Bijbel e taki dati Armagedon a no wan feti di o feni presi na wan pisi fu grontapu nomo, ma na wan feti di o de na heri grontapu. Na wan feti na mindri Gado nanga ala libisma regering.

•   „Na den ogri yeye e taki den boskopu disi. . . Den boskopu e doro ala den kownu na heri grontapu, so taki den kan kon na wán fu feti a feti na a bigi dei fu Gado na Almaktiwan. . . Dan den tyari den kownu kon na wán na a presi di sma e kari Armagedon na ini Hebrewtongo.”​—Openbaring 16:14, 16.

 A wortu „Armagedon” kmoto fu a Hebrew wortu Har–Magedohnʹ, san wan taki „Bergi fu Megido.” Megido ben de wan foto na ini a kontren fu na owruten Israel. Fu dati ede, son sma e bribi taki a feti fu Armagedon o feni presi na ini Israel. Fu taki en leti, no wan kontren na ini megido noso nowan tra kontren na Midden Oosten bigi nofo fu man hori „ala den kownu na heri grontapu’’ nanga den legre fu den.

 A buku Openbaring abi sani na ini di a no trutru sani, ma na „marki” (Openbaring 1:1). Armagedon no abi fu du nanga wan pisi kontren nomo, ma a o de wan situwâsi na heri grontapu te den kondre o opo densrefi teige a regering fu Gado.​—Openbaring 19:11-16, 19-21.