Bibliomancie c’est enn l’habitude ki bann dimoune ena pou ouvert la Bible par hasard ek zot croire ki premier verset ki zot trouvé, c’est sa-mem solution pou zot probleme. Bann vrai Chretien pa rod bann signe pou konn lavenir. Au contraire, zot etudié la Bible pou gagne enn connaissance exact ek direction Bondié.​—15/12, page 3, en Français.

Sa “le monde” ki pou al fini-la, c’est tou dimoune ki pa vive en accord avek volonté Bondié. (1 Jean 2:17) Later ek bann dimoune ki fidele pou survive.​—1/1, page 5-7, en Créole.

Li faire sa par so la foi. Nou kapav aprann couma li ti manifesté la foi ek essaye imite li. So l’exemple ankor toujours ena valeur zordi.​—1/1, page 12, en Créole.

Certain domaine c’est: nou travail ou-soit enn carriere, bann detente ek bann divertissement ki nou choisir, frequentation enn membre nou famille ki’nn exclu, maniere ki nou servi bann technologie moderne, nou trop tracassé pou nou la santé, enn mauvais l’attitude lor l’argent ek kan nou mette trop l’accent lor nou prop l’opinion ou-soit lor nou position.​—15/1, page 12-21, en Créole.

Au lieu ki li ti laisse pouvoir monte dan so la tête, Moïse ti compte lor Bondié, pa lor li-mem. Fodé jamais nou laisse pouvoir, l’autorité ou-soit nou bann capacité naturel faire nou vinn orgueilleux; au contraire, nou bizin mette nou confiance en Jéhovah. (Prov. 3:5, 6)​—1/3, page 5, en Créole.

Enn ti groupe ladan​—144,000​—pou vive dan le ciel. Mais la plupart pou ressuscité lor later, kot zot pou ena possibilité pou vive pou touletan.​—1/5, page 6, en Créole.

Zot ti bien rebelle ek zot ti bizin tire tou seki ti faire zot leker vinn insensible​—bann pensée, bann sentiment ou-soit bann mobile ki pa ti en accord avek bann commandement Bondié. (Jér. 5:23, 24)​—15/3, page 9-10 en Créole.

Li ti ena enn l’objectif dan so lavi: c’est faire volonté Bondié. Li ti bien content so Papa ek bann dimoune. A cause sa, Jésus ti koné ki so Papa ti content li ek ki li ti ena So faveur. C’est sa bann kitsoz-la ki bien important pou ki lavi enn dimoune ena enn sens.​—1/4, page 4-5, en Français.

Ena College Central, bann Comité Filiale, bann surveillant itinerant, bann college ancien, bann congregation, ek chaque Témoins de Jéhovah.​—15/4, page 29, en Créole.

Jéhovah pa prend plaisir dan lamor bann mauvais dimoune. (Ézék. 33:11) Seki Li’nn faire dan le passé montré ki, avek amour Li averti bann dimoune avant ki Li execute so jugement. Sa donne nou l’espoir ki nou kapav gagne lavi sauve kan Li pou execute so bann jugement dan lavenir.​—1/5, page 5-6, en Français.

Non. Bann lezot nation dan le passé ti faire sa, mais pa bann Israélite. Dan lepok bann l’Écritures Hébraïques, ti touye bann criminel avant, par exemple, ti envoye zot coute roche ziska zot mor. (Lév. 20:2, 27) Apré sa, ti kapav attache cadavre-la lor enn poteau couma enn l’avertissement pou lezot.​—15/5, page 13, en Créole.

Mem si bann dimoune inn reussi faire beaucoup kitsoz, zot pena capacité pou dirige zot prop pas. (Jér. 10:23) Satan pé controle le monde, alors, bann dimoune pa pou kapav amenn la paix. (1 Jean 5:19)​—1/7, page 16, en Créole.