Labib ankouraz nou pou done avek enn bon leker ek osi avek bann bon rezon. Li montre ki sa fer dibien sa dimounn ki pe gagn sa la, me osi sa dimounn ki pe done la. (Proverb 11:25; Lik 6:38, Nouvo Testaman Dan Kreol Morisien, NTKM) Zezi ti dir: “Ena plis benediksion kan done, ki kan resevwar.”​—Zistwar Bann Zapot 20:35, NTKM.

•  Kan eski bann don fer Bondie plezir?

•  Kan eski bann don pa fer Bondie plezir?

•  Bann verse Labib lor sa size-la

 Sa fer Bondie plezir kan nou done avek enn bon leker. Labib dir: “Sakenn bizin donn dapre seki li finn deside dan so leker, san regrete ek san presion lor li. Bondie kontan dimoun ki donn avek lazwa.”​—2 Korintien 9:7, NTKM.

 Dan “relizion” ki Bondie aprouve, done li bien inportan. (Zak 1:27, NTKM) Kan enn dimounn ed bann ki bizin led avek tou so leker, li pe travay avek Bondie. Bondie konsider sa bann bon aksion-la kouma enn loan ki Li pe gagne. (Proverb 19:17) Labib dir ki Bondie pou rekonpans bann ki done.​—Lik 14:12-14, NTKM.

 Si ena bann rezon egois deryer sa bann don-la. Par exanp:

•   Pou lizie dimounn.​—Matie 6:2, NTKM.

•   Pou gagn kitsoz an-retour.​—Lik 14:12-14, NTKM.

•   Pou gagn lavi eternel.​—Psom 49:6, 7, Psom an Kreol Morisien PKM.

 Bann don ki ankouraz bann aktivite ouswa bann konportman ki Bondie kondane. Par exanp, li pa pou bon, si nou donn enn kikenn kas pou al zwe bann zwe larzan, pou droge ouswa pou pran lakol. (1 Korintien 6:9, 10, NTKM; 2 Korintien 7:1, NTKM) Li pa pou bon osi ki nou donn enn kikenn kas, alor ki li kapav travay pou gagn so lavi, me ki li refiz pou fer li.​—2 Tesalonisien 3:10, NTKM.

 Bann don ki anpes nou pou asim bann responsabilite ki Bondie inn donn nou. Labib montre nou ki enn sef fami bizin nouri so fami. (1 Timote 5:8, NTKM) Li pa pou bon ki li donn boukou lezot ek ki apre li pena ase pou so prop fami. Zezi ti mem kondann bann ki tir pretext ek ki ti dir ki zot pa kapav ed zot paran parski seki zot ti ena ti “enn kado ki’nn fini donn Bondie.”​—Mark 7:9-13.