia pa tiko” na ki karagatiko ku kporo yo. Ginipai bako amangihe? Yesu ape gupai nga, ho gu gude re adu ni “tuturũ, bako ki bi ko, . . . , ko ki oro, ki ti ku goko yo, ki dungo ko gbe.” Gu paranga re aabingo ho nga bako nika mbupai fuko te. Sidu, ko asanahe singia ko rengbe ka mangasunge ni moyambu fu bako. Ono bako aima du na bakere nyemu ka mbupai fuko. Ko aya tipa ko “gi wire re” na ko ki di ko. Ba gu paranga re aya: “Ko adu ni ngbuongbuo ko, mi ki bi ko berewe.” (Rk. 15:​11-32) Ho Yesu araki ni ngbangbaturũ yo, ko aima bi wai bara dunguhe Bako adu na nunga na ki ipi tipa ka mbupai fu agu aboro nasa gayo berã. Gi pangbanga nga gu Yesu apehe furani re nipa wasa nzunzu na si kini yugu wai du gu Barani nga Yekova na inapai! w24.08 11 ¶11-12

Ginipai pa ‘ruga gaani aberã’ akodaha? (1 Pet. 4:7) Ka ani rúgu gaani aberã watadu kadu na ruru berã, ani nika berã tipa wai Yekova abi apai ho ani amanga adiaberã ni. Ngbatunga gu Kristano re ima ino gupai nga, pai ho rogo raka yo nyakipaha kisusi gani pagume na Yekova te. Ni na ruru bipai tipa tini, na ki ini gupai nga akaragapai ho beni dunduko kuti apai te. Ka ani du na ruru bipai, ani nika kido kuti Yekova ni kpara ani fuko dedede tipa rugapai. Ani naino gupai nga si naida ani nye kindi kaa kpara fu Yekova tipa undo. Sidu tie, ho ani aida ka manga nyanyakipa diaberã ni, ani nakpara fu Yekova tipa rugapai, kidu na gu kido nga ko ini gupai ngba gbe tipa rani. Ani na bakere tambuahe nga Yekova aima kusa rani ngba gu gene rengbe ani arengba ngbaha ka wirika asinoko. (Bam. P. 1:26) Rengo ngaha nga, ani arengbanga ka wirika Yekova ngba rengberengbe gene te.—Yes. 55:9. w25.03 11 ¶13; 13 ¶17-18

Ka ani berẽnga gupai nga kura aboro nga azanga tambuahe ya. Ka si du nga kura aboro afunga tambuahe furani tipa gupai ani namangihe te, ani ima rengba ka sana tirani nga: ‘Ya mo i nzunzu nga agu aboro afunga tambuahe ya watadu bangiriyo go ago tipa ka fu tambuahe?’ Isoke, si ima rengba kadu nga kura nduapai kinaho i afunga tambuahe ti ni furani wa gu ani aaberãha ya. Gu kura aboro ima rengba kadu na bakere tambuahe ono si kidu ni kpakarakparaha fuyo tipa wai ka pehe. Zee ima rengba kaa zio yo tipa ka gbia undo ka si du gbe nga i du nanaaundo kura aboro mbata kusayo. Ono ka ani kpinyemu awirinarani nzunzu, ani aberãnga gbegberẽ pai tipa yo te na ani nikaa ndu kumbatayo kindi kaa fuhe na ngbarago. (Ef. 4:2) Mo du na zerangbaduse. Nibipa du ni aboro gamahe, gu tatamanatatamana bakindo nangia Soromo aya: “Mo fú bero afu fu aboro, bambiko si ayéga ayega berewe.” (Batu. 11:1) Agi afugo re nayugo gupai furani nga, ti kura aregbo, aboro ima rengba ka yugo gayo tambuahe furani tingbafuo gbanga regbo. w24.09 30 ¶18-19

Ti kura aregbo, i namanga tingidapai fu dungurati nga i ima fu zahe fu boro rogo dungurati. Rogo ngbatunga abangiriba wa gure, ani ima rengba kaa ndu kumbatayo kindi kaa koda tirani na ni mbiko ni ima manga ariapai ti gani iraira berãpai na mangapai. Ni kindi nga papara dungurati na si naida aida awirinani ngarasi ni tipa ni naandu kindi kumbatayo kaa manga gupai du ni ruruhe. (Eb. 10:​24, 25) Ono tie, gupai du tipa gu boro i nakusi ni kusayo rogo dungurati kia. Ani nambu ‘kóda tirani’ na gu boro re, “tipa ri riahe a te.” (1 Kor. 5:11) Ya mo gu rugapai re nayugo gupai nga ani arengbanga ka fura na ni kandara tooni te? Anga wo duhe te. Nirengo ani akodanga tirani na ni te. Ono tie, Kristano ima rengba ka mangasunge na gu sangbakpoto ni yo ni narabaha kuti Ziazia Kekeapai ka manga diaberã singia ka yamba gu boro i nakusi ni kusayo rogo dungurati tipa adunguratise—isoke si rengbe kadu nga gumeni watadu mbembedi bakureani naadu mbata fu i kusi ni. w24.08 30 ¶13-14