17. LEKCIJA
Savo hine o Isus?
Ako mangaja te đana savo hine o Isus, šukar tano te sikljova so ov vaćerđa hem ćerđa đi hine ki phuv. Odova ka ćerel amen te ova popaše oleja hem olese Dadeja, e Jehovaja. Kola osobine isi le o Isus hem sar šaj te ova sar oleste?
1. Sar o Isus mothovđa soj tano sar po Dad?
O Isus milijarde berša hine pe Dadeja ko nebo. Tegani, ov dikhlja sa so ćerela oleso Dad hem but buća sikljilo olestar. Odolese, o Isus razmislini, osetini hem sa ćerela sar po Dad. (Čitinen Jovan 5:19.) Ked hine ki phuv, o Isus odobor šukar mothovđa pe Dadese osobine, so phenđa: „Ko dikhlja man, dikhlja hem e Dade“ (Jovan 14:9). Đi sikljovaja ando odova savo hine o Isus, pana pošukar ka penđara e Jehova. Na primer, e Isuseso saosećanje premalo manuša, mothovi so o Jehova osetini premalo amende.
2. Sar o Isus mothovđa so mangela e Jehova?
O Isus phenđa: „Te šaj o sveto te đanel so mangava me Dade, me ćerava ađahar sar so mo Dad zapovedinđa maje“ (Jovan 14:31). Ked hine ki phuv, o Isus mothovđa so mangela pe Dade, ađahar so uvek šunđa le, čak ked hine lese pharo. Isto ađahar, o Isus manglja te vaćeri kotar po Dad hem pomožinđa e manušenđe te oven amala e Jehovaja (Jovan 14:23).
3. Sar o Isus mothovđa so mangela e manušen?
I Biblija phenela so e Isusese o manuša hine najbari radost (Poslovice 8:31, fusnota). Ov mothovđa so mangela e manušen ađahar so ohrabrinđa len hem hine spremno te pomožini lenđe. O čudija kola ćerđa o Isus na mothovđe samo kobor tano ov moćno, već hem kobor tano saosećajno (Marko 1:40-42). Ov hine šukar premalo manuša hem na dikhlja koj tano ko. Olese lafija utešinđe e manušen kola šunđe le hem dinđe len nada. Ov hine spremno te patini hem te merel odolese so mangela e manušen. Ama, ov posebno mangela okolen so ićerena pe ko olese lafija. (Čitinen Jovan 15:13, 14.)
SIKLJOV POBUTER
Sikljov pobuter savo hine o Isus hem dikh sar šaj te mothove mangipe hem te ove phravde vasteso sar oleste.
4. O Isus mangela pe Dade
Ando Isus šaj te sikljova sar te mothova so mangaja e Devle. Čitinen Luka 6:12 hem Jovan 15:10; 17:26. Palo odova so ka čitinen akala stihija, vaćeren ando akava pućibe:
-
Sar šaj te ova sar o Isus hem te mothova so mangaja e Jehova?
O Isus manglja pe nebesko Dade hem često molinđa pe olese
5. O Isus brininđa pe ando manuša
O Isus pobuter brininđa pe e manušendar nego kokri pestar. Čak ked hine but ćhindo, o Isus dinđa sa pestar te pomožini e manušenđe. Čitinen Marko 6:30-44, hem palo odova vaćeren ando akala pućiba:
-
Sar o Isus mothovđa so brinini pe averendar? (Dikhen o 31, 34, 41, hem 42. stih)
-
Sose o Isus manglja te pomožini e manušenđe? (Dikhen o 34. stih)
-
O Isus isi le ista osobine sar po Dad. So odova sikavi amen ando Jehova?
-
Sar šaj hem amen te brinina amen averendar?
6. O Isus hine phravde vasteso
O Isus na hine le but buća, ama odova na ćhinavđa le te ovel phravde vasteso. Čitinen Dela apostolska 20:35, hem palo odova vaćeren ando akava pućibe:
-
Premalo Isusese lafija, so valjani te ćera te šaj te ova bahtale?
Dikhen o VIDEO, hem palo odova vaćeren ando akava pućibe:
-
Sar šaj te ova phravde vasteso, iako nane amen but buća?
Da li đanđan?
I Biblija sikavi amen so valjani te molina amen e Jehovase ko Isuseso anav. (Čitinen Jovan 16:23, 24.) Ked ađahar ćeraja, amen mothovaja so hijam zahvalna aso odova so o Isus ćerđa te šaj te ova paše e Devleja.
AKO NEKO PHENELA: „Našti te naše kotar odova soj tano tuće pisimo ando Devel.“
-
O Isus mothovđa pe Dadese osobine. Sar odova so o Isus ćerđa mothovi so o patnje na avena ando Jehova?
SO SIKLJILJAM
O Isus mangela e Jehova hem e manušen. Sebepi so o Isus tano sar po Dad, so pošukar penđareja e Isuse, pana pošukar ka penđare e Jehova.
Te ponovina
-
Sar šaj te mothova mangipe premalo Jehova sar o Isus?
-
Sar šaj te mothova mangipe premalo manuša sar o Isus?
-
Kola e Isusese osobine najviše sviđinena pe tuće?
RODE POBUTER
Sikljov pobuter ando Isusese osobine kola hem tu šaj te ovel tut.
„Ako mangeja te ove sar o Isus, ov. . .“ (Isus – put, istina i život, strana 317)
Sikljov sose valjani te molina amen ko Isuseso anav.
„Sose valjani te molina amen ko Isuseso anav?“ (Stražarska kula, 1. februar 2008)
Da li i Biblija vaćeri diso odolestar sar izgledinđa o Isus?
So šaj te sikljova ando odova sar o Isus ponašinđa pe premalo đuvlja?
„O Devel mothovi poštovanje premalo đuvlja“ (Stražarska kula, 1. septembar 2012)
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
