Yosua nanga Salomo ben sori taki Yehovah ben du ala san a pramisi (Yos 23:14; 1Kw 8:56). Den sani di den tu kotoigi disi taki kan yepi wi fu kon abi wan moro tranga bribi. ​—2Kor 13:1; Tit 1:2.

Fa den pramisi fu Yehovah kon tru na ini a ten fu Yosua? Luku a felem ’Ala sani di Gado pramisi kon tru’ makandra nanga yu osofamiri. Baka dati, taki fu den aksi disi: (1) Fa yu kan sori bribi neleki Rakab? (Heb 11:31; Yak 2:24-26) (2) Fa a tori fu Akan e sori taki sani no e waka bun nanga sma di e trangayesi Gado fu espresi? (3) Den man fu Gibeon ben de tranga fetiman. Ma fu san ede den kori Yosua èn meki freide nanga den Israelsma? (4) Fa a wortu fu Yehovah kon tru di feifi kownu fu den Amorietsma go feti nanga den Israelsma? (Yos 10:5-14) (5) Fa Yehovah yepi yu fu di yu poti a Kownukondre nanga en retidu na a fosi presi na ini yu libi?​—Mt 6:33.

Te wi e prakseri fu den sani di Yehovah du, den sani di a e du now èn den sani di a o du ete, dan wi bribi na ini den pramisi fu en o kon moro tranga.​—Ro 8:31, 32.