Malaki 3:1-18
3 “Nenge! M ngu tindin orôron-loho wam, nahan una sôr* gbenda sha ci wam.+ Shi ica a gba ga je, Ter u mimi u ne lu keren la una va ken tempel na;+ shi orôron-loho u ikyuryan, un u kwagh na a doo ne la una va. Nenge! Una va kpee je a bunde ga,” kape Yehova u akum a sha a kaa la.
2 “Ka an nana fatyô u wan ishima sha iyange i una va laa? Shi ka an nana fatyô u tilen sha shighe u una ande laa? Gadia una lu er usu u or u soughon myôm, man er icahur+ i mbakiren akondo nahan.
3 Shi una hingir er or u soughon azurufa+ shi wanger un nahan, una wanger ônov mba Levi; shi una sôr* ve er ka i sôr zanaria man azurufa nahan, maa vea hingir ior mba perapera mba vea naan Yehova nagh yô.
4 Shi nagh ku Yuda man ku Yerusalem, ku a doo Yehova, er sha ayange a ngise ngise, man er sha anyom a tsuaa tsuaa la nahan.+
5 “Me va ikyua a ven me va ôr ne ijir, nahan me ôr mbasôronakombo+ ijir fese je, kua mbadyarev man mba bumun sha aie,+ man mba ka ve nyighe or u ve tee nan tom+ man kwasecôghol man wan u nan lu a ter ga* la,+ kua mba ka ve venda u wasen shiror la kpaa.+ Ior mban ve ciam ga,” kape Yehova u akum a sha a kaa la.
6 “Gadia mo Yehova; m gem ga.+ Shi ne mba ônov mba Yakob; ka nahan ve i lu a tim ne kera ga ye.
7 Hii sha ayange a uter enev la je, ne undu atindi a am shi ne de u kuran a.”+ Yehova u akum a sha kaa ér, “Hide nen hen a mo, nahan mo kpa me hide hen a ven.”+
Kpa ne pine ner: “Se hide hen a we nena?”
8 “Orumace nahan nana fatyô u iin Aôndo? Kpa ne mba iin mo.”
Ne gema ne pine ner: “Se ii u nena?”
“Ne mba iin mo sha u môm-ken-pue man uiyua mba ne eren la.
9 Ifyan* ia kôr ne kpee je, sha ci u ne mba iin mo—een, ikyurior ne cii ngi eren nahan.”
10 Yehova u akum a sha kaa ér, “Va nen a môm-ken-pue mbara cii ken iyou i koson akaa+ sha er kwaghyan una lu ken iyou yam yô;+ shi nea lumun yô, karem nen sha kwagh ne, tsô ne nenge er me bugh usha+ shi me nôô ne averen er ura nahan, zan zan kwagh a kera ban ne ga yô.”+
11 “Shi me venda kwagh taver taver a un u a vihin kwagh* la sha ci wen, nahan una vihi ityamegh ki kon ki ken tar wen ga, shi kon u wain u ken sule wen kpa, ua de umen ga,”+ ka kwagh u Yehova u akum a sha a kaa la.
12 Yehova u akum a sha kaa ér: “Akuraior cii aa kaa ér saan ne iyol,+ sha ci u ne hingir tar u doon.”
13 Yehova kaa ér: “Ne ôr akaa a vihin tsung sha a mo.”
Kpa ne pine ner: “Se ôr akaa a vihin sha a we hen atô wase nena?”+
14 “Ne kaa ner, ‘Ka a inja u civir Aôndo ga.+ Se mba kuran atindi a Yehova u akum a sha shi zenden zunguluu sha ishigh nagh nahan, ka injar i nyi se zough a mini?
15 Kpa hegen yô, se nenge saan mbagengeseyol la iyol. Shi mba ve eren afer la kpa, kwagh ngu zan a ve ka doon.+ Ka ve cihi ve kar Aôndo, shi kwagh kpa a er ve ga.’”
16 Hen shighe la, mba ve cie Yehova la lam ayol a ve, hanma or a ijende i nan, shi Yehova kpa kegh ato, lu ungwan. Nahan i nger takeda u umbur akaa sha ishigh nagh+ sha ci u mba ve cie Yehova, man sha ci u mba ve henen sha* kwagh u iti na la.+
17 Yehova u akum a sha kaa ér: “Shi vea hingir ior av+ sha iyange i me gema ve vea hingir mo kwagh u injaa la.+ Me zungwe ve mhôônom, er or ka nan zungwe wan u nan u a eren nan tom mhôônom nahan.+
18 Nahan shi ne nenge mkposo u a lu hen atô u orperapera man iferor la,+ kua hen atô u or u nan civir Aôndo man u nan civir un ga la.”
