Ester 10:1-3
-
Bíʼnicabe Mardoqueo ti binni risaca (1-3)
10 Bicaa rey Asuero guni binni dxiiñaʼ nadipaʼ guidubi naca ra runi mandar, cásica ndaaniʼ continente que zaqueca lu ca isla ni nuu lu nisadóʼ.
2 Ne lu libru ra riete ni bizaaca ca rey stiʼ Media ne Persia, gucuá ca cosa naroʼbaʼ bíʼnibe né poder ni gúpabe, ne laaca zeeda guiráʼ xixé cosa ni biʼniʼ rey riʼ para gusisaca Mardoqueo.
3 Purtiʼ despué de rey Asuero, beeda gaca Mardoqueo, judíu que, hombre ni jma risaca ni nuu lu reinu que. Lade ca judíu que la? laabe nga ni jma risaca ne guizáʼ biʼniʼ respetar ca binni xquídxibe laabe. Bíʼnibe dxiiñaʼ para guibani ca binni xquídxibe galán ne biyúbibe gapa guiráʼ ca familia sticaʼ guendariuudxí.
