Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Mati 2013

Te pahono ra te Bibilia

Te pahono ra te Bibilia

Na vai i poiete i te Diabolo?

Na te Atua anei? E ere. Ta ’na râ i poiete, o te melahi ïa i riro i muri a‘e ei Diabolo, parau-atoa-hia Satani. Ua parau Iesu e i na mua ’‘e i haapao na te Diabolo i te parau mau e aita atoa ana e hara. I te haamataraa e tamaiti melahi taiva ore ïa na te Atua te Diabolo.—A taio i te Ioane 8:44.

E nafea e nehenehe ai i te hoê melahi e riro ei Diabolo?

Ua patoi te melahi tei riro ei Diabolo i te Atua e ua turai i na taata matamua ia na reira atoa. Na ’na ïa i faariro ia ’na iho ei Satani, o te “Patoi” te auraa.—A taio i te Genese 3:1-5; Apokalupo 12:9.

Mai te toea o te mau mea maramarama ta te Atua i poiete, e tiamâraa to te melahi i riro ei Diabolo e maiti i te rave i te mea maitai aore ra i te mea ino. Ua hinaaro râ oia ia haamorihia o ’na. Ua puai a‘e to ’na hinaaro i te hanahana i to ’na hinaaro e faaoaoa i te Atua.—A taio i te Mataio 4:8, 9; Iakobo 1:13, 14.

E nafea te Diabolo e haavare noa ’i i te taata? E mea tia anei ia mǎta‘u ia ’na? E nehenehe oe e ite i ta te Bibilia pahonoraa i teie mau uiraa.