Hosea 1:1-11

1  Na a ten+ di Usia,+ Yotam,+ Akas,+ nanga Heskia+ ben e tiri baka makandra leki kownu fu Yuda, Yehovah taki+ nanga Hosea,+ a manpikin fu Beri. Na a srefi ten dati Yerobeyam,+ a manpikin fu Yoas,+ ben e tiri leki kownu fu Israel.  Di Yehovah bigin taki nanga Hosea, Yehovah taigi en: „Go+ trow nanga wan uma di o du hurudu èn teki den pikin di a o meki nanga wan tra man. Bika den sma fu a kondre de leki huruman, fu di den drai baka gi Yehovah.”+  Dati meki Hosea go trow nanga Gomer, na umapikin fu Diblayim. Ne Gomer kon de nanga bere èn bakaten a kisi wan manpikin gi Hosea.+  Yehovah taigi Hosea: „Kari en Yisreyel,+ bika a no o teki langa moro fosi mi o aksi a famiri fu Yehu+ fu gi frantwortu fu a kiri di den kiri sma na a foto Yisreyel. Mi o sorgu taki Israel no abi kownu moro.+  Na a ten dati mi o broko a bo+ fu Israel na Yisreyel-lagipresi.”  Dan Gomer kon de nanga bere baka èn a meki wan umapikin. Gado taigi Hosea: „Kari en Lo-Rukama,+ bika mi no o sori sari-ati+ moro gi den sma na ini Israel. Mi o yagi den gowe trutru.+  Ma mi o sori sari-ati+ gi den sma na ini Yuda. Na mi Yehovah, a Gado+ fu den, o frulusu den. Ma mi no o frulusu den nanga wan bo, wan feti-owru, asi, noso srudati di e rèi na tapu asi.+ Mi no o go na feti fu frulusu den.”  Bakaten Gomer puru Lo-Rukama na bobi. Ne a kon de nanga bere baka èn a meki wan manpikin.  Dati meki Gado taigi Hosea: „Kari en Lo-Ami, bika unu no de mi pipel èn mi no de un Gado. 10  Ma den Israelsma o kon furu leki den aisanti na sesyoro. Den o de so furu taki sma no o man teri den.+ Na a presi pe mi ben taigi den: ’Unu no de mi pipel’,+ na drape mi o taki dati den na ’manpikin fu a libilibi Gado.’+ 11  Dan mi o tyari den sma na ini Yuda èn den sma na ini Israel kon na wán.+ Mi o gi den wán edeman èn mi o meki den komoto na ini a kondre.+ A o de wan bigi dei gi Yisreyel.+

Futuwortu