KANTIK 76
Ki To Pe Resanti?
-
1. Ki to pe resanti?
To’nn donn tou to lenerzi
Pou to prese avek zel,
ek anons bonn nouvel.
To’nn rod bann ki sinser,
leres nou Bondie pou fer.
Li kone ek Li trouve
bann ki bien dispoze.
(REFRIN)
Nou bien kontan nou pe donn twa
tou nou leker, letan, lavwa.
Nou pou kontigne loue twa
toulezour Zeova.
-
2. Ki to pe resanti?
Bann mo to dir bien zoli,
Tous leker ek zot amenn
ver lavi eternel.
Sertin pa ekoute,
ar lezot gagn maltrete,
Kanmem sa nou kontigne
port to nom ek prese.
(REFRIN)
Nou bien kontan nou pe donn twa
tou nou leker, letan, lavwa.
Nou pou kontigne loue twa
toulezour Zeova.
-
3. Ki to pe resanti?
Bondie ed twa dan lavi.
Li’nn konfie twa enn mision:
Travay predikasion.
Nou pres avek kouraz,
nou fier nou port to mesaz.
Bizin degaze rode
bann ki anvi kone.
(REFRIN)
Nou bien kontan nou pe donn twa
tou nou leker, letan, lavwa.
Nou pou kontigne loue twa
toulezour Zeova.
(Get osi Zist. 13:48; 1 Tes. 2:4; 1 Tim. 1:11.)
