KANTIK 14
Loue Nouvo Lerwa Later
(Psom 2:12)
-
1. Dan tou pei, dan tou nasion,
partou dan lemond antie,
Enn lafoul pe rasanble par
Kris ek bann ki’nn swazire.
Rwayom Bondie finn etabli,
Ek nou priye ki li vini.
Par nou lesperans ek nou lafwa,
Nou gagn rekonfor ek lazwa.
(REFRIN)
Anou loue Zeova, ek loue Kris Zezi
Ki nou Segner ek nou Lerwa.
Asterla ansam nou soumet ar li
Ek loue li dan lazwa.
-
2. Nou gran Lerwa, Kris, nou loue
bien for ar rekonesans.
Li Prins Lape ki pou ziz nou
ek fer nou gagn delivrans.
Mazinn enn lemond san pese
Kot nanye pa fer nou tranble.
Bann mor biento pou resisite,
Sa pou enn moman bien zwaye!
(REFRIN)
Anou loue Zeova, ek loue Kris Zezi
Ki nou Segner ek nou Lerwa.
Asterla ansam nou soumet ar li
Ek loue li dan lazwa.
(Get osi Ps. 2:6; 45:1; Iza. 9:6; Zan 6:40.)