“Musaope”

LIZANI

“Musaope”

Pa June 29, 2026, Khoti la Boma la Rudnichniy ku Prokopyevsk linapeza Mlongo Irina Shishkina ndi mlandu ndipo linamulamula kucita ukaidi wosapita ku ndende wa zaka 4. Pali pano iye safunikila kupita ku ndende.

Mbili Yake

Irina Shishkina

Caka Cimene Anabadwa: 1970 (Karalda, m’Cigao ca Kemerovo)

Caka Cimene Anabatizidwa: 2010

Zokhudza Iye: Anali kugwila nchito m’famasi. Anakwatilana ndi Vasiliy mu 2013. Mwamuna wake akupika ndende ya zaka 6 cifukwa ca cikhulupililo cake.

Mlandu wake: Kupezeka pa misonkhano yacipembedzo ya Mboni za Yehova

Cigamulo: Kucita ukaidi wosapita ku ndende kwa zaka 4

Zimene Iye Akunena

N’ciani cakuthandizani kukhala wolimba mtima pa nthawi yobvutayi?

Kucokela pomwe cizunzo cinayamba, ndakhala ndi cizolowezi colemba mavesi a m’Baibo omwe amandilimbitsa mtima ndi kundilimbikitsa. Ndimakonda kwambili mavesi oonetsa mmene Yehova anathandizila atumiki ake kumbuyoku. Imodzi mwa mavesi amene ndimawakonda kwambili ndi Deuteronomo 31:8 imene imati: “Yehova ndi amene akuyenda patsogolo panu ndipo apitiliza kuyenda nanu. Sadzakutayani kapena kukusiyani ngakhale pangʼono. Conco musaope kapena kucita mantha.” Mauwa amandilimbitsa mtima pamene ndikufunsidwa mafunso komanso kukaonekela ku milandu ku khoti. Nthawi zonse ndimapempha Yehova kuti azikhala patsogolo panga. Iye akupitilizabe kundipatsa mphamvu ndi mtendele wa mumtima. Sindikaikila kuti Yehova amakonda atumiki ake ndipo sadzawataya.

Tili ndi cikhulupililo conse kuti Yehova adzapitiliza kuthandiza ndi kulimbikitsa anthu ake, pamene tikupilila mokhulupilika mabvuto m’masiku otsiliza ano.—Ekisodo 14:13.

“Musaope”

Mbili Yake

Sankhani Cinenelo