Go bala le go ithuta Baebele ke karolo ya konokono ya JW Library.

Latela ditaelo tseno fa o tsenya Dibaebele le fa o di rulaganya:

•  Go Tsenya Baebele mo Sedirisiweng sa Gago

•  Go Ntsha Baebele mo Sedirisiweng sa Gago

•  Fa go Na le Sengwe se se Fetotsweng mo Baebeleng

O kgona go tsenya Dibaebele tse di farologaneng mo sedirisiweng sa gago gore o di bale fa o se mo Internet.

• Tobetsa Bible gore o bone maina a dibuka tsa Baebele.

• Tobetsa letshwao leno go bona Dibaebele tsa dipuo tse di farologaneng. Dibaebele tse di o di dirisang gangwe le gape di tla tlhagelela kwa godimo mo lenaaneng leno. O ka thaepa puo kgotsa thanolo e e rileng ya Baebele fa o e batla. Ka sekai, thaepa “int” fa o batla Baebele ya Kingdom Interlinear ka Seesemane, kgotsa “port” fa o batla Baebele ya Sepotokisi.

• Fa o bona leru fa thoko ga Baebele, seo se raya gore ga o ise o e tsenye mo sedirisiweng sa gago. Tobetsa leru leo fa o batla go e tsenya. Leru leo le tla nyelela fa o sena go tsenya Baebele eo mo sedirisiweng sa gago. Tobetsa Baebele eo gape fa o batla go e bala.

Fa o sa bone Baebele e o e batlang, leka gape mo nakong e e tlang. Dibaebele tse dingwe di tla tsenngwa fa nako e ntse e ya.

O kgona go ntsha Baebele fa o sa tlhole o e tlhoka kgotsa o batla go tsenya sengwe se sele mo sedirisiweng sa gago.

Tobetsa Baebele, go tswa foo tobetsa letshwao la dipuo fa o batla go bona Dibaebele tse di farologaneng. Fa o batla go ntsha Baebele mo sedirisiweng sa gago, e tobetse o bo o isa monwana ka fa molemeng mme go tla tlhaga mafoko a a reng Delete.

Ka dinako tse dingwe go ka nna le sengwe se se fetolwang mo Baebeleng.