ΟΠΡΑΛ κο Όρος των Ελαιών, σο οτθάρ ντικχίντιβελας η Ιερουσαλήμ ντα ο ναός, σταρ κατά απόστολοι ι Ιησούσκε γκιλέ λέσκε όταν ισινέ κορκορό ντα μανγκλέ λέσταρ τι εξηγίνελ λένγκε κάποια πράγματα σο βακερντάας. Ο Ιησούς βακερντάας ότι ο ναός κι Ιερουσαλήμ κα καταστραφίντιβελας. Πιο πριν-ντα τθερέλας λένγκε βακερντό “ι τελευταίε ντιβεσένγκε ανταλέ ντουνιάσκε”. (Ματθαίος 13:​40, 49) Ανταγιά φαρ ο απόστολοι πουτσλέ-λες: «Καβά κα αβέλ ο σημείος σο κα σικαβέλ ότι αβιλάν ντα ότι ισί πασέ ο τέλος ανταλέ ντουνιάσκο;»​—Ματθαίος 24:3.

Ο Ιησούς, για τι ντελ-λεν ι απάντηση, βακερντάς σο κα αβέλας-πες πριν τι καταστραφίντιβελ η Ιερουσαλήμ. Όμως, λέσκε λάφια κα επηρεάνενας μπουτέ τζενέν. Η προφητεία σο βακερντάς κα νικιόλας μπαγιά, όχι σάντε για την Ιερουσαλήμ, αλλά σαρέ ι ντουνιάσκε-ντα. Ο Ιησούς ντινάς εκ σημείος σο σικαβέλας μερικά πράγματα σο κα αβένας-πες σαρί κι πφουβ. Οντουβά σημείος κα σικαβέλας κο τζενέ ότι ο Ιησούς αρχισάλο τι κυβερνίνελ κο ουρανός σαρ Βασιλιάς. Δηλαδή, κα σικαβέλας ότι ο Ιεχωβά Ντεβέλ τσσουντάας ι Ιησούς Βασιλιάς κι Βασιλεία σο βακερντάας ότι κα αβέλας. Ο σημείος κα σικαβέλας ότι η Βασιλεία, μπουτ σουγκό, κα νασκιαρέλας ο πφιρνιπέ ντα κα ανέλας πραγματική ειρήνη σαρέ κο τζενέ. Άρα, οντουλά σο βακερντάς ο Ιησούς κα σικαβένας ότι τζουβντιάσα κο τελευταία ντιβεσά ανταλέ πουρανέ ντουνιάσκε​—κο τέλος λέσκε πφιρνέ τζενένγκο, λέσκε θρησκειάκο ντα σαρέ οντουλένγκο σο τθερένα τι κερέν με την πολιτική—​ντα ότι ισί πασέ εκ νεβό ντουνιάς.

Ο Ιησούς βακερντάς ότι, αζομάν σο κα αβέλας Βασιλιάς κο ουρανός, κι πφουβ κα υπαρχίντιβενας τζένγκια, μποκχ, μπαρέ σεισμοί ντα νασφαλίματα. Κα αβέλας μπουτ παρανομία. Ο πραγματικοί μαθητές ι Ιησούσκε κα βακερένας ο λατσσέ αμπέρια ι Βασιλειάκε σαρί κι πφουβ. Σαρέ ανταλά κα ανένας εκ «μπαρί στεναχώρια», σο ασακί να αβιλίας-πες ποτές πριν.​—Ματθαίος 24:21.

Σαρ κα αγαβένας ο μαθητές ι Ιησούσκε κάνα κα ερεσέλας ανταγιά στεναχώρια; «Σικλιόν κατά χελινγκίν», βακερντάς ο Ιησούς. (Ματθαίος 24:​32) Όταν εκ χελινγκίν νικαβέλα φύλλα, αγαβάσα ότι ερεσέλα ο νιλάι. Αντικάς-ντα, ο τζενέ κα αγαβένας ότι ο τέλος ισί πασέ όταν κα ντικχένας τι αβέν-πες μαζί σαρέ οντουλά σο βακερντάς ο Ιησούς. Σάντε ο Ντατ τζανέλας, ντα καέκ γιαβέρ, ακριβώς ο ντιβές ντα ο σαάτι σο κα αβέλας η μπαρί στεναχώρια. Οτθάρ, ο Ιησούς βακερντάς πι μαθητένγκε: «Τι αβέν τζανγκαντέ, σόσκε να τζανένα κάνα κα αβέλ οντουβά βακίτι».​—Μάρκος 13:33.

​—Στηρίντιβελα κο βιβλία Ματθαίος, κεφάλαια 24 ντα 25, Μάρκος, κεφάλαιος 13, ντα Λουκάς, κεφάλαιος 21.