Amos 8:1-14

  • Fisyun fu wan baskita nanga froktu di e gro na ini a waran ten fu a yari  (1-3)

  • Man di e pina pôtisma e kisi krutu (4-14)

    • Sma o angri fu yere den wortu fu Gado (11)

8  Ne a Moro Hei Masra Yehovah meki mi si wan baskita nanga froktu di e gro na ini a waran ten fu a yari. 2  Dan a taki: „San yu e si, Amos?” Mi taki: „Wan baskita nanga froktu di e gro na ini a waran ten fu a yari.” Ne Yehovah taigi mi: „Wan kba o kon na mi pipel Israel. Mi no o gi den pardon moro. 3  ’Na presi fu singi, sma o bari krei na ini a tempel na a dei dati,’ na so a Moro Hei Masra Yehovah taki. ’Bun furu dedeskin o de. Na ala sei sma o trowe den dedeskin. Ala sma o tan pî!’  4  Arki, un man di e pina* den pôtismaèn di e kiri den safr’ati sma na ini a kondre.  5  Unu e taki: ’O ten a Nyunmun-fesa o psa, so taki wi kan seri n’nyan?O ten a Sabat-dei o psa, so taki wi kan seri aleisi? Dan wi kan meki den baki* di wi e gebroiki fu marki sani, kon moro pkinèn den wegiston* kon moro bigi.Na so wi kan bedrigi sma nanga den wegi fu wi.  6  Nanga solfru wi o bai den mofinasma leki srafuèn wi o bai den pôtisma gi a moni fu wan susu.Na a aleisi di no bun wi o seri gi sma tu.’  7  Yehovah, a Glori fu Yakob, sweri na en eigi nen:’Noiti mi o fergiti den sani di den du.  8  Na fu a sani disi ede a kondre* o seki.Ala sma di e tan na ini a kondre o sari. A heri kondre o de leki Nijl-liba di e psa den syoro fu en.A o kren èn a o saka leki a watra fu Nijl-liba na Egepte.’  9  A Moro Hei Masra Yehovah taki:’Na a dei dati mi o meki son dongo na brekten yuru.Mi o meki a kondre kon dungru, aladi a de bigibigi dei ete. 10  Mi o meki den fesa fu unu kon de neleki te unu e rowèn unu o singi soso sari singi.* Ala sma o weri rowkrosi èn den o piri den ede.A o de neleki te den e row gi a wan-enkri manpkin fu den.A dei dati o de wan bita dei.’ 11  A Moro Hei Masra Yehovah taki:’Luku, wan ten o kon pe mi o meki angriten kon na ini a kondre.Angri o kiri unu, ma a no fu di brede no de. Watra o kiri unu, ma a no fu di watra no de.Na presi fu dati, unu o angri fu yere den wortu fu Yehovah. 12  Sma o tingatinga fu a wan se go na a tra seèn fu noordsei te go miti owstusei.* Den o wakawaka lontu fu suku den wortu fu Yehovah, ma den no o feni en. 13  Na a ten dati, den moi yongu uma* nanga den yongu man o flawfu di watra o kiri den. 14  Den sma di e sweri na den falsi gado fu Samaria, e taki:„Yu musu sweri na a libi fu yu gado, Dan!” Den e taki tu: „Sweri na a pasi fu Berseiba!” Ma den o fadon èn den no o opo moro.’”

Futuwortu

^ Noso: „trapu na tapu”.
^ Noso: „efa”. Luku „Tra prenspari sani” B14.
^ Noso: „sikkel”. Luku „Tra prenspari sani” B14.
^ Noso: „grontapu”.
^ Noso: „rowsingi”.
^ Noso: „a sei pe son e opo”.
^ Hebrewtongo: „yongu uma di no sribi nanga wan man ete”.

Auteursrechten voor deze publicatie