¿Tu zanda che’?

Guirá’ binni zanda che’. Zanda chinelu’ familia stilu’ ne ca xhamígulu’.

¿Pabiá’ rindaa ni?

Bia’ ti hora.

¿Paraa chigaca ni?

Gunabadiidxa’ ti testigu sti’ Jehová ni nabeza gaxha de ra nuulu’ paraa chigaca ni.

¿Ñee riaxa para chú’cabe la?

Co’.

¿Ñee rinábacabe guna la?

Co’. Qué rinábacabe guna lu ca reunión ni runi ca testigu sti’ Jehová (Mateo 10:8).

¿Xi lari naquiiñe’ gacua’?

Cadi naquiiñe’ pe’ gáculu’ ti lari especial, peru ca testigu sti’ Jehová rúnica’ stipa gácuca’ lari jneza casi ná Biblia para gusihuínnica’ rusisácaca’ dxi ri’.

¿Ximodo rietenalá’dxitu guendaguti sti’ Jesús?

Ora ruzulú ni la? riuunda’ ti canción ne runi ti testigu sti’ Jehová ti oración. Despué ridi’di’ ti discursu ni rusietenala’dxi’ laanu pabiá’ risaca guendaguti sti’ Jesús ne pabiá’ risaca ni bi’ni’ Dios ne Cristu pur laanu. Ne para guiluxe ni, riuunda’ sti canción ne rúnicabe sti oración.

Para gánnalu’ jma biinda’ artículo ni lá’ «¿Xiñee gadxé modo runi ca testigu sti’ Jehová Guendaroxhí sti’ señor que xcaadxi religión?».

¿Padxí chigaca ni lu ca iza ni zeeda ca ya’?

2027: lunes 22 de marzo.

2028: domingo 9 de abril.

2029: jueves 29 de marzo.