JW LIBRARY
Go Itseela Dibaebele—Android
Go bala le go ithuta Baebele ke selo sa konokono mo JW Library.
Latela ditaelo tseno gore o itseele Dibaebele le go di rulaganya:
Itseele Baebele
O ka itseela dithanolo tsa Baebele gore o di bale le go di ithuta le fa o sa tsena mo Internet.
Bula lenaane la diteng o bo o tobetsa Bible go bona dibukana tsa Baebele.
Tobetsa konopo ya dipuo go bona lenaane la Dibaebele tsotlhe tse di leng teng. O tla bona dithanolo tsa dipuo tse o di dirisang thata di le kwa godimo mo lenaaneng leno. Gape o kgona go senka mo lenaaneng leno ka go kwala leina la puo kgotsa la Baebele. Ka sekai, kwala “int” fa o batla Kingdom Interlinear ya Seesemane kgotsa “port” fa o batla Dibaebele tsotlhe tsa Sepotokisi.
O tla bona leru fa thoko ga Dibaebele tse o iseng o di itseele. Tobetsa Baebele fa o batla go e itseela. Fa o sena go itseela Baebele, lerunyana leo le a nyelela. Tobetsa Baebele eo gape fa o batla go e bala.
Fa o sa bone thanolo ya Baebele e o e batlang, tsweetswee leka gape mo nakong e e tlang. Dithanolo tse dingwe di tla tsenngwa fa nako e ntse e ya.
Sutlha Baebele
O ka kgona go ntsha thanolo ya Baebele e o sa tlholeng o e tlhoka kgotsa fa e le gore sedirisiwa sa gago se tletse.
Bula lenaane la diteng o bo o tobetsa Bible, o bo o tobetsa konopo ya dipuo go bula lenaane la Dibaebele. Tobetsa konopo e e fa thoko ga Baebele e o batlang go e ntsha, o bo o tobetsa Delete.
Tlhabolola Baebele
Go ka direga gore nako le nako Baebele e o e itseetseng e tlhabololwe.
O tla bona gore Baebele e tlhabolotswe fa e na le setshwantsho sa sediko. Fa o e tobetsa, o tla bona molaetsa wa gore e tlhoka go tlhabololwa. Tobetsa Download go e tlhabolola, kgotsa tobetsa Later go tswelela o dirisa e o setseng o na le yone e e sa tlhabololwang.
Dintlha tseno di tsentswe ka February 2015 fa go ne go gololwa JW Library 1.4, e e dirang mo didirisiweng tsa Android 2.3 kgotsa e e tlileng morago ga yone. Fa o sa bone dintlha tseno, tsweetswee latela ditaelo tse di tlhagelelang mo setlhogong se se reng “Simolola go Dirisa JW Library—Android,” mo setlhogwaneng se se reng Bona Tsa Bosheng.
