Malaki 1:1-14
1 Kwaghyôôn:
Ka kwagh u Yehova kaa a Malaki* ér a za ôr Mbaiserael je ne, ér:
2 Yehova kaa ér: “Ne ior mban, m tese ne mer ne doom ishima.”+
Kpa ne pine ner, “U tese se wer se doo u ishima nena?”
Yehova kaa ér, “Isou yange lu anmgbian u Yakob gaa?+ Kpa Yakob doom ishima,
3 m gema m kôr Isou ihyom;+ nahan m er iwo na hingir ice+ shi m gema dyako na, m na aniwaav mba ken taaikyôngo.”+
4 “Er Edom a kaa ér, ‘I hembe se avur avur, kpa se hide se za maa alôgh la her nahan kpa,’ ka kwagh u Yehova u akum a sha a kaa ne, ‘Vea maa, kpa me hembe me haa inya, shi a yila ve ér “haregh u iferkwagh,” man ér, “ior mba Yehova a ne ve ibo gbem sha won yô.”+
5 Ashe a en aa nenge a mi, nahan ne kaa ner: “I wuese Yehova hen haregh u Iserael.”’”
6 “‘Wan ka a na ter na icivir,+ shi ortom ka a na orvesen na icivir. Nahan aluer m ngu ter+ yô, ne mba nan mo icivir i i gbe u a nam la kpa?+ Man aluer m ngu orvesen* yô, ne mba cian mo er i gbe u a ciam nahan kpa?’* Ka kwagh u Yehova u akum a sha a kaa a ne upristi mba ne lu lahan iti yam la.+
“‘Kpa ne pine ner: “Se laha iti you nena?”’
7 “‘Ka sha u zan a kwaghyan* u hôngorough sha atse a am a nan nagh.’
“‘Shi ne pine ner: “Se hôngor we nena?”’
“‘Sha ci u ne mba kaan ner: “Tebul u Yehova+ ka ibumekwagh.”
8 Shi ka nea za a zendenya u pirin ashe u za nan mo nagh yô, ne kaa ner: “Ka kwaghbo ga.” Shi ka nea za a zendenya u gban iwan shin u gban angev kpa, ne kaa ner: “Ka kwaghbo ga.”’”+
Yehova u akum a sha kaa ér: “Za ase nen a uzendenya mban hen gomna wen. A doo un a ven shin una ngohol ne saan saan kpa?”
9 Yehova u akum a sha kaa ér: “Kpa hegen yô, zamber nen a Aôndo, sha er una tese se erdoo yô. Imba iniav mbi ne ze a mi ne nahan, una ngohol ne saan saan kpa?”
10 “Shi ka an wen nan kegh iyol u wuhen ihinda*+ laa? Gadia u tsaren usu sha atse a am a nan nagh sha mi tseegh kpa, ka i na ne injar.”+ Yehova u akum a sha kaa ér, “Kwagh wen kera gbam ishima ga, shi nagh môm ku ne ne+ kpa, saan mo iyol a mi ga.”
11 Yehova u akum a sha kaa ér: “Gadia iti yam ia hemba ken akuraior,+ hii ape iyange i dugh la zan zan yem ape i miren* la. Hanma ijiir cii a nande iniav mbia due mnyim, shi a na akaa sha ci u iti yam, a lu iyua i wang; sha ci u iti yam ia hemba ken akuraior.”+
12 “Kpa ne mba lahan i*+ sha u kaan ner, ‘Tebul u Yehova hôngor, shi ityamegh ki kon man kwaghyan u a lu sha mi la kpa, ka ibumekwagh.’+
13 Ka kwagh u Yehova u akum a sha a kaa ne, ka ne kaa ner, ‘Nenge! M vôr a tebul la!’ shi ka ne ta ahenga her sha ilyahan.” Yehova kaa ér, “Ka ne va a uzendenya mba ne ii, shi ve gbe iwan, shi ve gbe angev la. Een, ka ne va a ambaakaa la nahan ner ka iyua! M ngohol akaa la nahan hen a venee?”+
14 “Ifyan ia kôr or u wan atseregh u nan lu a nom-ile u dedoo ken ilev mbi nan, kpa nan tsegh zwa, nan va ne Yehova nagh sha u a gbe iwan* la.” Yehova u akum a sha kaa ér, “Gadia mo m ngu Zegetor,+ shi iti yam ia lu kwagh u cieryol ken akuraior.”+
Ngeren mba shin kpe
^ Inja na yô ér, “Orôron-loho wam.”
^ Shin “orvesen u tamen.”
^ Shin “ne mba civir mo er i gbe u a civir mo nahan kpa.”
^ Zwa Heberu, “beredi.”
^ Alaghga mba ôron kwagh u tom u wuhen ihinda i tempel.
^ Shin “hii sha ityoughkitaregh zan zan yem shin ityôtar.”
^ Shin a fatyô u kaan ér, “lahan mo.”
^ Shin “u a lu a ihyogholough iyol.”
