Malaki 4:1-6
4 “Nenge! Iyange ngi van, ngi yeghen er usu u ken atse nahan.+ Shighe la, mbagengeseyol man mbaeren aferakaa cii vea hingir er ayia nahan.” Yehova u akum a sha kaa ér, “Iyange i i lu van la, ia tim ve kpee je, shi mise shin gbaa ve kpa una shi ga.
2 Kpa ne mba ne ne iti yam icivir* yô, iyange i perapera ia ta sha a ven, shi iwanger* i iyange shon, ia bee ne angev; shi ne tsue sha iember er ônov mba ibuav mba kehen nahan.”
3 Yehova u akum a sha kaa ér: “Shi ne ndyar mbaaferev angahar sha ci u vea lu er ihyundu i shin akevangahar a en nahan, sha iyange i me er kwagh ne la.”
4 “Umbur nen Tindi u ortom wam Mose, ka atindi man ajiraôron a m na hen Horebi sha ci u Iserael cii a dondon je la.+
5 “Nenge! M ngu tindin profeti Eliya+ hen a ven, cii ve iyange i vesen man i cieryol i Yehova la ia va ye.+
6 Shi una er ishima i uter ia hingir er ishima i ônov nahan,+ man ishima i ônov di una er ia hingir er ishima i uter nahan, sha er me va ta num sha tar, me tim u kera vindi vindi ga yô.”
