KARE MOKWONGO

Chakre Kinde Jodongo Machon Nyaka Kinde Jong’ad Bura

Kare mokwongoni wuoyo e wi joma nonyiso yie motegno kod chir kochakore gi Enok nyaka e kinde janabi Samuel.

Kare 1 Kinde ma Gik Moko Notimoree

Chat ma nyiso higni ma joma iwuoyo kuomgi e Muma nodakie kod gik madongo ma Muma wacho ni notimore e kindego.

1 ENOK

Nowuotho gi Nyasaye

Enok nopogore gi joma ne odak e kindene e yore ariyo. Ere kaka mano ne nyalore? Ranyisi mare puonjowa ang’o e wi bedo gi chir?

2 NOA

Nonyiso ni Bura Oloyo Piny

Ere kaka kinde ma wadakiegi chalo gi kinde Noa? Ne ane kaka inyalo bedo gi chir mana kaka Noa.

3 SARA

Ne Ok Oketo Pache Kuom Gik ma Noweyo Chien

Ere kaka inyalo bedo gi chir mana kaka Sara?

4 IBRAHIM

Ng’at ma Nokwongo Kedo e Lweny Makare

Bedo ni Ibrahim noyie dhi reso Lut puonjowa ang’o? Jehova ne oneno nade chir kod yie motegno ma Ibrahim nonyiso?

5 IBRAHIM

Nowinjo Nyasaye Kata Obedo ni Timo Kamano ne Ok Yot

Ere kaka wanyalo bedo gi chir mar winjo Nyasaye mana kaka Ibrahim notimo? Weche ma wasenonogi puonjowa ang’o e wi hera mar Jehova?

6 REBEKA

Noyie Weyo Joodgi Mondo Odhi e Piny ma Okia

Rebeka ne en dhako ma ne nigi chir kod yie motegno. Ang’o ma wanyalo puonjore kuom ranyisine?

7 JAKOBO

Norito Joode gi Chir

Ere kaka ranyisi mar Jakobo miyo ibedo gadier ni ka ikedo matek to Jehova biro guedhi?

8 JOSEF

Nokwedo Tem

Ne ane kaka ranyisi mar Josef nyalo konyi mondo ikwed tembe kendo inan.

9 SHIFRA, PUA, AMRAM, JOKEBED, MIRIAM

‘Kuom Yie ne Opand Musa’

Mon ma jocholo, jonyuol Musa, kod nyamin-gi nonyiso yie kod chir. Ere kaka wanyalo luwo ranyisigi?

10 MUSA

Notimo Yiero Maber

En yiero mane ma Musa notimo, to nikech ang’o? Ranyisine nyalo puonji ang’o?

11 MUSA

“Dhi Ir Farao”

Ere kaka gik ma notimore ne Musa miyo wabedo gadier ni Jehova biro konyowa kata sama waneno ni ok wawinjore timo migawo momiyowa?

12 KALEB

Nomakore gi Nyasache gi Chunye Duto

Ne ane kaka ranyisi mar Kaleb nyalo konyowa mondo kik wadonj e tem mar timo gimoro “mana nikech ji mang’eny timo.”

13 JOSHUA

Noluwo Chik ma ne Nenore ka Gima Ok Nyal Konyo

En chik mane ma ne nenore ni ok nyal konyo ma Jehova nomiyo Joshua? Gin chal mage ma nyalo dwarore ni waluw ranyisi mar Joshua?

14 RAHAB

Noyiero Makore gi Jehova Kar Makore gi Ogandane

Ang’o ma wanyalo puonjore kuom gima Rahab notimo? Noyudo gueth mage nikech yiene kod chir ma nonyiso?

15 NAOMI GI RUTH

Ne Ginano e Masira Kanyachiel

Naomi gi Ruth nonyiso chir e yore mage? Gin puonj mage ma wanyalo yudo e ranyisigino?

16 BARAK GI DEBORA

“Abiro Dhi Kodi”

Barak noramo ni Debora nyaka dhi kode e lweny. Be mano nyiso ni ne oyomyom koso ne en-gi yie motegno?

17 JAEL

“Dhako Moguedh Moloyo Mon Duto”

Chir ma Jael nonyiso mar nego jasik Jehova en gima waparo nyaka sani. Ang’o momiyo dwarore ni wabed gi chir e okang’ malach mana kaka Jael?

18 GIDEON

Ne En Ng’at ma Jachir Kendo Motang’

Gin kinde mage ma nyalo dwarore ni wabed jochir kendo motang’?

19 JEFTHA GI NYARE

Ne Gichopo Singruok ma ne Tek Chopo

Ranyisi mar Jeftha gi nyare nyalo konyowa nade e kindewagi?

20 SAMSON

Ne Obedo gi Chir e Kinde ma ne Oonge gi Teko

Ang’o ma wanyalo puonjore kuom okang’ ma ne Samson okawo bang’ timo gima ne ok mor Jehova?

21 SAMUEL

Wuoyi ma Nolando Ote Moa Kuom Jehova

Gin kinde mage ma nyalo dwarore ni rowere obed gi chir mar timo gik makare?

KARE MAR 2

Chakre Kinde Ruodhi Nyaka Kinde ma Nogerie Jerusalem Kendo

Kare mar ariyoni wuoyo e wi joma nonyiso yie motegno kod chir kochakore gi Jonathan, wuod Ruoth Saulo, kae to owuoyo e wi Ruoth Daudi, bang’e otieko kowuoyo e wi jo Nyasaye ka ne giwuok e tuech Babulon ma gigero Jerusalem kendo.

Kare mar 2 Kinde ma Gik Moko Notimoree

Chat ma nyiso higni ma joma iwuoyo kuomgi e Muma nodakie kod gik madongo ma Muma wacho ni notimore e kinde ruodhi nyaka kinde ma nogerie Jerusalem kendo.

22 JONATHAN

Nobedo gi Chir mar Makore gi Jehova kod Daudi

Jonathan ne nyaka nyis ni omakore gi ng’a. Ang’o ma nokonye ng’eyo ng’at ma nonego omakrego? Ere kaka wanyalo luwo ranyisine?

23 DAUDI

Nokedo gi Ng’at Marabet

Daudi nong’ere kaka “jalweny ma jachir.” Ere kaka ranyisi mare jiwowa? Ere kaka chir ma in-go nyalo konyo jomamoko?

24 ABIGAIL

Nonyagore gi Chwo Ariyo ma ne Nigi Mirima Mager

En ang’o ma mon gi chwo nyalo puonjore kuom ranyisi mar Abigail?

25 DAUDI

Nobedo gi Chir mar Timo Gima Kare

Daudi ne oyudo thuolo maber mar chulo kuor. Ang’o momiyo ne ok otimo kamano? Ere kaka wanyalo luwo ranyisine?

26 NATHAN

Norieyo Ruoth

Ranyisi mar Nathan puonjowa ang’o e wi kaka wanyalo konyo osiepwa moro motimo richo maduong’?

27 MEFIBOSHETH

Ne Ok Oweyo Chandruoge Omaye Mor

Gin puonj mage mabeyo ma wanyalo yudo kuom Mefibosheth?

28 ASA

‘Nomakore gi Jehova gi Chunye Duto e Ngimane Te’

Gin puonj mage ma wanyalo yudo kuom ng’at moro ma notiyo ne Jehova gi chunye duto?

29 ELIJA

“Nyasacha En Jehova”

Ang’o ma nokonyo Elija loyo luoro ma ne en-go?

30 CHI LIEL MA ZAREFATH

Nonyiso Chir e Kinde ma Weche ne Tek

Ere kaka ranyisine jiwowa mondo waket genowa kuom Jehova?

31 NYA-ISRAEL MORO MATIN

Nyathi ma Noter e Tuech Nowuoyo gi Chir

Ranyisi mar nyako matinni nyalo jiwi mondo ichiw neno kata sama iluor.

32 ELISHA

“A Jehova, Yie Iyaw Wang’e”

Gin kinde mage ma wanyalo bedo gi chir ka wang’eyo ni malaike ni machiegni kodwa?

33 JEHOYADA

Ne Okedo ne Ruoth ma Jehova Noyiero

En ang’o ma Jehoyada notimo ma nyiso ni ne ojachir? Gin yore mage minyalo nyisogo chir kaka en e ngimani?

34 HEZEKIA

“Ne Omakore Motegno gi Jehova”

Hezekia nonyiso chir kod yie motegno. Ere kaka wanyalo luwo ranyisi mare e kindewagi?

35 MANASE

Nochoko Chir mi Okwayo Ng’wono

Ang’o momiyo wanyalo wacho ni Manase ne oketonwa ranyisi maber mar nyiso gi chir?

36 JOSIA

Ne Okonyo Ji Mondo Gilam Jehova Kendo

Kata obedo ni Josia ne odak e ngima matek ahinya ka ne pod otin, nonyiso chir makende mar kedo ne lamo madier. Gin yore mage ma wanyalo luwogo ranyisine?

37 DANIEL

Noramo ni ‘Ok Obi Chamo Gik ma ne Nyalo Miyo Obed Mochido’

E kindegi, gin yore mage ma rowere nyalo nyisogo ni gin gi chir kendo gimakore gi Jehova mana kaka Daniel? Ere kaka ranyisi mar Daniel nyalo konyowa waduto?

38 JO-HIBRANIA ADEK

“Ne Gikueyo Teko mar Mach”

Jo-Hibarania adekgo ne onyiso chir kata sama tho ne ochomogi. Ranyisi margi nyalo puonjowa ang’o e wi kido mar bolruok, muolo, kod makruok gi Nyasaye?

39 ESTA

“Ka En tho, to Anatho Athoya”

Esta ne riek kendo ne oyie luwo kaka ne ichike. Mano ne omiyo kata mana chwore ma ne ok ong’eyo Nyasaye ne oyie timo gima ne okwaye. Wanyalo puonjore ang’o kuom ranyisineno?

40 NEHEMIA

Ne Ogero Ohinga Kendo

Ranyisi mar Nehemia puonjowa ang’o e wi tiyo ne Jehova gi chunywa duto? Ere kaka jodongo nyalo luwo ranyisine?

KARE MAR 3

Chakre Kinde Mesia kod Jolupne

Kare mar adekni wuoyo e wi joma nonyiso yie gi chir e kinde Jokristo mokwongo moriwo nyar Jo-Yahudi moro ma silili ma nyinge Maria kae to otieko gi jaote Johana.

Kare mar 3 Kinde ma Gik Moko Notimoree

Chat ma nyiso higni ma joma iwuoyo kuomgi e Kare mar 3 nodakie. Bende owuoyo e wi moko kuom gik madongo ma notimore chakre kinde Mesia nyaka kinde ma jaote Johana nothoe.

41 ZEKARIA GI ELIZABETH

“Ne Gin Jo Makare e Nyim Nyasaye”

Ang’o momiyo Jehova ne oneno Zekaria gi Elizabeth kaka joma kare? Ere kaka wanyalo luwo ranyisi margi?

42 MARIA

Nobedo gi Chir mar Timo Migawo Makende

Maria noyudo migawo moro mapek kendo makende. Ere kaka noyudo chir mar timo migawono nyaka giko?

43 JOSEF

Nochopo Migawo Mapek ma ne En-go

Ere kaka Josef noketo ranyisi maber ne wuone ma Jokristo e kindegi?

44 JOHANA JABATISO

‘Onge Ng’at Maduong’ Moloye’

Johana ne en ng’at ma jachir kendo ma nodak e ngima mayot. Ne ane gima wanyalo puonjore kuome.

45 PETRO

“An Jaricho”

Ere kaka ranyisi mar Petro nyalo konyowa mondo wadhi nyime tiyo ne Jehova kata obedo ni wan gi nyawo moko?

46 MARIA MAGDALINA

“Aseneno Ruoth! ”

Maria nochiwore gi ngimane duto mondo okony Yesu gi jopuonjrene. Ere kaka wanyalo kecho jomamoko kendo nyiso chir mana kaka notimo?

47 MARIA, NYAMIN LAZARO

“Osetimo Gima Onyalo”

Yesu nopwoyo Maria nyamin Lazaro kuom bedo gi yie kod chir. Ne onyiso chir e yore mage? Ere kaka wanyalo luwo ranyisine e kindewagi?

48 STEFANO

“Nopong’ gi Yie kod Roho Maler”

Ne oyal Stefano gi joma ne dhi ng’adone bura ka be owinjore onege kata kik nege. Ere kaka ne okedo ne yiene? Ere kaka ranyisine nyalo konyowa mondo wasik ka wamakore gi Nyasaye?

49 PETRO

Nobedo Lwanda

Ere kaka ranyisi mar Petro nyalo konyowa geno Jehova kendo loyo luoro ma wan-go?

50 SAULO MA JA-TARSO

Noloko Kit Ngimane

Ang’o ma nomiyo ng’at ma ne sando Jokristo ahinyani noloko kit ngimane? Gin puonj mage ma wanyalo yudo ka wanono ranyisine?

51 BARNABA

“Wuod Hoch”

Barnaba nochoko chir mokonyo Saulo kendo notere ir joote. Ere kaka wanyalo bedo gi chir kaka en kendo nyiso chuny mar konyo jomamoko?

52 MARIKO

“En Jal ma Konya”

Kata obedo ni Mariko noromo gi gik ma ne nyalo nyoso chunye, pod ne odhi nyime tiyo ne Nyasaye gi chir kendo konyo Jokristo wetene. Ere kaka wanyalo luwo ranyisine?

53 PAULO

Nochiwo Paro ma Noreso Ngima

Ere kaka jaote Paulo nonyiso chir e kinde ma ne nenore ni onge geno moro amora? Ere kaka chir mare ne okonyo jomamoko?

54 JAOTE JOHANA

Nonyiso Chir e Kinde Matek

Jaote Johana ne ok oweyo luoro omake. Ere kaka wanyalo luwo ranyisine kendo dhi nyime wuotho gi Nyasaye gi chir?

WECHE MITIEKOGO

‘Bed gi Chir’

Muma oting’o ranyisi mathoth mag chwo gi mon ma nonyiso chir mar chung’ kor Jehova, bed ni ne giseti kata ne pod gin rowere. Sigendni maggi nyalo jiwowa mondo wan bende watim kamano.

Giko Buk