Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA MATI 2013

 TUMU PARAU MATAMUA: EAHA TE HAAPII MAI I TE HI‘ORAA O MOSE?

O vai Mose?

O vai Mose?

Ia faaroo oe i te i‘oa Mose, eaha ta oe e mana‘o?

  • te aiû i tapunihia i roto i te hoê ete i te anavai i Aiphiti?

  • te tamaiti i paari i Aiphiti e i ravehia e te tamahine a Pharao—o tei ore râ i haamoe e e Iseraela oia?

  • te taata i ora na i Midiana e 40 matahiti ei tiai mamoe?

  • te taata i paraparau e Iehova * i te pu aihere ama ra?

  • te taata i farerei i te arii o Aiphiti e o tei ani atu ma te itoito ia vaiiho ia haere ê te mau Iseraela?

  • te taata arataihia e te Atua no te faaite i na ati ahuru i nia ia Aiphiti a aa ’i te arii i te Atua mau?

  • te taata i aratai i te mau Iseraela i rapae ia Aiphiti?

  • te taata i faaohipahia no te vahi i te miti Uteute?

  • te taata i horoa i na Ture Ahuru a te Atua ia Iseraela?

TERA iho â te parauhia no Mose e te vai ra ’tu â. Mea faatura-rahi-hia teie taata taiva ore e te mau Kerisetiano, ati Iuda e Mahometa!

Ei peropheta, i faaite na iho â Mose i te “mǎta‘u rahi.” (Deuteronomi 34:10-12) I farii atoa na oia ia faaohipa te Atua ia ’na ma te faahiahia. E taata noa râ Mose. Mai te peropheta Elia, tei itehia i pihai iho ia ’na i roto i te orama a tavini ai Iesu i te fenua nei, e taata o Mose “mai ia tatou atoa te huru.” (Iakobo 5:17; Mataio 17:1-9) I fifi atoa na o ’na mai ia tatou, ua faaruru râ oia i te reira.

E hinaaro anei oe e ite ua nafea oia? E hi‘opoa ana‘e e toru huru maitatai ta Mose i faaite e i ta tatou e haapii mai i to ’na hi‘oraa.

^ par. 7 I roto i te Bibilia, o Iehova te i‘oa o te Atua.