Eaha to roto?

Mau faaho'iraa ê

Ite no Iehova

Tahiti

E Kerisetiano anei te mau Ite no Iehova?

E Kerisetiano anei te mau Ite no Iehova?

E. Teie te tahi mau tumu:

  • E pee maite matou i te mau haapiiraa a Iesu Mesia e i to ’na haerea.—Petero 1, 2:21.

  • Te tiaturi nei matou e o Iesu te faaora e “aita ’tu hoi e i‘oa i faaitehia mai i te taata i raro a‘e i teie nei ra‘i, e ora ’i tatou nei.”—Ohipa 4:12.

  • E bapetizohia te taata te riro mai ei Ite no Iehova i te i‘oa o te Mesia.—Mataio 28:18, 19.

  • E pure matou i te Atua ma te i‘oa o Iesu.—Ioane 15:16.

  • Te tiaturi nei matou e o Iesu te Upoo, aore ra tei faatoroahia ia mana, i nia i te taata atoa.—Korinetia 1, 11:3.

Mea taa ê mau râ matou i te tahi atu mau pǔpǔ faaroo parauhia Kerisetiano. Ei hi‘oraa, te tiaturi nei matou e te haapii ra te Bibilia e o Iesu te Tamaiti a te Atua, eiaha râ i te Toru tahi. (Mataio 16:16; Mareko 12:29) Aita matou e tiaturi nei e e ora noa te hoê tuhaa o te taata i te pohe, aita roa atoa te mau Papai e parau ra e e haamauiui te Atua i te taata i roto i te po auahi e a muri noa ’tu, aore ra e tiaraa teitei to te mau aratai i te mau ohipa faaroo.—Koheleta 9:5, 10; Mataio 23:8-10.