(Kʼu sjalil chjalij: 39:40).

Li Jesuse la xchanubtas li Nikodemo, jun jsamaria ants xchiʼuk li krixchanoetik ta Nasarete, pe mu skotoluk krixchanoetik lek laj yaʼiik. Li video liʼe jaʼ chalbe skʼoplal li loʼiletik liʼe:

• Li Jesuse laj yalbe Nikodemo kʼuxi xuʼ xvokʼ ta voʼ xchiʼuk ta chʼul espiritu li jun krixchanoe (Juan 3:1-13).

• Li Xnichʼon Krixchanoe chichʼ jokʼanel jech kʼuchaʼal la sjokʼan chon ta takixokol balumil li Moisese (Juan 3:14, 15).

• Li Diose la stak tal Xnichʼon ta stojolal krixchanoetik sventa sta skolelik, maʼuk sventa xchapan (Juan 3:16-21).

• Laj yalbe skʼoplal Jesus ta slajeb velta li Juane (Juan 3:22-30).

• Li buchʼu chakʼ xchʼunel yoʼonton ta stojolal li Nichʼonil ti likem tal ta toyole, jaʼ skʼan xal kuxlejal sbatel osil (Juan 3:31-36).

• Tikʼil ta chukel li Juane (Markos 6:17-20; Mateo 4:12; 14:3-5; Lukas 3:19, 20).

• Li Jesuse lubem xa kʼot ta sposo Jakob ta Sikar ta steklumal Samaria (Juan 4:1-6).

• Lik xchiʼin ta loʼil jsamaria ants li Jesuse (Juan 4:7-15).

• Li Jesuse laj yalbe skʼoplal melel relijion li jsamaria antse (Juan 4:16-24).

• Li Jesuse laj yalbe jsamaria ants ti jaʼ li Mesiase (Juan 4:25, 26).

• Li jsamaria antse laj yalbe batel yantik li kʼusitik laj yaʼie (Juan 4:27-30).

• Li Jesuse xkoʼolaj ta sveʼel laj yaʼi li spasbel yabtel Diose, laj yalbe skʼoplal li stsobbel sat kʼusitike (Juan 4:31-38).

• Ep jsamariaetik laj yakʼ xchʼunel yoʼontonik ti jaʼ «jkoltavanej yuʼun krixchanoetik» li Jesuse (Juan 4:39-42).

• Lik xchol mantal ta Galilea li Jesuse (Juan 4:43-45; Markos 1:14, 15; Mateo 4:17; Lukas 4:14, 15).

• Li Jesuse la xpoxtabe xnichʼon jun yajtunel ajvalil ta Kana ta Galilea (Juan 4:46-54).

• Laj yichʼ pʼajel ta Nasaret li Jesuse (Lukas 4:16-30).

• Bat ta Kapernaum li Jesuse (Mateo 4:13-16).

• Labal sba kʼu yelan la staik choy; la stak ta ikʼel li baʼyel yajchankʼoptak Jesuse (Lukas 5:1-11; Mateo 4:18-22; Markos 1:16-20).