ဘာကြောင့် အရေးကြီး– ကျမ်းစာကို ကိုယ်ပိုင်​လေ့လာတာ​က “အမှန်တရားရဲ့ အလျား၊ အနံ၊ အမြင့်၊ အနက်​တွေကို ပြည့်ပြည့်ဝဝ၊ နှံ့နှံ့စပ်စပ် နားလည်” ဖို့ ကူညီ​ပေးတယ်။ (ဧ ၃:၁၈) အပြစ်ကင်း​စင်​နေဖို့၊ ဆိုးညစ်​တဲ့ လောက​အလယ်မှာ အပြစ်​တင်စရာ မရှိဖို့၊ “အသက်​ရစေတဲ့ တရားစကားကို မြဲ​မြဲ​စွဲကိုင်” ဖို့​လည်း ကူညီ​ပေးတယ်။ (ဖိ ၂:၁၅၊ ၁၆) ကျမ်းစာကို ကိုယ်ပိုင်​လေ့လာတာ​က ကျွန်တော်တို့ တစ်ဦးစီ​နဲ့​သက်ဆိုင်တဲ့ အကြောင်းအရာကို ရွေးချယ်​လေ့လာခွင့် ရစေတယ်။ ကျမ်းစာ​ဖတ်ရှုခြင်း၊ လေ့လာခြင်း​ကနေ အကျိုးများ​များ​ရဖို့ ဘာ​လုပ်နိုင်သလဲ။

လုပ်ဆောင်​နိုင်ပုံ–

• စာအုပ်မှာ​ဖြစ်စေ၊ အီလက်ထရောနစ်​ပုံစံ​မှာ​ဖြစ်စေ ကိုယ့်ရဲ့​ကျမ်းစာမှာ ကျမ်းချက်တွေကို မှတ်သား​ပြီး ကိုယ်ပိုင်​မှတ်စု ရေး​ထားပါ

• ကျမ်းစာ​ဖတ်တဲ့အခါ ကိုယ့်ကိုယ်ကိုယ် ဒီ​မေးခွန်းတွေ မေးပါ– ‘ဘယ်သူ​လဲ၊ ဘာလဲ၊ ဘယ်​အချိန်​လဲ၊ ဘယ်​နေရာမှာ​လဲ၊ ဘာကြောင့်လဲ၊ ဘယ်လို​နည်းနဲ့လဲ’

• အချက်အလက်​တွေကို ရယူပါ။ ရနိုင်တဲ့ လေ့လာမှု ကိရိယာတွေကို သုံးပြီး အကြောင်းအရာ ဒါမှမဟုတ် ကျမ်းပိုဒ်​ကို ရှာဖွေပါ

• သင် ဖတ်​တဲ့​အကြောင်းအရာက သင်နဲ့ ဘယ်လို သက်ဆိုင်တယ်​ဆိုတာ သိဖို့ တွေးတော​ဆင်ခြင်ပါ

• သိလာတာတွေကို နေ့စဉ် ကျင့်သုံးပါ။—လု ၆:၄၇၊ ၄၈

“မြဲ​မြဲ​စွဲကိုင်​ထားပါ—ထိရောက်တဲ့ ကိုယ်ပိုင်လေ့လာမှု လုပ်ခြင်း​အားဖြင့်” ဗီဒီယိုကို ကြည့်ပြီးနောက် အောက်ပါ​မေးခွန်းတွေကို ဖြေပါ–

• ကိုယ်ပိုင်လေ့လာမှု​နဲ့​ပတ်သက်ပြီး တချို့​သူတွေ ဘယ်လို ပြောပြ​ကြသလဲ။

• ကိုယ်ပိုင်လေ့လာမှု လုပ်တဲ့​အခါတိုင်း ဘာကြောင့် ဆုတောင်းပြီး စ​သင့်သလဲ။

• ကျမ်းချက်​တစ်ချက်​ကို ပို​နားလည်စေဖို့ ဘာက ကူညီပေး​မလဲ။

• လေ့လာမှု​အတွက် သုံးတဲ့ ကျမ်းစာမှာ ဘယ်လို အမှတ်အသားတွေ လုပ်နိုင်သလဲ။

• ကျမ်းစာ​လေ့လာတဲ့​အခါ တွေးတော​ဆင်ခြင်​ဖို့ ဘာကြောင့် အရေးကြီး​သလဲ။

• သိလာတာတွေကို ဘာ​လုပ်သင့်သလဲ။