Wach Maber e Wi Ngima Yesu
Puonjri weche momedore e wi Yesu Kristo ma en Wuod Nyasaye kendo Jawar mar dhano duto e vidio ma luwogi.
Kare Mokwongo: Ler Madier mar Piny
Ere kaka ibiro res dhano ka igologi e richo ma ne giyudo kuom Adam? Mesia kende e ma nyalo reso dhano.
Kare mar 2: “Ma En Wuoda”
Johana Jabatiso iko ne Mesia yo. Ne gik miwuoro ma Yesu notimo ka nochako tije e piny!
Kare mar 3: “An e En”
Yesu fwenyore kaka Mesia ne Nikodemo, Nya-Samaria, kod Jo-Nazareth, kata kamano, mana joma nok ma chunygi ni kare e ma yie kode. Bang’ timo hono moro miwuoro, oluongo jolupo moko mondo obed jolupne.
Kare mar 4: “Mano e Momiyo Nabiro”
Yesu nyiso teko ma en-go mar chango ji kendo golo jochiende. Kata kamano, nitie joma kwede kendo gichano nege. Yo ma Yesu puonjogo ji kendo nyisogigo ng’wono, miyo gibedo jopuonjrene kendo oyiero jootene 12.
Kare mar 5: ‘Ne Giwuoro Ahinya Yo ma Nopuonjogo’
Bang’ chango oganda maduong’, Yesu chako puonjo ji e yo ma ng’ato ang’ata pok nopuonjogigo. Ji wuoro ahinya teko ma en-go, ngeche mogoyo, kod yo motiyogo kodgi.
Kare mar 6: “Be In e Jal Mabiro?”
Yesu nyiso teko ma en-go mar chiero jomotho. Honni motimo kod yo mopuonjogo nyiso chuny ma joma winje nigo. Yesu tiyo gi ngeche e lero gik motudore gi Pinyruoth.
